ന്യൂഡല്‍ഹി: ഹൈദരാബാദ് ഏറ്റുമുട്ടല്‍ കൊലപാതകത്തില്‍ അന്വേഷണ റിപ്പോര്‍ട്ട് സമര്‍പ്പിക്കാന്‍ സുപ്രീം കോടതി ആറ് മാസം കൂടി അനുവദിച്ചു. കോവിഡ് വ്യാപനത്തിന്‍റെ പശ്ചാത്തലത്തിലാണ് അന്വേഷണ കമ്മീഷന്‍ കൂടുതല്‍ സമയം തേടിയത്.
കഴിഞ്ഞ ഡിസംബര്‍ ആറിനാണ് കൂട്ടമാനഭംഗ കേസിലെ നാല് പ്രതികളെ തെലുങ്കാന പോലീസ് ഏറ്റുമുട്ടലിലൂടെ കൊലപ്പെടുത്തിയത്. ഏറ്റുമുട്ടല്‍ വ്യാജമാണെന്ന് ആരോപണമുയര്‍ന്നതിന്‍റെ പശ്ചാത്തലത്തില്‍ ഇതേക്കുറിച്ച്‌ അന്വേഷിക്കാന്‍ സുപ്രീം കോടതിയില്‍ നിന്ന് വിരമിച്ച ജസ്റ്റീസ് വി.എസ്. സിര്‍പുര്‍കര്‍ അധ്യക്ഷനായ സമിതിയെ സുപ്രീം കോടതി നിയോഗിക്കുകയായിരുന്നു.
