ബെംഗളൂരു: കര്ണാടകയില് 24 മണിക്കൂറിനിടെ 61 പേര് കൂടി കോവിഡ് ബാധിച്ച് മരിച്ചു. ഇതോടെ കോവിഡ് ബാധിച്ച് മരിച്ചവരുടെ എണ്ണം 1,464 ആയി. സംസ്ഥാനത്ത് ഇന്നലെ 3649 പുതിയ കോവിഡ് കേസുകള് റിപ്പോര്ട്ട് ചെയ്തു. ഇതോടെ കര്ണാടകയിലെ ആകെ രോഗികളുടെ എണ്ണം 71,069 ആയി. ഇതില് 44,140 ആക്ടീവ് കേസുകളാണ്.
അതേസമയം ബെംഗളൂരുവില് അടക്കം കര്ണാടകയില് ഒരിടത്തും ഇന്ന് മുതല് ലോക്ക്ഡൗണ് ഉണ്ടാവില്ല. സംസ്ഥാനത്ത് ലോക്ഡൗണ് പിന്വലിക്കുകയാണെന്നും സാമൂഹിക അകലം പാലിക്കണമെന്നും മാസ്ക് ധരിക്കണമെന്നും കര്ണാടക മുഖ്യമന്ത്രി ബി.എസ്. യെദ്യൂരപ്പ അറിയിച്ചു.
കോവിഡ് വ്യാപനം തടയാന് ലോക്ഡൗണ് മാത്രം പരിഹാരമല്ലെന്നും കണ്ടെയ്ന്മെന്റ് സോണുകളില് മാത്രമായിരിക്കും നിയന്ത്രണമെന്നും അദ്ദേഹം കൂട്ടിച്ചേര്ത്തു.