മുംബൈ: ഭരണഘടനാ ശില്പി ഡോ.ബി.ആര്.അംബേദ്കറിന്റെ മുംബൈയിലെ സ്മാരക വസതിക്ക് നേരെ ആക്രമണം. മുംബൈയിലെ ദാദറിലെ രാജഗ്രഹ ആണ് ആക്രമിക്കപ്പെട്ടത്. ആരാണ് ആക്രമണത്തിന് പിന്നിലെന്ന് വ്യക്തമായിട്ടില്ല. വീടിന്റെ ജനല് ചില്ലുകള് കല്ലെറിഞ്ഞ് തകര്ത്ത നിലയിലാണ്. കൂടാതെ വസതിയിലെ സിസിടിവി കാമറകളും തകര്ത്തതായി പൊലീസ് പറഞ്ഞു. ചൊവ്വാഴ്ച രാത്രിയോടെയായിരുന്നു ആക്രമണം.
സംഭവത്തില് മഹാരാഷ്ട്ര ആഭ്യന്തര മന്ത്രി അനില് ദേശ്മുഖ് അന്വേഷണത്തിന് ഉത്തരവിട്ടു. കുറ്റവാളികളെ അറസ്റ്റ് ചെയ്ത് നിയമത്തിനു മുന്നില് കൊണ്ടുവരുമെന്ന് അദ്ദേഹം ട്വിറ്ററില് കുറിച്ചു. അതിനിടെ ജനങ്ങളോട് സംയമനം പാലിക്കാന് അംബേദ്കറുടെ കൊച്ചുമകനും വഞ്ചിദ് ബഹുജന് അഗാഡി നേതാവുമായ പ്രകാശ് അംബേദ്കര് ട്വീറ്റ് ചെയ്തു. പ്രധാന ഉദ്യോഗസ്ഥര് സ്ഥലത്തെത്തുകയും അന്വേഷണം ആരംഭിക്കുകയും ചെയ്തതായും അദ്ദേഹം അറിയിച്ചു.