ഇസ്രയേലില് കോവിഡ് രോഗികളുടെ എണ്ണം വര്ധിക്കുന്ന സാഹചര്യത്തില് ആരോഗ്യ വകുപ്പിലെ ഭരണതലത്തിലുംം പ്രതിസന്ധി. പ്രതിരോധ പ്രവര്ത്തനങ്ങളില് സര്ക്കാര് പരാജയപ്പെട്ടു എന്നതടക്കമുള്ള വിമര്ശനങ്ങളാണ് ഉയരുന്നത് . ഈ വിമര്ശനങ്ങള്ക്കു പിന്നാലെ ഇസ്രയേല് ആരോഗ്യ വകുപ്പ് ഡയറക്ടര് രാജിവച്ചു . സിഗാള് സാന്ഡെസ്കിയാണ് തന്റെ രാജി പ്രഖ്യാപിച്ചത്.
അതേസമയം ഇസ്രയേലില് മുന് മാസങ്ങളെ അപേക്ഷിച്ച് രാജ്യത്തെ കോവിഡ് ബാധിതരുടെ എണ്ണത്തില് വന് വര്ധനവാണ് ഉള്ളത്. 24 മണിക്കൂറിനിടെ 1,473 പേര്ക്കാണ് വൈറസ് ബാധിച്ചത്. ഈ സമയത്തിനുള്ളില് എട്ടുപേര് മരണത്തിനു കീഴടങ്ങുകയും ചെയ്തു. 32,222 പേര്ക്കാണ് രാജ്യത്ത് ഇതുവരെ കോവിഡ് ബാധിച്ചത്. 342 പേര്ക്ക് ജീവന് നഷ്ടപ്പെടുകയും ചെയ്തു.