ബംഗളൂരു: മേയ് 23ന് ബംഗളൂരുവില്നിന്ന് തിരുവനന്തപുരത്തേക്ക് സര്വിസ് നടത്തിയ ശ്രമിക് ട്രെയിനിലെ യാത്രക്കാര്ക്ക് ടിക്കറ്റ് നിരക്ക് കിഴിച്ചുള്ള ബാക്കി തിരിച്ചുനല്കുന്നു. യാത്രാകൂലി ഒഴിച്ചുള്ള ബാക്കിതുക തിരിച്ചുലഭിക്കേണ്ടവര് നോര്ക്ക റൂട്ട്സ് വെബ്സൈറ്റിലെ ‘നോര്ക്ക ട്രെയിന് ടിക്കറ്റ് റീഫണ്ട് ക്ലെയിം ഫോം’ എന്ന ഒപ്ഷനില് ക്ലിക്ക് ചെയ്ത് വിവരങ്ങള് സമര്പ്പിക്കണമെന്ന് ബംഗളൂരു നോര്ക്ക വികസന ഒാഫിസര് റീസ രഞ്ജിത് അറിയിച്ചു. പേര്, മൊബൈല് നമ്ബര്, ടിക്കറ്റിനായി നല്കിയ തുക, യാത്ര പുറപ്പെട്ട സ്റ്റേഷന് ഇറങ്ങിയ സ്റ്റേഷൻ, അക്കൗണ്ട് വിവരം എന്നിവ സഹിതമാണ് അപേക്ഷ നൽകേണ്ടത്. ടിക്കറ്റ് ബുക്ക് ചെയ്യുേമ്പാൾ നൽകിയ വിവരങ്ങൾ തന്നെയാണ് തുക റീഫണ്ട് ലഭിക്കാനും നൽകേണ്ടത്. റീഫണ്ട് സംബന്ധിച്ച വിവരങ്ങൾ രജിസ്റ്റർ ചെയ്ത മൊബൈൽ നമ്പറിൽ നേരിട്ട് ലഭിക്കും.
ബംഗളൂരു- തിരുവനന്തപുരം നോൺ എ.സി സെക്കൻഡ് സിറ്റിങ് ട്രെയിനിൽ 1496 പേരാണ് യാത്ര ചെയ്തത്. പാലക്കാട്, തൃശൂർ, എറണാകുളം, കോട്ടയം, തിരുവനന്തപുരം എന്നിവിടങ്ങളിൽ സ്റ്റോപ്പുള്ള സ്പെഷൽ ട്രെയിനിൽ എല്ലാ യാത്രികർക്കും 1000 രൂപ വീതമായിരുന്നു ടിക്കറ്റ് നിരക്ക്.