ന്യൂഡല്ഹി: ഫേസ്ബുക്കിന്റെ മാതൃകമ്പനിയായ മെറ്റയുടെ ഇന്ത്യ മേധാവി അജിത് മോഹന് രാജിവച്ചു. 2019 ജനുവരിയിലാണ് അജിത് മോഹൻ ഫേസ്ബുക്ക് ഇന്ത്യ മാനേജിംഗ് ഡയറക്ടറായി ജോലിയിൽ പ്രവേശിച്ചത്.
മറ്റൊരു സോഷ്യൽ മീഡിയ പ്ലാറ്റ്ഫോമായ സ്നാപ്പിൽ ചേരുന്നതിനായാണ് അജിത് രാജിവച്ചതെന്നാണ് റിപ്പോർട്ട്. മെറ്റയ്ക്ക് മുൻപ് സ്റ്റാർ ഇന്ത്യയുടെ വീഡിയോ സ്ട്രീമിംഗ് സേവനമായ ഹോട്ട്സ്റ്റാറിന്റെ ചീഫ് എക്സിക്യൂട്ടീവ് ഓഫീസറായി മോഹൻ നാല് വർഷം സേവനമനുഷ്ഠിച്ചിട്ടുണ്ട്.
ദശലക്ഷക്കണക്കിന് ഇന്ത്യന് ബിസിനസുകള്ക്കും പങ്കാളികള്ക്കും സേവനമനുഷ്ഠിക്കാന് കഴിയുന്ന തരത്തില് മെറ്റയുടെ ഇന്ത്യയിലെ പ്രവര്ത്തനങ്ങള് രൂപപ്പെടുത്തുന്നതിലും വളര്ത്തുന്നതിലും അജിത് പ്രധാനപങ്കു വഹിച്ചിട്ടുണ്ടെന്ന് മെറ്റയുടെ വൈസ് പ്രസിഡന്റ് നിക്കോള മാന്ഡല്സന് പറഞ്ഞു.
