പാരീസ്: ഒളിംപിക്സ് ഗുസ്തിയില് ഭാരക്കൂടുതലിന്റെ പേരില് അയോഗ്യയാക്കപ്പെട്ടതിനെതിരെ ഇന്ത്യൻ വനിതാ ഗുസ്തി താരം വിനേഷ് ഫോഗട്ട് നല്കിയ അപ്പീല് അന്താരാഷ്ട്ര കായിക തര്ക്കപരിഹാര കോടതി തള്ളി. ഇതോടെ വെള്ളി മെഡലെങ്കിലും നേടാമെന്ന വിനേഷിന്റെയും ഇന്ത്യയുടെയും സ്വപ്നം പൊലിഞ്ഞു. കോടതിയുടെ വിശദമായ വിധി പിന്നീട് വരും.
ഒളിംപിക്സിലെ വനിതാ വിഭാഗം 50 കിലോ ഗ്രാം ഫ്രീ സ്റ്റൈല് ഗുസ്തി ഫൈനലിന് മുമ്പ് നടത്തിയ പതിവ് ഭാരപരിശോനയിലാണ് വിനേഷ് ഫോഗട്ടിന് 100 ഗ്രാം അധികഭാരം ഉണ്ടെന്ന് കണ്ടെത്തിയത്. തടര്ന്നാണ് വിനേഷിനെ അയോഗ്യയാക്കിയത്. ഇതോടെ സെമിയിൽ വിനേഷിനോട് തോറ്റ ക്യൂബന് താരം യുസ്നെലിസ് ഗുസ്മാന് ലോപസ് ഫൈനലില് അമേരിക്കന് താരം സാറാ ഹില്ഡര്ബ്രാന്ഡിനോട് മത്സരിച്ചു. സാറ ഫൈനലില് ജയിച്ച് സ്വര്ണം നേടി. ക്യൂബന് താരം വെള്ളി നേടിയപ്പോള് ക്വാര്ട്ടറില് വിനേഷിനോട് തോറ്റ ജപ്പാന് താരം യു സുസാകി റെപ്പഷാജില് മത്സരിച്ച് വെങ്കലവും സ്വന്തമാക്കിയിരുന്നു.
