ഫിലാഡൽഫിയ: ഫോമയുടെ എട്ടാമത് അന്തർദേശീയ കൺവൻഷനോടനുബന്ധിച്ച് നടന്ന തെരഞ്ഞെടുപ്പിൽ വൈസ് പ്രസിഡന്റ സ്ഥാനാർഥിയായി വിജയിച്ച ഷാലു പുന്നൂസിന് സ്വീകരണം നൽകി. സുനോജ് മല്ലപ്പള്ളിയുടെ നേതൃത്വത്തിലാണ് ഫിലാഡൽഫിയ രാജ്യാന്തര വിമാനത്താവളത്തിൽ ഷാലുവിന് വരവേൽപ്പ് നൽകിയത്.
എയർപോർട്ട് കവാടത്തിൽ നൽകിയ വമ്പിച്ച സ്വീകരണത്തിന് ശേഷം ഷാലു പുന്നൂസിനെ നിരവധി വാഹനങ്ങളുടെ അകമ്പടികളോടുകൂടി ജിജു കുരുവിളയുടെയും ഷൈൻ ജോർജിന്റെയും ഉടമസ്ഥതയിലുള്ള മലയാളി റസ്റ്റോറന്റായ മല്ലു കഫെയിലേക്ക് ആനയിച്ചു.
റസ്റ്റോറന്റിലും ഷാലുവിനെ വരവേൽക്കാൻ നിരവധി ആളുകൾ കാത്തുനിന്നിരുന്നു. തുടർന്ന് നടന്ന ലളിതമായ അനുമോദന ചടങ്ങിന് സുനോജ് മല്ലപ്പള്ളി, ജിജു കുരുവിള, ഷൈൻ ജോർജ്, കൊച്ചുമോൻ വയലത്ത് എന്നിവർ നേതൃത്വം നൽകി.
ഫോമാ പ്രവർത്തകർ ഷാലുവിൽ അർപ്പിച്ച വിശ്വാസം വോട്ടായി ഒഴുകിയെത്തുമെന്നും വൻ ഭൂരിപക്ഷം നേടി അദ്ദേഹം വിജയിക്കുമെന്നും തങ്ങൾക്ക് ഉറപ്പായിരുന്നു എന്നും സുനോജ് മല്ലപ്പള്ളി പറഞ്ഞു.
തെരഞ്ഞെടുപ്പ് വിവരങ്ങൾ നൽകിയ ബെൻസൻ വർഗീസ് പണിക്കർ, റോയി അയിരൂർ, സജു വർഗീസ് എന്നിവരോടുള്ള നന്ദി അറിയിക്കുന്നതായി കൊച്ചുമോൻ വയലത്തും ജിജു കുരുവിളയും പറഞ്ഞു. വിനോദ്, ടിനു ചെറുകത്തറ, അലൻ ജോർജ്, ബ്ലെസൻ, വിനയ്, നിധിൻ, എമിൽ, മനു, നന്ദു, സന്തോഷ്, റോയി എന്നിവരും ആശംസകൾ അറിയിച്ചു.
തന്നെ വിജയിപ്പിക്കുവാൻ ഒരുപാട് സുഹൃത്തുക്കൾ ശ്രമിച്ചെന്നും തന്നിൽ അർപ്പിച്ച വിശ്വാസവും സ്നേഹവും നഷ്ടപ്പെടാതെ സൂക്ഷിക്കുമെന്നും ഫോമയുടെ ഉന്നമനത്തിനുവേണ്ടി പ്രവർത്തിക്കുമെന്നും ഷാലു മറുപടി പ്രസംഗത്തിൽ പറഞ്ഞു.
മല്ലു കഫെ തയാറാക്കിയ ഡിന്നറോടുകൂടി സ്വീകരണ പരിപാടികൽ അവസാനിച്ചു.
