ഡാളസ്: സെപ്റ്റംബർ എട്ടിന് ഡാളസ് സന്ദർശിക്കുന്ന പ്രതിപക്ഷ നേതാവ് രാഹുൽ ഗാന്ധിയെ സ്വീകരിക്കുന്നതിനായുള്ള ഒരുക്കങ്ങൾ അവസാനഘട്ടത്തിൽ. ഇന്ത്യൻ ഓവർസീസ് കോൺഗ്രസ് യുഎസ്എയാണ് സ്വീകരണ സമ്മേളനത്തിന് നേതൃത്വം നൽകുന്നത്.
ഇർവിംഗ് ടൊയോട്ട മ്യൂസിക് ഫാക്ടറിയിൽ സെപ്റ്റംബർ എട്ടിന് വൈകുന്നേരം നാലിന് നടക്കുന്ന പൊതുസമ്മേളനത്തെ അഭിസംബോധന ചെയ്ത് രാഹുൽ ഗാന്ധി പ്രസംഗിക്കും. 6,000ലധികം പേർക്ക് ഇരിപ്പിട സൗകര്യമുള്ള ഓഡിറ്റോറിയത്തിലേക്കുള്ള പ്രവേശന രജിസ്ട്രേഷൻ ആരംഭിച്ചു.
പ്രവേശനം സൗജന്യമാണ് എങ്കിലും മുൻകൂട്ടി റജിസ്റ്റർ ചെയ്യുന്നവരുടെ ക്രമം അനുസരിച്ചായിരിക്കും പ്രവേശനം അനുവദിക്കുകയെന്ന് സംഘാടക സമിതി ചെയർമാൻ മൊഹിന്ദർ സിംഗ് അറിയിച്ചു.
