Author: George Kakkanatt

പശ്ചിമേഷ്യയിൽ സമാധാന കിരണങ്ങൾ ദൃശ്യമായി മണിക്കൂറുകൾ പിന്നിടും മുൻപേ വെടിനിർത്തൽ ഉടമ്പടി പ്രതിസന്ധിയിൽ. ഹോർമുസ് കടലിടുക്കിലൂടെയുള്ള എണ്ണക്കപ്പലുകളുടെ ഗതാഗതം ഇറാൻ വീണ്ടും തടഞ്ഞു. ലബനനിൽ ഇസ്രായേല്‍ സൈന്യം നടത്തിയ അതിശക്തമായ മിസൈൽ ആക്രമണമാണ് ഇറാന്റെ പെട്ടെന്നുള്ള ഈ നീക്കത്തിന് പിന്നിലെന്നാണ് റിപ്പോർട്ട്. അമേരിക്കയും ഇറാനും തമ്മിലുള്ള വെടിനിർത്തൽ കരാറിന്റെ ഏറ്റവും പ്രധാനപ്പെട്ട നിബന്ധന ഹോർമുസ് കടലിടുക്ക് തുറന്നുനൽകുക എന്നതായിരുന്നു. എന്നാൽ ഇറാനിയൻ മാധ്യമങ്ങൾ പുറത്തുവിട്ട വിവരങ്ങൾ പ്രകാരം എണ്ണക്കപ്പലുകളുടെ ഗതാഗതം പൂർണ്ണമായും നിലച്ചിരിക്കുകയാണ്. ഇസ്രായേല്‍ സൈന്യം ലബനനിൽ കരയുദ്ധം ആരംഭിച്ച ശേഷമുള്ള ഏറ്റവും വലിയ ആക്രമണമാണ് ഇന്ന് ബെയ്റൂത്തിലും സമീപ പ്രദേശങ്ങളിലും നടത്തിയത്. ഹാരെത് ഹ്രീക്, ഘോബെറി ഉൾപ്പെടെയുള്ള ജനവാസ കേന്ദ്രങ്ങളിൽ ഇസ്രായേല്‍ വ്യോമസേന കനത്ത ബോംബ് വർഷം നടത്തി. ഈ ആക്രമണം വെടിനിർത്തൽ കരാറിന്റെ ലംഘനമാണെന്നാണ് ഇറാൻ ആരോപിക്കുന്നത്. ലബനനിലെ ആക്രമണം തുടരുന്ന പശ്ചാത്തലത്തിൽ സമാധാന ഉടമ്പടിയുടെ ഭാഗമായി കപ്പലുകൾ കടത്തിവിടാൻ കഴിയില്ലെന്ന നിലപാടിലാണ് ഇറാനിയൻ ഭരണകൂടം. ഇസ്‌ലാമിക് റെവല്യൂഷണറി ഗാർഡ് കോർപ്‌സുമായി ബന്ധമുള്ള ഫാർസ് ന്യൂസ് ഏജൻസിയാണ് കപ്പൽ ഗതാഗതം തടഞ്ഞ വിവരം ആദ്യം റിപ്പോർട്ട് ചെയ്തത്. ബുധനാഴ്ച രാവിലെ ഇറാന്റെ പ്രത്യേക അനുമതിയോടെ രണ്ട് എണ്ണക്കപ്പലുകൾക്ക് ഹോർമുസ് കടലിടുക്ക് വഴി കടന്നുപോകാൻ സാധിച്ചിരുന്നു. എന്നാൽ ഉച്ചയ്ക്ക് ശേഷം ഗതാഗതം പൂർണ്ണമായും തടയുകയായിരുന്നു. ഇറാന്റെ ഔദ്യോഗിക വാർത്താ ഏജൻസിയായ ഇർനയും കപ്പലുകൾ കടത്തിവിടുന്നത് നിർത്തിവെച്ച വിവരം സ്ഥിരീകരിച്ചു. ഇസ്റാഈൽ ആക്രമണം തുടരുന്നത് ചർച്ചകളുടെ അന്തരീക്ഷത്തെ നശിപ്പിച്ചതായി ഇറാൻ കുറ്റപ്പെടുത്തുന്നു. അമേരിക്കൻ പ്രസിഡൻ്റ് ട്രംപിന്റെ മധ്യസ്ഥതയിൽ രണ്ടാഴ്ചത്തെ താത്കാലിക വെടിനിർത്തൽ പ്രഖ്യാപിച്ചപ്പോൾ ലോകം ആശ്വാസത്തിലായിരുന്നു. വെള്ളിയാഴ്ച ഇസ്ലാമാബാദിൽ നിർണ്ണായക ചർച്ചകൾ തുടങ്ങാനിരിക്കെയാണ് ഹോർമുസ് കടലിടുക്ക് വീണ്ടും അടച്ചിരിക്കുന്നത്. ഇത് ആഗോള എണ്ണ വിപണിയിൽ വലിയ പ്രത്യാഘാതങ്ങൾ ഉണ്ടാക്കും. ഹോർമുസ് കടലിടുക്ക് അടയ്ക്കുന്നത് ഇന്ധനവില കുതിച്ചുയരാൻ കാരണമാകുമെന്നതിനാൽ അന്താരാഷ്ട്ര തലത്തിൽ വലിയ ആശങ്കയാണ് നിലനിൽക്കുന്നത്. ഇസ്രായേല്‍ പ്രധാനമന്ത്രി ബെഞ്ചമിൻ നെതന്യാഹു ലെബനനെ വെടിനിർത്തലിൽ ഉൾപ്പെടുത്തില്ലെന്ന് നേരത്തെ വ്യക്തമാക്കിയത് ഉടമ്പടിയുടെ നിലനിൽപ്പിന് ഭീഷണിയാകുമെന്ന് നിരീക്ഷകർ മുന്നറിയിപ്പ്...

ലബനനിൽ ഇസ്രായേൽ തുടരുന്ന ആക്രമണങ്ങൾക്കെതിരെ കടുത്ത നിലപാടുമായി ഇറാൻ. ഇസ്രായേൽ ആക്രമണം തുടരുകയാണെങ്കിൽ അമേരിക്കയുമായി നിലവിലുള്ള വെടിനിർത്തൽ കരാറിൽ നിന്ന് പിന്മാറുമെന്ന് ഇറാൻ അറിയിച്ചതായി തസ്നിം വാർത്താ ഏജൻസി റിപ്പോർട്ട് ചെയ്തു. ലബനനിലെ ജനവാസ മേഖലകൾക്ക് നേരെ ഇസ്രായേൽ നടത്തുന്ന ബോംബാക്രമണങ്ങൾ വെടിനിർത്തൽ കരാറിന്റെ ലംഘനമാണെന്നാണ് ഇറാന്റെ പക്ഷം. ഇറാനെതിരായ ആക്രമണങ്ങൾ രണ്ടാഴ്ചത്തേക്ക് നിർത്തിവെക്കാൻ അമേരിക്കയും ഇറാനും തമ്മിൽ ധാരണയിലെത്തിയതിന് പിന്നാലെയായിരുന്നു ഇസ്രായേൽ ലബനനിൽ കടന്നാക്രമണം നടത്തിയത്. എന്നാൽ ഈ വെടിനിർത്തൽ ലബനന് ബാധകമല്ലെന്ന ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിന്റെ പ്രസ്താവന മേഖലയിൽ വീണ്ടും യുദ്ധഭീതി പടർത്തിയിരിക്കുകയാണ്. ലബനനിലെ തങ്ങളുടെ സഖ്യകക്ഷികൾക്ക് നേരെയുള്ള ആക്രമണം അംഗീകരിക്കാനാവില്ലെന്നും കരാറിൽ നിന്ന് പിന്മാറാൻ മടിക്കില്ലെന്നും ഇറാനിലെ ഉന്നത വൃത്തങ്ങളെ ഉദ്ധരിച്ച് റിപ്പോർട്ടുകൾ...

ഇറാൻ-അമേരിക്ക സമാധാന ചര്‍ച്ചകൾ ശനിയാഴ്ച പാകിസ്ഥാനിലെ ഇസ്ലാമാബാദിൽ നടത്തും. ഇറാനുമായുള്ള സമാധാന ചർച്ചകൾക്കായി യുഎസ് പ്രതിനിധി സംഘത്തെ വൈസ് പ്രസിഡന്റ് ജെ.ഡി. വാൻസ് നയിക്കുമെന്ന് വൈറ്റ് ഹൗസ് അറിയിച്ചു. പാകിസ്ഥാനിൽ വെച്ച് നടക്കുന്ന നിർണ്ണായക ചർച്ചകളിൽ ഇറാന് വേണ്ടി പാർലമെന്റ് സ്പീക്കർ മുഹമ്മദ് ബാഗർ ഗാലിബാഫാണ് ചർച്ചകളിൽ പങ്കെടുക്കുന്നത്. യുഎസ് വൈസ് പ്രസിഡന്റ് ജെ.ഡി വാന്‍സ് നയിക്കുന്ന അമേരിക്കന്‍ സംഘത്തിലെ അംഗങ്ങളെ പ്രസിഡന്റ് ട്രംപാണ് നിയോഗിച്ചത്. സംഘത്തില്‍ സ്‌പെഷല്‍ എന്‍വോയ് സ്റ്റീവ് വിറ്റ്കോഫ്, സീനിയര്‍ അഡൈ്വസറും ട്രംപിന്റെ മരുമകനുമായ ജാരെഡ് കുഷ്‌നര്‍ എന്നിവരുമുണ്ടാകുമെന്നാണ് വൈറ്റ് ഹൗസ് പ്രസ് സെക്രട്ടറി കരോലിന്‍ ലീവിറ്റ് അറിയിച്ചത്. മേഖലയിൽ സമാധാനം പുനഃസ്ഥാപിക്കുന്നതിനുമുള്ള ശ്രമങ്ങളുടെ ഭാഗമായാണ് സന്ദർശനം. പാകിസ്ഥാൻ വേദിയാകുന്ന ചർച്ചയിൽ വൈസ് പ്രസിഡന്റ് നേരിട്ട് പങ്കെടുക്കുന്നത് അമേരിക്ക ഈ വിഷയത്തിന് നൽകുന്ന പ്രാധാന്യമാണ് വ്യക്തമാക്കുന്നത്. ട്രംപ് ഭരണകൂടം അധികാരമേറ്റെടുത്തതിന് ശേഷമുള്ള ഏറ്റവും പ്രധാനപ്പെട്ട നയതന്ത്ര നീക്കങ്ങളിൽ ഒന്നാണിത്. മിഡിൽ ഈസ്റ്റിലെ സംഘർഷങ്ങൾ ലഘൂകരിക്കാനും ആണവ കരാർ ഉൾപ്പെടെയുള്ള വിഷയങ്ങളിൽ വ്യക്തത വരുത്താനും ചർച്ചകൾ സഹായിക്കുമെന്നാണ് കരുതപ്പെടുന്നത്. വരും ദിവസങ്ങളിൽ പാകിസ്ഥാനിലെത്തുന്ന അമേരിക്കൻ സംഘം ഇറാൻ പ്രതിനിധികളുമായി കൂടിക്കാഴ്ച...