Author: George Kakkanatt

സംസ്ഥാനത്ത് മൂന്ന് മാസത്തിലൊരിക്കൽ നൽകിയിരുന്ന മണ്ണെണ്ണ റേഷൻ കടകൾ വഴി ഒരുമാസം കൊണ്ട് വിറ്റഴിക്കാൻ ഭക്ഷ്യവകുപ്പ് തീരുമാനിച്ചു. കേന്ദ്രം അനുവദിച്ച മണ്ണെണ്ണ വിതരണം ചെയ്യാതെ കെട്ടിക്കിടക്കുന്ന സാഹചര്യം കണക്കിലെടുത്താണ് ഈ അടിയന്തര നീക്കം.  പുതിയ തീരുമാനപ്രകാരം വൈദ്യുതിയുള്ള വീടുകൾക്ക് റേഷൻ കടകൾ വഴി ഒരു ലിറ്റർ മണ്ണെണ്ണ ലഭിക്കും. എന്നാൽ വൈദ്യുതി കണക്ഷൻ ഇല്ലാത്ത വീടുകൾക്ക് നാല് ലിറ്റർ മണ്ണെണ്ണ വീതം വിതരണം ചെയ്യാനാണ് തീരുമാനം.  2025-26 സാമ്പത്തിക വർഷത്തിന്റെ നാലാം പാദത്തിൽ അനുവദിച്ച മണ്ണെണ്ണ ജനുവരി, ഫെബ്രുവരി മാസങ്ങളിൽ വാങ്ങിയവർക്കും വാങ്ങാത്തവർക്കും ഈ ആനുകൂല്യം ലഭ്യമാകും. ഓരോ താലൂക്കിലും ലഭ്യമായ മണ്ണെണ്ണയുടെ സ്റ്റോക്ക് കണക്കിലെടുത്തായിരിക്കും വിതരണം ക്രമീകരിക്കുന്നത്. മാർച്ച് 31-ന് മുൻപായി കെട്ടിക്കിടക്കുന്ന മുഴുവൻ മണ്ണെണ്ണയുടെയും വിതരണം പൂർത്തിയാക്കാൻ ഭക്ഷ്യവകുപ്പ് സപ്ലൈ ഓഫീസർമാർക്ക് കർശന നിർദ്ദേശം നൽകിയിട്ടുണ്ട്. ഈ മാസത്തെ വിഹിതം റേഷൻ കട ഉടമകൾ പൂർണ്ണമായും ഏറ്റെടുത്താൽ മാത്രമേ എല്ലാ കാർഡ് ഉടമകൾക്കും മണ്ണെണ്ണ ലഭ്യമാകൂ. പല താലൂക്കുകളിലും മണ്ണെണ്ണയുടെ മൊത്ത വിതരണ കേന്ദ്രങ്ങൾ ഇല്ലാത്തതാണ് നിലവിലെ പ്രതിസന്ധിക്ക് കാരണമായത്. റേഷൻ കട ഉടമകൾക്ക് മറ്റ് താലൂക്കുകളിൽ പോയി മണ്ണെണ്ണ കൊണ്ടുവരുന്നതിന് വലിയ പണച്ചെലവ് വരുന്നുണ്ട്.  ഈ സാമ്പത്തിക ബാധ്യത ഭയന്ന് പല ഉടമകളും മണ്ണെണ്ണ സ്റ്റോക്ക് എടുക്കാൻ തയ്യാറാകാത്തതാണ് വിതരണം തടസ്സപ്പെടാനും സ്റ്റോക്ക് കെട്ടിക്കിടക്കാനും ഇടയാക്കിയത്. സ്വന്തം കടയിൽ മണ്ണെണ്ണ ലഭ്യമല്ലെങ്കിൽ സംസ്ഥാനത്തെ ഏത് റേഷൻ കടയിൽ നിന്നും സാധനങ്ങൾ വാങ്ങാനാവുന്ന ‘പോർട്ടബിലിറ്റി’ സൗകര്യം കാർഡ് ഉടമകൾക്ക് പ്രയോജനപ്പെടുത്താവുന്നതാണെന്നും അധികൃതർ...

കണ്ണൂർ റെയിൽവേ സ്റ്റേഷനിൽ നടന്നത് ആസൂത്രിതമായ ആക്രമണമാണെന്ന് ആരോഗ്യ മന്ത്രി വീണാ ജോർജ് ആവർത്തിച്ചു. കെ.എസ്.യു. പ്രവർത്തകർ മനപ്പൂർവം ആക്രമിച്ചതാണെന്നും അവർ ആരോപിച്ചു. “ഇരയെ കാണുമ്പോൾ പതുങ്ങിയിരുന്ന് പുലി ആക്രമിക്കുന്നതുപോലെ അവർ എനിക്ക് നേരെ ചാടിവീണു,” എന്നായിരുന്നു വാർത്താചാനലിന് നൽകിയ അഭിമുഖത്തിൽ മന്ത്രിയുടെ പ്രതികരണം. ആക്രമിക്കാനല്ലെങ്കിൽ എന്തിനാണ് പൊലീസ് വലയം ഭേദിച്ച് എത്തിയതെന്നും, കരിങ്കൊടി കാണിക്കാനാണെങ്കിൽ ദൂരത്ത് നിന്നു ചെയ്താൽ മതിയാകില്ലേയെന്നും മന്ത്രി ചോദിച്ചു. കഴുത്തിന് പരിക്കേറ്റ മന്ത്രി പത്തനംതിട്ടയിലെ വീട്ടിൽ വിശ്രമത്തിലാണ്. ഒരുകൂട്ടം ആളുകൾ ആക്രമണം നടത്തിയിട്ടും അതിനെക്കുറിച്ച് താൻ തന്നെ വിശദീകരിക്കേണ്ടി വരുന്നത് ദുഃഖകരമാണെന്നും മന്ത്രി...

അയ്യപ്പ സംഗമവുമായി ബന്ധപ്പെട്ട വരവ്-ചെലവ് കണക്കുകൾ ഹാജരാക്കുന്നതിൽ വീഴ്ച വരുത്തിയതിന് ദേവസ്വം ബോർഡിനെ കേരള ഹൈക്കോടതി രൂക്ഷമായി വിമർശിച്ചു. അയ്യപ്പ സംഗമത്തിലെ സാമ്പത്തിക ഇടപാടുകളിൽ സുതാര്യത ഉറപ്പാക്കണമെന്ന് ആവർത്തിച്ച് നിർദേശിച്ചിട്ടുണ്ടെന്നും, ഇതുവരെ കണക്കുകൾ പൂർണമായി സമർപ്പിക്കാത്തത് ഗൗരവകരമാണെന്നും കോടതി ചൂണ്ടിക്കാട്ടി. കണക്കുകൾ സമർപ്പിക്കാൻ മൂന്ന് മാസത്തിലധികം സമയം നൽകിയിട്ടും ആവശ്യമായ വിവരങ്ങൾ ഹാജരാക്കാൻ സാധിക്കാത്തത് അംഗീകരിക്കാനാവില്ലെന്ന് ബെഞ്ച് വ്യക്തമാക്കി. ഇനിയും കണക്കുകൾ സമർപ്പിക്കാനാകാത്ത പക്ഷം ബോർഡിന് സാമ്പത്തിക അച്ചടക്കമില്ലെന്ന് പറയേണ്ടിവരുമെന്നു കോടതി വിമർശിച്ചു. ഇക്കാര്യത്തിൽ മൗനം പാലിക്കാൻ കോടതിക്ക് സാധിക്കില്ലെന്നും, ഇനി അധികസമയം അനുവദിക്കാനാവില്ലെന്നും ജസ്റ്റിസ് ബെഞ്ച് വ്യക്തമാക്കി. അയ്യപ്പ സംഗമത്തിനായി ഉപയോഗിച്ച ബാങ്ക് അക്കൗണ്ടിന്റെ പൂർണ വിവരങ്ങളും ഇടപാട് വിശദാംശങ്ങളും സമർപ്പിക്കണമെന്നതാണ് കോടതിയുടെ നിർദേശം. ഇതിനായി ബോർഡ് വീണ്ടും മൂന്നാഴ്ച സമയം ആവശ്യപ്പെട്ടിരുന്നുവെങ്കിലും, കാര്യത്തിൽ കോടതി കടുത്ത നിലപാടാണ്...