Author: George Kakkanatt

ലണ്ടന്‍: കോവിഡിനെ പോരാടി തോല്‍പ്പിച്ച ബ്രിട്ടീഷ് പ്രധാന മന്ത്രി ബോറിസ് ജോണ്‍സണ്‍ തന്റെ ആശുപത്രി വാസത്തിന്റെ അനുഭവങ്ങള്‍ പങ്കുവെയ്ക്കുകയാണ്. ”മരണം മുന്നില്‍ക്കണ്ട ദിനങ്ങള്‍. ശ്വാസം നേരെവീഴാന്‍ ഓക്സിജന്‍ വന്‍തോതില്‍ ഉപയോഗിക്കേണ്ടിവന്ന മണിക്കൂറുകള്‍. കാര്യങ്ങള്‍ കൈവിട്ടുപോകുന്നുവെന്ന് തോന്നിയ ഡോക്ടര്‍മാര്‍ ഇതിനിടെ മരണറിപ്പോര്‍ട്ടുതന്നെ തയ്യാറാക്കി വെച്ചു.” -ബ്രിട്ടീഷ് പ്രധാനമന്ത്രി ബോറിസ് ജോണ്‍സന്റേതാണ് വെളിപ്പെടുത്തല്‍. കോവിഡ്-19 ബാധിച്ച്‌ ലണ്ടനിലെ സെയ്‌ന്റ് തോമസ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്ന ജോണ്‍സണ്‍ രോഗമുക്തനായി പുറത്തെത്തിയശേഷം ‘ദ സണ്‍’ പത്രത്തിന് നല്‍കിയ അഭിമുഖത്തിലാണ് ആ ദിനങ്ങള്‍ ഓര്‍ത്തെടുത്തത്. ”തീവ്രപരിചരണ വിഭാഗത്തിലായിരുന്നപ്പോള്‍ തന്‍റെ മരണം പ്രഖ്യാപിക്കാന്‍ ഡോക്ടര്‍മാര്‍ തയ്യാറെടുത്തിരുന്നു. ‘സ്റ്റാലിന്‍റെ മരണം’ എന്നതിന് സമാനമായ സഹചര്യം നേരിടാന്‍ ഡോക്ടര്‍മാരും സര്‍ക്കാരും തയ്യാറെടുക്കുകയായിരുന്നു. കഠിനമായ കാലമായിരുന്നു. അത് ഞാന്‍ നിഷേധിക്കുന്നില്ല. മരിക്കുമെന്ന് ഒരിക്കല്‍പ്പോലും ഞാന്‍ ചിന്തിച്ചിരുന്നില്ല. എങ്ങനെ ഇതില്‍ നിന്ന് പുറത്തുകടക്കാമെന്ന് മാത്രമാണ് ആലോചിച്ചത്” – ജോണ്‍സണ്‍ പറയുന്നു. മാര്‍ച്ച്‌ 27-നാണ് ജോണ്‍സണ് രോഗം സ്ഥിരീകരിച്ചത്. തനിക്ക് ലഭിച്ച പരിചരണം അസാധാരണമാണെന്നും ജോണ്‍സണ്‍ പറഞ്ഞു. പരിചരിച്ച ഡോക്ടര്‍മാര്‍ക്കും നഴ്‍സുമാര്‍ക്കും ആരോഗ്യപ്രവര്‍ത്തകര്‍ക്കും വീണ്ടും വീണ്ടും നന്ദി പറഞ്ഞു. പ്രധാനമന്ത്രിയെ ചികിത്സിച്ച്‌ ഭേദമാക്കാന്‍ കഴിഞ്ഞതില്‍ ആശുപത്രി അധികൃതര്‍ സന്തോഷം പ്രകടിപ്പിച്ചിരുന്നു. എന്നാല്‍, അദ്ദേഹത്തിന്‍റെ രോഗാവസ്ഥ സംബന്ധിച്ച വിവരങ്ങള്‍ ആശുപത്രി പുറത്തുവിട്ടിരുന്നില്ല. ചികിത്സിച്ച ഡോക്ടര്‍മാരോടുള്ള ആദരസൂചകമായി ബുധനാഴ്ച പിറന്ന തന്റെ ആണ്‍കുഞ്ഞിന് ഡോക്ടര്‍മാരുടെ പേരാണ് അദ്ദേഹം നല്‍കിയത്. വില്‍ഫ്രഡ് നികോളാസ് ജോണ്‍സണ്‍ എന്നാണ് ജോണ്‍സന്റെയും പങ്കാളി കാരി സൈമണ്ട്സിന്റെയും കുഞ്ഞിന്റെ...

ലോകത്ത് കൊറോണ ബാധിച്ച്‌ മരിച്ചവരുടെ എണ്ണം രണ്ടര ലക്ഷത്തോട് അടുക്കുന്നു. രോഗബാധിതര്‍ 35,60,000 കടന്നു.അമേരിക്കയില്‍ 68,500 ലധികം മരണം റിപ്പോര്‍ട്ട് ചെയ്തു.അമേരിക്കയില്‍ ഇന്നലെ മാത്രം കൊറോണ ബാധിച്ച്‌ 1000 ലധികം പേര്‍ മരിച്ചു. 20,000 ലധികം പുതിയ കൊറോണ ;കേസുകളാണ് റിപ്പോര്‍ട്ട് ചെയ്തിട്ടുള്ളത്. രാജ്യത്ത് ലോക്ഡാണില്‍ ഇളവ് നല്‍കിയത് ആശങ്ക വര്‍ധിപ്പിക്കുന്നുണ്ട്. യൂറോപ്പില്‍ ഇറ്റലിയിലും ബ്രിട്ടണിലും ആകെ മരണം 28,000 കടന്നു. ലാറ്റിനമേരിക്കയില്‍ ഏറ്റവും കൂടുതല്‍ രോഗികള്‍ ബ്രസീലിലാണ്. ഒന്നരലക്ഷത്തിലധികം രോഗികളുള്ള ബ്രസീലില്‍ ഇന്നലെ മാത്രം 275 പേര്‍ മരിച്ചു. 7000 ലധികം പേരാണ് ഇതുവരെ ബ്രസീലിന്‍ കൊറോണ ബാധിച്ച്‌ മരിച്ചത്. ഇറ്റലി ,ഫ്രാന്‍സ്, സ്പെയിന്‍, ജര്‍മനി അടക്കമുള്ള രാജ്യങ്ങള്‍ ഫാക്ടറികള്‍, ഓഫിസുകള്‍, വ്യാപാര സ്ഥാപനങ്ങള്‍ തുടങ്ങിയവ തുറക്കാന്‍ അനുമതി നല്‍കിയിട്ടുണ്ട് . ചൈനയില്‍ പുതിയ കൊറോണ കേസുകള്‍ റിപ്പോര്‍ട്ട് ചെയ്തിട്ടില്ല. ഇവിടെ ആഭ്യന്തര യാത്ര നിയന്ത്രണങ്ങളിള്‍ ഇളവ് പ്രഖ്യാപിച്ചു. റഷ്യയില്‍ 10,000 കേസുകളാണ് ഇന്നലെ റിപ്പോര്‍ട്ട് ചെയ്തത്. ഇതേസമയം ഐവറി കോസ്റ്റ് പ്രധാനമന്ത്രി അര്‍മാദോ ജോണ്‍ കുലാബായെ അടിയന്തര ചികിത്സയ്ക്കയി ഫ്രാന്‍സിലേക്ക് കൊണ്ടു പോയി. മാര്‍ച്ച്‌ മുതല്‍ ഇദ്ദേഹം...