Author: Editorial Team

ഫിലഡൽഫിയ: സാഹോദര്യ നഗരത്തില്‍ ട്രൈസ്റ്റേറ്റ് ഓണം മഹോൽസവത്തിനു തുടക്കം കുറിച്ച് ഇന്ന് രാവിലെ വടംവലി മല്‍സരം ആരംഭിച്ചു. റഫ് ഡാഡിസ്, ഹൂസ്റ്റണ്‍ സ്റ്റാലിയന്‍സ്, ആഹാ ഫില്ലി, ഹൂസ്റ്റന്‍ കില്ലെഴ്‌സ്, ന്യു യോര്‍ക്ക് കിംഗ് ക്രാബ്‌സ് തുടങ്ങിയ ടീമുകളാണ് മല്‍സരത്തില്‍. വൈകുന്നേരം മൂന്നിനു വടംവലി മത്സരം സമാപിക്കുന്നതോടെ വിവിധ കലാപരിപാടികളും പായസമേളയും. ട്രൈസ്റ്റേറ്റ് ഓണാഘോഷത്തിലെ മുഖ്യാതിഥി പെരുമ്പാവൂര്‍ എം.എല്‍.എ. എല്‍ദോസ് കുന്നപ്പള്ളില്‍ വടവലി ഉദ്ഘാടനം ചെയ്‌തു ഈ വർഷത്തെ ഓണാഘോഷങ്ങള്‍ക്ക് നാന്ദികുറിച്ച് അതിരു കാണാ തിരുവോണമഹോത്സവത്തിനു അനശ്വര മലയാള ചലച്ചിത്ര തിരക്കഥാകൃത്തായ ജോണ്‍ പോളിന്റെ സ്മരണാര്‍ത്ഥം’ ‘ജോണ്‍ പോള്‍ നഗര്‍’ എന്നു പേരിട്ടിരിക്കുന്നു. വിലാസം: Cannstatter Volksfest-Verein, 9130 Academy Rd, Philadelphia, PA 19114 മനോഹരമായി ഓണക്കോടി അണിഞ്ഞു ഓണാഘോഷത്തിനെത്തുന്ന ദമ്പതിമാരില്‍ നിന്ന് ലക്ഷം രൂപയുടെ സമ്മാന ജേതാക്കളെ നിശ്ചയിക്കുന്ന ജഡ്ജ്‌മെന്‍റ് ഉച്ചയ്ക്ക് രണ്ടര മുതല്‍ നാലു വരെ. മനോഹരമായി ഓണക്കോടി അണിഞ്ഞു ഓണാഘോഷത്തിനെത്തുന്ന പുരുഷനെയും സ്ത്രീയെയും ഈ സമയത്തുതന്നെ കണ്ടെത്തും. ട്രൈസ്റ്റേറ്റ് (ത്രിസ്ഥലി) എന്ന ആശയത്തെ പ്രതിബിംബിച്ച്, കടലും കരയും കടന്ന്, യന്ത്രപ്പക്ഷിയില്‍ പുഷ്പവൃഷ്ടിയോടെ, ആകാശമാര്‍ഗം, നാലു മണിക്ക്, മഹാബലി, അതിരുകാണാ തിരുവോണ മൈതാനത്ത്, എഴുന്നെള്ളും. മാവേലിയെ വരവേറ്റ് സമൂഹത്തിരുവാതിര (മെഗാത്തിരുവാതിര) പീലി വിടര്‍ത്തും. തുടര്‍ന്ന് താളമേള വര്‍ണപ്പൊലിമ മിഴിവേകുന്ന ഘോഷയാത്ര. പൊതു സമ്മേളനത്തില്‍ എല്‍ദോസ് പൗലോസ് എം എല്‍എ മുഖ്യാതിഥി. അമേരിക്കന്‍ ഫെഡറല്‍ സിവില്‍ സര്‍വീസ് രംഗത്ത് കാഴ്ച്ചവച്ച അതുല്യമായ പ്രാഗത്ഭ്യങ്ങളെ ആദരിച്ച് ഫാ. അലക്‌സാണ്ഡര്‍ ജെയിംസ് കുര്യന്, ‘സര്‍വീസ് എക്‌സലന്‍സ് അവാര്‍ഡ്” സമ്മാനിക്കും. കള്‍ച്ചറല്‍ പ്രോഗ്രാം അരമണിക്കൂര്‍. വൈകുന്നേരം ആറിനു ആരോഗ്യകരവും രുചികരവുമായ ഓണസദ്യ, അമേരിക്കന്‍ പ്രൊഫഷണല്‍ ഫുഡ് സെര്‍വേഴ്‌സ് വിളമ്പുന്നു. വൈകുന്നേരം ഏഴിനു സുപ്രസിദ്ധ പിന്നണിഗായകന്‍ ബിജു നാരായണന്റെ നേതൃത്വത്തിലുള്ള ഗാനമേള. 9:30 മണിക്ക് കരിമരുന്നു കലാ പ്രകടനം. ഫോട്ടോ ബൂത്തും സവിശേഷമായി തയ്യാറാക്കിയിരിക്കുന്നൂ. സാജന്‍ വര്‍ഗീസ് (ചെയര്‍മാന്‍), റോണി വര്‍ഗീസ് (ജനറല്‍ സെക്രട്ടറി), ഫീലിപ്പോസ് ചെറിയാന്‍ (ട്രഷറാര്‍), വിന്‍സന്‍റ് ഇമ്മാനുവേല്‍ (റിസോഴ്‌സസ് ചെയര്‍), ജീ മോന്‍ ജോര്‍ജ് (ഓണാഘോഷ സമിതി ചെയര്‍മാന്‍), ബെന്നി കൊട്ടാരത്തില്‍ (പ്രോഗ്രാം കോ ഓര്‍ഡിനേറ്റര്‍), ജോബീ ജോര്‍ജ് ( ഓണസദ്യാ ചെയര്‍), രാജന്‍ സാമുവേല്‍ (അവാര്‍ഡ് ക്മ്മിറ്റി ചെയര്‍), ആഷാ ആസ്റ്റിന്‍ ( മെഗാ തിരുവാതിരാ സമിതി ചെയര്‍), ബ്രിജിറ്റ് പാറപ്പുറത്ത് , ബ്രിജിറ്റ് വിന്‍സന്റ്, സുരേഷ് നായര്‍ ( ഘോഷയാത്രാ സംഘാടക സമിതി ചെയര്‍), ജോര്‍ജ് ഓലിക്കല്‍ (കേരളാ ഡേ ചെയര്‍), ജോര്‍ജ് നടവയല്‍ ( പി ആര്‍ ഓ) എന്നിങ്ങനെ അമ്പതംഗ സംഘാടക സമിതിയാണ് ട്രൈസ്റ്റേറ്റ് ഓണ മഹോത്സവം...

ഫിലഡൽഫിയ ∙ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ ഫിലഡൽഫിയ ചാപ്റ്ററിന്റെ പ്രവർത്തനോദ്ഘാടനം ഓഗസ്റ്റ് 22 തിങ്കളാഴ്ച വൈകുന്നേരം 6.30ന് പമ്പാ ഇന്ത്യൻ കമ്മ്യൂണിറ്റി സെന്ററിൽ (9726 Bustleton Ave, Philadelphiya, PA, 19115) വച്ച് എൽദോസ് കുന്നപ്പിള്ളി എംഎൽഎ നിർവഹിക്കും. മാധ്യമ മേഖലയുടെ പ്രാധാന്യം വർധിച്ചു വരുന്ന ഈ കാലഘട്ടത്തിൽ, നവമാധ്യമങ്ങൾ സംഘം ചേർന്ന് നേരായ വാർത്തകൾ വളച്ചൊടിച്ച് വികലമാക്കുപ്പോഴും പൂർണമായ ജനവിശ്വാസം നവമാധ്യമങ്ങൾക്ക് നേടിയെടുക്കുവാൻ സാധിച്ചിട്ടില്ലെന്നും, ഉപരിയായി മുഖ്യ വാർത്തമാധ്യമങ്ങളുടെ ഒപ്പം പിടിച്ചു നിൽക്കാനായില്ല എന്നുള്ളതിന്റെ തെളിവാണ് ഇന്നും അച്ചടി– ദൃശ്യ മാധ്യമ മേഖലകൾക്കുള്ള പ്രസക്തി. ശരിയായ പത്രധർമ്മം നടത്തുന്ന വാർത്താ മാധ്യമങ്ങൾ എക്കാലത്തും സമൂഹത്തിൽ തലയുയർത്തി നിൽക്കുന്നതുകൊണ്ടാണ് മാധ്യമ മേഖലയിലെ ഈ കൂട്ടായ്മയ്ക്ക് സമൂഹത്തിന്റെ നാനാതുറകളിൽ നിന്നും ലഭിച്ചു വരുന്ന പിന്തുണ. സുനിൽ തൈമറ്റം (പ്രസിഡന്‍റ്), രാജു പള്ളത്ത് (ജന. സെക്രട്ടറി), ഷിജോ പൗലോസ് (ട്രഷറർ), ബിജു സക്കറി (വൈസ് പ്രസിഡന്‍റ് ), സുനിൽ (ട്രൈസ്റ്റോർ), മധു കൊട്ടാരക്കര, ജോർജ് ജോസഫ് തുടങ്ങിയവരും ഐപിസിഎൻഎയുടെ മറ്റു ദേശീയ ഭാരവാഹികളും ഈ പ്രവർത്തനോദ്ഘാടന സുദിനത്തിൽ പങ്കെടുക്കും. ജീമോൻ ജോർജ് (പ്രസിഡന്‍റ് , ചാപ്റ്റർ), രാജു ശങ്കരത്തിൽ (വൈസ് പ്രസിഡന്‍റ്), അരുൺ കോമാട്ട് (സെക്രട്ടറി), വിൻസന്‍റ് ഇമ്മാനുവേൽ (ട്രഷറാർ), റോജീഷ് ശമുവേൽ (ജോ. സെക്രട്ടറി), സിജിൻ പി. സി. (ജോ. ട്രഷറാർ), ജോർജ് ഓലിക്കൽ, ജോബി ജോർജ്, സുധാ കർത്താ, ജോർജ് നടവയൽ, സുമോദ് നെല്ലികാല, ജിജി കോശി എന്നിവരുടെ നേതൃത്വത്തിലുള്ള കമ്മിറ്റിയാണ് പ്രവർത്തനോദ്ഘാടനത്തിന്റെ വിജയത്തിനായി...

ന്യൂയോർക്ക്: അമേരിക്കൻ മലയാളികൾ ഏറെ ആവേശത്തോടെ വരവേൽക്കാൻ കാത്തിരുന്ന മലയാളം സിനിമ “ലോക്ഡ് ഇൻ” (Locked In) ഓഗസ്റ്റ് 20 ശനിയാഴ്ച ഉച്ചക്ക് ശേഷം 3:30 -നും 7:10 -നും പ്രദർശനത്തിനെത്തുന്നു. റിലീസ് ചെയ്യുന്ന ദിവസം ന്യൂയോർക്കിലെ തീയേറ്ററിൽ മാത്രമാണ് പ്രദർശിപ്പിക്കുന്നത്. ലോങ്ങ് ഐലൻഡ് ബെൽമോറിലുള്ള ബെൽമോർ പ്ലേയ് ഹൗസിൽ (525 Bedford Ave, Bellmore, NY 11710) യൂണിവേഴ്സൽ മൂവീസാണ് സിനിമ പ്രദർശനത്തിനെത്തിക്കുന്നത്. ശനി 3:30-ന് നടക്കുന്ന പ്രാരംഭ പ്രദർശനത്തിൽ സിനിമയിലെ അഭിനേതാക്കളും മറ്റു അണിയറ പ്രവർത്തകരും സിനിമ ദർശിക്കാൻ തിയേറ്ററിൽ എത്തുന്നതാണ്. ന്യൂ ജേഴ്സിയിലെ ബെർഗെൻഫീൽഡ് സിനിമാസിൽ (58 S Washington Ave, Bergenfield, NJ 07621) 21 ഞായറാഴ്ച ഉച്ചകഴിഞ്ഞു മൂന്നിനു സിനിമ പ്രദർശിപ്പിക്കുന്നതാണ്. ബെൽമോറിലെ തിയേറ്ററിൽ പ്രദർശിപ്പിക്കുന്ന മറ്റു ദിവസങ്ങളിലെ സമയ ക്രമം: 21 – ഞായർ 8:00 PM; 22 തിങ്കൾ മുതൽ 25 വ്യാഴം വരെ എല്ലാ ദിവസവും 7:15 PM. ന്യൂയോർക്കിലും ന്യൂജേഴ്സിയിലുമുള്ള കലാകാരന്മാർ അഭിനയിച്ചിട്ടുള്ളതും ധാരാളം ഉദ്വേഗജനകമായ നിമിഷങ്ങൾ സമ്മാനിക്കുന്നതുമായ ഒന്നര മണിക്കൂർ മുഴുനീള ചിത്രം ന്യൂയോർക്കിൽ തന്നെ ചിത്രീകരിച്ചട്ടുള്ളതാണ്. ഏതാനും വർഷങ്ങൾക്കു മുമ്പ് അമേരിക്കയിൽ നടന്ന ഒരു സംഭവം ആസ്പദമാക്കി രൂപീകരിക്കപ്പെട്ട ചിത്രത്തിന്റെ കഥ, തിരക്കഥ, സംഭാഷണം, സംവിധാനം നിർവഹിച്ചിരിക്കുന്നത് നവാഗത സംവിധായകനും ന്യൂയോർക്കിലെ അറിയപ്പെടുന്ന ഗായകനും കലാകാരനുമായ ശബരീനാഥ് നായരാണ്. ന്യൂയോർക്കിന്റെയും ന്യൂജേഴ്സിയുടെയും പശ്ചാത്തലത്തിൽ ഛായഗ്രഹണം നടത്തിയത് പ്രശസ്ത ക്യാമെറാമാൻ ജോൺ മാർട്ടിനാണ്. റൊമാൻസും കൊലപാതകവും കുറ്റാന്വേഷണവും എല്ലാം സമ്മിശ്രമായി ഉൾക്കൊള്ളുന്ന ഈ സിനിമയിൽ മുഖ്യ കഥാപാത്രങ്ങൾക്ക് ജീവൻ നൽകിയ ഷാജി എഡ്‌വേഡ്‌, സവിത റാവു, ഹാനാ അരീച്ചിറ, ആൽബിൻ ആന്‍റോ, സണ്ണി കല്ലൂപ്പാറ എന്നീ അഭിനേതാക്കളോടൊപ്പം ഹോളിവുഡ് നടൻ ജോയൽ റാറ്റ്നറും ഒരു മുഖ്യ കഥാപാത്രത്തെ അവതരിപ്പിക്കുന്നു. ഹരിലാൽ നായർ നിർമ്മാണവും ക്യാമറാമാൻ ജോൺ മാർട്ടിൻ ഛായാഗ്രഹണവും നിർവഹിച്ച സിനിമയുടെ പ്രൊജക്റ്റ് ഡിസൈനർ അജിത് എബ്രഹാം എന്ന അജിത് കൊച്ചൂസാണ്. മലയാളത്തിന്റെ വാനമ്പാടിയായ കെ. എസ്. ചിത്ര ആലപിച്ച “മുകിലേ ചാരെ വന്നു…..” എന്ന ഈ സിനിമയിലെ ഗാനം സംഗീത പ്രേമികളുടെയിടയിൽ വലിയ തരംഗമായിരിക്കുകയാണ്. എത്ര കേട്ടാലും മതിവരാത്ത ഈ ഗാനത്തിന്റെ വരികൾ രചിച്ചത് സിജു തുറവൂരും സംഗീത സംവിധാനം നിർവഹിച്ചത് ഗായകൻ കൂടിയായ ശബരീനാഥുമാണ്‌. എഴുപതു-എൺപതുകളിലെ മലയാള സിനിമാ നിർമ്മാതാവായിരുന്ന തിരുവനന്തപുരം മുല്ലശ്ശേരിൽ മുകുന്ദന്റെ മകനായ ശബരീനാഥ്‌ ന്യൂയോർക്ക് പ്രദേശത്തെ അറിയപ്പെടുന്ന ഒരു ഗായകനാണ്. സിനിമയുടെ ടിക്കറ്റ് ഓൺലൈനിൽ ഈ ലിങ്കിലൂടെ...

ഹൂസ്റ്റൺ: ഹൂസ്റ്റണിലെ 9 മലയാളി വ്യവസായി സംരംഭകരെ ചേർത്തുപിടിച്ചുകൊണ്ട് 2012 ന്റെ ആരംഭത്തിൽ രൂപം കൊണ്ട സൗത്ത് ഇന്ത്യൻ യുഎസ്  ചേംബർ ഓഫ് കോമേഴ്‌സ് അതിന്റെ ജൈത്ര യാത്രയിൽ 10 വർഷം പിന്നിടുമ്പോൾ സംഘടനയുടെ നാൾവഴികൾ ചരിത്രത്താളുകളിൽ എഴുതിച്ചേർക്കുവാൻ വർണപ്പകിട്ടാർന്ന പരിപാടികൾ  ഒരുക്കുന്നു.     ഹൂസ്റ്റൺ നഗരത്തിൽ ഇതുവരെ അവതരിപ്പിച്ചിട്ടുള്ള പരിപാടികളിൽ നിന്നും വേറിട്ട അനുഭവം നൽകുന്ന, 5 മണിക്കൂർ നീണ്ടു നിൽക്കുന്ന ഒരു പ്രീമിയം ബാങ്ക്വറ്റ് നടത്തുന്നതിനുള്ള ഒരുക്കങ്ങൾ ആരംഭിച്ചുവെന്ന് ഓഗസ്റ്റ് 17 ന് വൈകുന്നേരം സ്റ്റാഫോർഡിലെ ചേംബർ ഓഫ് കോമേഴ്‌സ്  ഹാളിൽ കൂടിയ  പത്രസമ്മേളനത്തിൽ സംഘാടകർ അറിയിച്ചു. സെപ്റ്റംബർ 11 )൦ തീയതി ഞായറാഴ്ച വൈകുന്നേരം  ഹൂസ്റ്റണിൽ ജിഎസ്എച്ച് ( GSH) ഇവൻറ് സെന്ററിൽ വെച്ച് വിപുലമായ പരിപാടികളാണ് നടക്കുന്നത്. അമേരിക്കയിൽ നിന്നും ഇന്ത്യയിൽ നിന്നുമുള്ള വിശിഷ്ട വ്യക്തിത്വങ്ങൾ,  ബിസിനസ്സ് രംഗത്തെ പ്രമുഖർ തുടങ്ങിയവർ പങ്കെടുക്കുന്നു. കണ്ണഞ്ചിപ്പിക്കുന്ന 5 മണിക്കൂർ പരിപാടികളാണ് ആസൂത്രണം ചെയ്തിരിക്കുന്നതെന്ന് സംഘാടകർ . ബിസിനസ്സ് രംഗത്തെ പ്രമുഖരെ ആദരിക്കുന്ന ഹാൾ ഓഫ് ഫെയിം അവാർഡുകൾ വിതരണം ചെയ്യും. മറ്റു നിരവധി അവാർഡുകളും, പ്രമുഖരെ ആദരിക്കുന്ന ചടങ്ങുകളും ഉണ്ടായിരിക്കും.   സൗത്ത് ഇന്ത്യൻ ചേംബർ ഓഫ് കോമേഴ്‌സ് സ്വയം വളരുവാനും മറ്റുള്ളവരുടെ വളർച്ചക്ക് സഹായികളാകുവാനും കഴിയുക എന്ന പ്രഖ്യാപിത ലക്‌ഷ്യം മുന്നിൽ കണ്ട് തുടങ്ങി ആർക്കും അവഗണിക്കാനാവാത്ത പ്രസ്ഥാനമായി വളർന്നു. ചെറുതും വലുതുമായ സംരംഭങ്ങൾക്ക് നിലനിൽക്കുവാനും വളരുവാനുമുള്ള പശ്ചാത്തലം ഒരുക്കുകയാണ് ചേംബർ ചെയ്തുവരുന്നത്. ബിസ്സിനെസ്സ് രംഗത്തും സാമൂഹിക സാംസ്കാരിക മേഖലകളിലും സൗത്ത് ഇന്ത്യൻ യുഎസ്  ചേംബർ ഓഫ് കൊമേഴ്‌സ് മാതൃകാപരമായ പ്രവർത്തനമാണ് കാഴ്ചവെക്കുന്നത്.  കഴിഞ്ഞ വര്ഷങ്ങളിലെ ചേംബറിന്റെ വിജയകരമായ പ്രവർത്തനങ്ങൾ ബിസിനസ്സ് താല്പര്യങ്ങൾക്കുപരിയായി സമൂഹത്തിന്റെ ആകമാന സുരക്ഷക്കും വളർച്ചക്കും സഹായമായി. 2017 ലെ ഹാർവി കൊടുങ്കാറ്റുമായി ബന്ധപ്പെട്ടുണ്ടായ വെള്ളപ്പൊക്കത്തിൽ തകർന്നടിഞ്ഞ   കുടുംബങ്ങൾക്ക് ചേംബറിന്റെ നേതൃത്വത്തിൽ നടന്ന ദുരിത നിവാരണ പ്രവർത്തനങ്ങൾ എടുത്തുപറയേണ്ടതാണ്. ബിസിനസ്സ് താല്പര്യങ്ങൾക്കുപരിയായി സമൂഹത്തിൽ സുരക്ഷാ ബോധവൽകരുണത്തിനു സിറ്റി കൗണ്ടി പോലീസുമായി സഹകരിച്ചു നടത്തിയ പ്രവർത്തനങ്ങൾ ചാമീരിന്റെ മറ്റൊരു നാഴികക്കല്ലാണ്. ജനപങ്കാളിത്തത്തോടെ അമേരിക്കൻ മലയാളി ബിസിനസ്സ് സംരംഭകരുടെ വിവിധ പ്രശ്നങ്ങളിൽ  ഇടപെടലുകൾ നടത്തുന്നതിനും സർവ്വതോൻമുഖമായ വികസന ലക്‌ഷ്യം വെച്ച് അവരെ കരുത്തരാക്കുന്നതിനും വേണ്ടി  നിലകൊള്ളാനും ചേംബറിന് സാധിക്കുന്നുണ്ട്. ജീവകാരുണ്യ മേഖലകളിലും സജീവ സാന്നിധ്യമാകുന്ന ചേംബർ ഇന്ത്യൻ സമൂഹത്തിന്റെ വളർച്ചക്ക് ആത്മവിശ്വാസം പകരുക എന്നതിലുപരി യുവ സംഭരംഭകരുടെ ഇടയിലും വനിതാസംഭരംഭകർക്കൊപ്പവും സാമ്പത്തിക മാന്ദ്യം അനുഭവിക്കുന്നവരുടെ ഇടയിലും സജീവ സാന്നിധ്യമായി നിലകൊള്ളുന്നു. വനിതാ ചേംബറും ജൂനിയർ ചേംബറും തുടങ്ങുന്നതിനുള്ള ശ്രമങ്ങൾ തുടങ്ങിയതായും അറിയിച്ചു.   ഡോ. ജോർജ് കാക്കനാട്ട്(പ്രസിഡന്റ്) , ജോർജ് കൊളച്ചേരിൽ (സെക്രട്ടറി) , സണ്ണി കാരിക്കൽ (ഫിനാൻസ് ഡയറക്ടർ) ജിജു കുളങ്ങര (എക്സിക്യൂട്ടീവ് ഡയറക്ടർ) തുടങ്ങിയവരുടെ നേതൃത്വത്തിൽ തുടങ്ങിയ ചേമ്പറിന്റെ നേതൃത്വത്തിൽ തുടങ്ങിയ പ്രവർത്തനങ്ങൾ ഇന്ന് 10 )൦ വർഷത്തിൽ എത്തി നിൽക്കുമ്പോൾ  പ്രസിഡന്റായി ജിജി ഓലിക്കനും ഡോ. ജോർജ് കാക്കനാട്ട് (സെക്രട്ടറി), ജിജു കുളങ്ങര (ഫിനാൻസ് ഡയറക്ടർ), ബേബി മണക്കുന്നേൽ (എക്സിക്യൂട്ടീവ് ഡയറക്ടർ), സാം സുരേന്ദ്രൻ (ജോയിന്റ് സെക്രട്ടറി) തുടങ്ങിയവരുടെ ശക്തമായ നിര  ചേംബറിനെ നയിക്കുന്നു ഒപ്പം 30 ഹൂസ്റ്റനിലെ ബിസിനസ് രംഗത്തെ നിറസാന്നിധ്യങ്ങളായ  ഡയറക്ടർ ബോർഡ് അംഗങ്ങളും. ആഘോഷങ്ങളുടെ ഭാഗമായി പുതിയ ഒരു അധ്യായം കൂടി ചേർത്തെഴുതാനുള്ള തയ്യാറെടുപ്പിലാണ് നേതൃത്വം, മുതിർന്ന തലമുറയെ പുനരധിവസിപ്പിക്കാൻ ഉള്ള ഫെസിലിറ്റി അതിന്റെ ആലോചനകൾ നടന്നുകൊണ്ടിരിക്കുന്നുവെന്നും സംഘാടകർ അറിയിച്ചു. പത്രസമ്മേളനത്തിൽ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയെ പ്രതിനിധീകരിച്ച്‌ സൈമൺ വളാച്ചേരി (നേർകാഴ്ച ഡെയിലി)  ഫ്രീലാൻസ് റിപ്പോർട്ടർമാരായ ജീമോൻ റാന്നി, ശങ്കരൻകുട്ടി, അജു വാരിക്കാട്, ജോർജ് തെക്കേമല (ഏഷ്യാനെറ്റ് ടിവി) ജോർജ്‌ പോൾ (ഫ്‌ളവേഴ്‌സ് ടിവി) ഫിന്നി ഹൂസ്റ്റൺ (ഹാർവെസ്റ്റ് ടിവി)  ജെ.ഡബ്ലിയൂ.വർഗീസ് ( ദക്ഷിൺ റേഡിയോ) വിജു വർഗീസ് (മലയാളി എഫ്എം റേഡിയോ) സുബിൻ ബാലകൃഷ്ണൻ (ജനം ടിവി) എന്നിവരോടൊപ്പം ലിഡാ തോമസ്, അനിലാ  സന്ദീപ് (ആഷാ റേഡിയോ) എന്നിവരും പങ്കെടുത്തു. റിപ്പോർട്ട് : ജീമോൻ...