Author: Editorial Team

ഹൂസ്റ്റൺ: ഹൂസ്റ്റണിലെ 9 മലയാളി വ്യവസായി സംരംഭകരെ ചേർത്തുപിടിച്ചുകൊണ്ട് 2012 ന്റെ ആരംഭത്തിൽ രൂപം കൊണ്ട സൗത്ത് ഇന്ത്യൻ യുഎസ്  ചേംബർ ഓഫ് കോമേഴ്‌സ് അതിന്റെ ജൈത്ര യാത്രയിൽ 10 വർഷം പിന്നിടുമ്പോൾ സംഘടനയുടെ നാൾവഴികൾ ചരിത്രത്താളുകളിൽ എഴുതിച്ചേർക്കുവാൻ വർണപ്പകിട്ടാർന്ന പരിപാടികൾ  ഒരുക്കുന്നു.     ഹൂസ്റ്റൺ നഗരത്തിൽ ഇതുവരെ അവതരിപ്പിച്ചിട്ടുള്ള പരിപാടികളിൽ നിന്നും വേറിട്ട അനുഭവം നൽകുന്ന, 5 മണിക്കൂർ നീണ്ടു നിൽക്കുന്ന ഒരു പ്രീമിയം ബാങ്ക്വറ്റ് നടത്തുന്നതിനുള്ള ഒരുക്കങ്ങൾ ആരംഭിച്ചുവെന്ന് ഓഗസ്റ്റ് 17 ന് വൈകുന്നേരം സ്റ്റാഫോർഡിലെ ചേംബർ ഓഫ് കോമേഴ്‌സ്  ഹാളിൽ കൂടിയ  പത്രസമ്മേളനത്തിൽ സംഘാടകർ അറിയിച്ചു. സെപ്റ്റംബർ 11 )൦ തീയതി ഞായറാഴ്ച വൈകുന്നേരം  ഹൂസ്റ്റണിൽ ജിഎസ്എച്ച് ( GSH) ഇവൻറ് സെന്ററിൽ വെച്ച് വിപുലമായ പരിപാടികളാണ് നടക്കുന്നത്. അമേരിക്കയിൽ നിന്നും ഇന്ത്യയിൽ നിന്നുമുള്ള വിശിഷ്ട വ്യക്തിത്വങ്ങൾ,  ബിസിനസ്സ് രംഗത്തെ പ്രമുഖർ തുടങ്ങിയവർ പങ്കെടുക്കുന്നു. കണ്ണഞ്ചിപ്പിക്കുന്ന 5 മണിക്കൂർ പരിപാടികളാണ് ആസൂത്രണം ചെയ്തിരിക്കുന്നതെന്ന് സംഘാടകർ . ബിസിനസ്സ് രംഗത്തെ പ്രമുഖരെ ആദരിക്കുന്ന ഹാൾ ഓഫ് ഫെയിം അവാർഡുകൾ വിതരണം ചെയ്യും. മറ്റു നിരവധി അവാർഡുകളും, പ്രമുഖരെ ആദരിക്കുന്ന ചടങ്ങുകളും ഉണ്ടായിരിക്കും.   സൗത്ത് ഇന്ത്യൻ ചേംബർ ഓഫ് കോമേഴ്‌സ് സ്വയം വളരുവാനും മറ്റുള്ളവരുടെ വളർച്ചക്ക് സഹായികളാകുവാനും കഴിയുക എന്ന പ്രഖ്യാപിത ലക്‌ഷ്യം മുന്നിൽ കണ്ട് തുടങ്ങി ആർക്കും അവഗണിക്കാനാവാത്ത പ്രസ്ഥാനമായി വളർന്നു. ചെറുതും വലുതുമായ സംരംഭങ്ങൾക്ക് നിലനിൽക്കുവാനും വളരുവാനുമുള്ള പശ്ചാത്തലം ഒരുക്കുകയാണ് ചേംബർ ചെയ്തുവരുന്നത്. ബിസ്സിനെസ്സ് രംഗത്തും സാമൂഹിക സാംസ്കാരിക മേഖലകളിലും സൗത്ത് ഇന്ത്യൻ യുഎസ്  ചേംബർ ഓഫ് കൊമേഴ്‌സ് മാതൃകാപരമായ പ്രവർത്തനമാണ് കാഴ്ചവെക്കുന്നത്.  കഴിഞ്ഞ വര്ഷങ്ങളിലെ ചേംബറിന്റെ വിജയകരമായ പ്രവർത്തനങ്ങൾ ബിസിനസ്സ് താല്പര്യങ്ങൾക്കുപരിയായി സമൂഹത്തിന്റെ ആകമാന സുരക്ഷക്കും വളർച്ചക്കും സഹായമായി. 2017 ലെ ഹാർവി കൊടുങ്കാറ്റുമായി ബന്ധപ്പെട്ടുണ്ടായ വെള്ളപ്പൊക്കത്തിൽ തകർന്നടിഞ്ഞ   കുടുംബങ്ങൾക്ക് ചേംബറിന്റെ നേതൃത്വത്തിൽ നടന്ന ദുരിത നിവാരണ പ്രവർത്തനങ്ങൾ എടുത്തുപറയേണ്ടതാണ്. ബിസിനസ്സ് താല്പര്യങ്ങൾക്കുപരിയായി സമൂഹത്തിൽ സുരക്ഷാ ബോധവൽകരുണത്തിനു സിറ്റി കൗണ്ടി പോലീസുമായി സഹകരിച്ചു നടത്തിയ പ്രവർത്തനങ്ങൾ ചാമീരിന്റെ മറ്റൊരു നാഴികക്കല്ലാണ്. ജനപങ്കാളിത്തത്തോടെ അമേരിക്കൻ മലയാളി ബിസിനസ്സ് സംരംഭകരുടെ വിവിധ പ്രശ്നങ്ങളിൽ  ഇടപെടലുകൾ നടത്തുന്നതിനും സർവ്വതോൻമുഖമായ വികസന ലക്‌ഷ്യം വെച്ച് അവരെ കരുത്തരാക്കുന്നതിനും വേണ്ടി  നിലകൊള്ളാനും ചേംബറിന് സാധിക്കുന്നുണ്ട്. ജീവകാരുണ്യ മേഖലകളിലും സജീവ സാന്നിധ്യമാകുന്ന ചേംബർ ഇന്ത്യൻ സമൂഹത്തിന്റെ വളർച്ചക്ക് ആത്മവിശ്വാസം പകരുക എന്നതിലുപരി യുവ സംഭരംഭകരുടെ ഇടയിലും വനിതാസംഭരംഭകർക്കൊപ്പവും സാമ്പത്തിക മാന്ദ്യം അനുഭവിക്കുന്നവരുടെ ഇടയിലും സജീവ സാന്നിധ്യമായി നിലകൊള്ളുന്നു. വനിതാ ചേംബറും ജൂനിയർ ചേംബറും തുടങ്ങുന്നതിനുള്ള ശ്രമങ്ങൾ തുടങ്ങിയതായും അറിയിച്ചു.   ഡോ. ജോർജ് കാക്കനാട്ട്(പ്രസിഡന്റ്) , ജോർജ് കൊളച്ചേരിൽ (സെക്രട്ടറി) , സണ്ണി കാരിക്കൽ (ഫിനാൻസ് ഡയറക്ടർ) ജിജു കുളങ്ങര (എക്സിക്യൂട്ടീവ് ഡയറക്ടർ) തുടങ്ങിയവരുടെ നേതൃത്വത്തിൽ തുടങ്ങിയ ചേമ്പറിന്റെ നേതൃത്വത്തിൽ തുടങ്ങിയ പ്രവർത്തനങ്ങൾ ഇന്ന് 10 )൦ വർഷത്തിൽ എത്തി നിൽക്കുമ്പോൾ  പ്രസിഡന്റായി ജിജി ഓലിക്കനും ഡോ. ജോർജ് കാക്കനാട്ട് (സെക്രട്ടറി), ജിജു കുളങ്ങര (ഫിനാൻസ് ഡയറക്ടർ), ബേബി മണക്കുന്നേൽ (എക്സിക്യൂട്ടീവ് ഡയറക്ടർ), സാം സുരേന്ദ്രൻ (ജോയിന്റ് സെക്രട്ടറി) തുടങ്ങിയവരുടെ ശക്തമായ നിര  ചേംബറിനെ നയിക്കുന്നു ഒപ്പം 30 ഹൂസ്റ്റനിലെ ബിസിനസ് രംഗത്തെ നിറസാന്നിധ്യങ്ങളായ  ഡയറക്ടർ ബോർഡ് അംഗങ്ങളും. ആഘോഷങ്ങളുടെ ഭാഗമായി പുതിയ ഒരു അധ്യായം കൂടി ചേർത്തെഴുതാനുള്ള തയ്യാറെടുപ്പിലാണ് നേതൃത്വം, മുതിർന്ന തലമുറയെ പുനരധിവസിപ്പിക്കാൻ ഉള്ള ഫെസിലിറ്റി അതിന്റെ ആലോചനകൾ നടന്നുകൊണ്ടിരിക്കുന്നുവെന്നും സംഘാടകർ അറിയിച്ചു. പത്രസമ്മേളനത്തിൽ ഇന്ത്യ പ്രസ് ക്ലബ് ഓഫ് നോർത്ത് അമേരിക്കയെ പ്രതിനിധീകരിച്ച്‌ സൈമൺ വളാച്ചേരി (നേർകാഴ്ച ഡെയിലി)  ഫ്രീലാൻസ് റിപ്പോർട്ടർമാരായ ജീമോൻ റാന്നി, ശങ്കരൻകുട്ടി, അജു വാരിക്കാട്, ജോർജ് തെക്കേമല (ഏഷ്യാനെറ്റ് ടിവി) ജോർജ്‌ പോൾ (ഫ്‌ളവേഴ്‌സ് ടിവി) ഫിന്നി ഹൂസ്റ്റൺ (ഹാർവെസ്റ്റ് ടിവി)  ജെ.ഡബ്ലിയൂ.വർഗീസ് ( ദക്ഷിൺ റേഡിയോ) വിജു വർഗീസ് (മലയാളി എഫ്എം റേഡിയോ) സുബിൻ ബാലകൃഷ്ണൻ (ജനം ടിവി) എന്നിവരോടൊപ്പം ലിഡാ തോമസ്, അനിലാ  സന്ദീപ് (ആഷാ റേഡിയോ) എന്നിവരും പങ്കെടുത്തു. റിപ്പോർട്ട് : ജീമോൻ...

ഹൂസ്റ്റൺ: ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യൂഎസ്എ)    ഹൂസ്റ്റൺ ചാപ്റ്ററിന്റെ ആഭിമുഖ്യത്തിൽ നടന്ന ഇന്ത്യൻ സ്വാതന്ത്ര്യദിന പ്ലാറ്റിനം ജൂബിലി സമ്മേളനവും അതോടനുബന്ധിച്ചു നടന്ന മുൻ ഇന്ത്യൻ സൈനികരെ ആദരിക്കുന്ന ചടങ്ങും വികാരനിർഭരമായ നിരവധി മുഹൂർത്തങ്ങൾക്ക് സാക്ഷ്യം വഹിച്ചു.  ഓഗസ്റ്റ് 14 നു  ഞായറാഴ്ച വൈകുന്നേരം അഞ്ചരയ്ക്ക് മിസ്സോറി സിറ്റി അപ്ന ബസാർ ഹാളിൽ വച്ചായിരുന്നു ഇന്ത്യൻ സ്വാതന്ത്ര്യ ദിന പ്ലാറ്റിനം ജൂബിലി ആഘോഷങ്ങൾ.ത്രിവർണ്ണ പതാകകൾ കൊണ്ട് നിറഞ്ഞു നിന്ന സമ്മേളന ഹാളിലേക്ക് വൈകുന്നേരം അഞ്ചു മുതൽ ഹൂസ്റ്റണിലുള്ള ഇന്ത്യയുടെ കര-നാവിക-വ്യോമ സേനകളിൽ പ്രവർത്തിച്ച ധീര ദേശാഭിമാനികളായ 25 ൽ പരം മുൻ സൈനികർ എത്തിച്ചേർന്നു. തുടർന്ന് വിശിഷ്‌ഠാതിഥികളും എത്തിയപ്പോൾ ഹാൾ നിറഞ്ഞുകവിഞ്ഞിരുന്നു. ഹൂസ്റ്റൺ ചാപ്റ്റർ വാവച്ചൻ മത്തായി അധ്യക്ഷത വഹിച്ചു. ചാപ്റ്റർ ജനറൽ സെക്രട്ടറി ജോജി ജോസഫ് സ്വാഗതം ആശംസിച്ചു. ഡോണ ജോസ് ദേശഭക്തി ഗാനമായ വന്ദേമാതരം ആലപിച്ചതോടെ ചടങ്ങുകൾക്ക് തുടക്കമായി. ഒഐസിസി യുഎസ്എ ചെയർമാൻ ജെയിംസ് കൂടൽ, നാഷണൽ പ്രസിഡണ്ട് ബേബി മണക്കുന്നേൽ എന്നിവർ സ്വാതന്ത്ര്യദിന സന്ദേശങ്ങൾ നൽകി. ഫോർട്ബെൻഡ് കൗണ്ടി ജഡ്ജ് കെ.പി.ജോർജ് സമ്മേളനം ഉത്‌ഘാടനം ചെയ്തു. മിസ്സോറി സിറ്റി മേയർ റോബിൻ ഇലക്കാട്ട്, ഫോർട്ട് ബെൻഡ് കൗണ്ടി കോർട്ട് ജഡ്ജ് ജൂലി മാത്യു, സ്റ്റാഫ്‌ഫോർഡ് സിറ്റി പ്രോടെം മേയർ കെൻ മാത്യു മലയാളി അസ്സോസിയേഷൻ ഓഫ് ഗ്രെയ്റ്റർ ഹൂസ്റ്റൺ (മാഗ്)  പ്രസിഡണ്ട് അനിൽ ആറന്മുള എന്നീ വിശിഷ്ടാതിഥികൾ  സ്വാതന്ത്ര്യ ദിന സന്ദേശങ്ങൾ നല്കി.നാഷണൽ ജനറൽ സെക്രട്ടറി ജീമോൻ റാന്നി മുൻ സൈനികരെ ആദരിക്കുന്ന ചടങ്ങിന് നേതൃത്വം നൽകി തുടർന്ന് ഇന്ത്യയുടെ കര-നാവിക-വ്യോമ സേനകളിൽ പ്രവർത്തിച്ച ധീര ദേശാഭിമാനികളായ 25 ൽ പരം മുൻ സൈനികരെ ആദരിക്കുന്ന ചടങ്ങു് തികച്ചും  അഭിമാനകരവും ശ്രദ്ധേയവുമായിരുന്നു. 25 ൽ പരം വിമുക്ത ഭടന്മാരോടൊപ്പം അർപ്പണബോധത്തോടെ  ഇന്ത്യയിലെ മിലിറ്ററി ഹോസ്പിറ്റലുകളിൽ സൈനികരെ ശുശ്രൂഷിക്കുവാൻ അവസരം ലഭിച്ച നഴ്സ്മാരെയും ആദരിക്കുന്നതിനും സാധിച്ചു. ഓരോ മുൻ സൈനികരും വേദിയിലേക്ക് കടന്നു വന്ന് അവർ പ്രവർത്തിച്ച  സൈന്യ വിഭാഗങ്ങളിലെ മേഖലകൾ പറഞ്ഞു സ്വയം പരിചയപ്പെടുത്തി. തുടർന്ന് വിശിഷ്ടാതിഥികളിൽ നിന്നും  പൊന്നാടകൾ  അവർ ഓരോരുത്തരും സ്വീകരിച്ചപ്പോൾ വികാരനിർഭരമായ നിമിഷങ്ങൾക്കാണ് സദസ്സ് സാക്ഷ്യം വഹിച്ചത്. ബ്രിഗേഡിയർ മുതൽ വിവിധ സ്ഥാനങ്ങളിൽ സൈന്യത്തിൽ സേവനം ചെയ്തവർ ഹൂസ്റ്റനിൽ ഉണ്ടെന്നറിഞ്ഞപ്പോൾ സമ്മേളനത്തിൽ പങ്കെടുത്തവർ അഭിമാനം കൊണ്ടു. 19 വർഷക്കാലം ഇന്ത്യയിലെ വിവിധ മേഖലകളിൽ കര സേനയിൽ ജോലി ചെയ്ത അനുഭവ പരിചയവുമായി എത്തിയ ഫിലിപ്പ് ഇലക്കാട്ടിനെ പൊന്നാട കൊടുത്ത്  ആദരിച്ചപ്പോൾ മകനും മിസ്സോറി സിറ്റി മേയറുമായ റോബിൻ ഇലക്കാട്ട്, വികാരനിര്ഭരനായി,  തന്റെ ജീവിതത്തിൽ ഒരിക്കലും മറക്കാനാകാത്ത അനുഭവമാണ് ഈ ചടങ്ങു സമ്മാനിച്ചതെന്ന് അഭിമാനത്തോടെ പറഞ്ഞു.           ഒഐസിസി യുഎസ്എ സതേൺ റീജിയൻ വൈസ് ചെയർമാൻ ജോയ് തുമ്പമൺ, റീജിയൻ വൈസ് പ്രസിഡണ്ട് പൊന്നു പിള്ള, റീജിയൻ സെക്രട്ടറി ബിബി പാറയിൽ, ചാപ്ടർ ജോയിന്റ് ട്രഷറർ ആൻഡ്രൂസ് ജേക്കബ് തുടങ്ങിയവർ ആശംസകൾ അറിയിച്ചു. സതേൺ റീജിയൻ വനിതാ വിഭാഗം ചെയർ പേഴ്സൺ ഷീല ചെറു എംസിയായി പരി പാടികൾ നിയന്ത്രിച്ചു.   ഡോണാ ജോസ്, ക്രിസ്റ്റൽ റോസ്, സ്നേഹ സന്തോഷ്, റയാൻ സന്തോഷ്, ജനപ്രിയ പാണച്ചേരി എന്നീ കുട്ടികൾ ഇന്ത്യൻ, അമേരിക്കൻ ദേശീയ ഗാനങ്ങൾ പാടിയപ്പോൾ വർണശബളമായ പ്ലാറ്റിനം ജൂബിലി ആഘോഷങ്ങൾക്ക് തിരശീല വീണു. ആദരവ്  ചടങ്ങിന്റെ കോർഡിനേറ്റർ ബിനോയ് ലൂക്കോസ് തത്തംകുളം നന്ദി പ്രകാശിപ്പിച്ചു. റിപ്പോർട്ട് : ജീമോൻ...

ന്യൂയോർക്ക്: ഫോമാ ദേശീയ ഉപദേശക കൗൺസിൽ ജോയിന്‍റ് സെക്രട്ടറി സ്ഥാനത്തേക്ക് തോമസ് കെ. ഈപ്പൻ (സാബു) മത്സരിക്കുന്നു. 2018 -20 കാലയളവിൽ ഫോമായുടെ സൗത്ത് – ഈസ്റ്റ് റീജിയണൽ വൈസ് പ്രസിഡന്റായും (ആർവിപി), 2016-18-ൽ ബെന്നി വാച്ചാച്ചിറ ഫോമാ പ്രസിഡന്‍റ് ആയിരുന്ന കാലത്തു ഫോമാ കൺവെൻഷൻ റീജിയണൽ ചെയർമാനായും, നിലവിൽ ഫോമാ ഹെല്പിങ് ഹാൻഡ്‌സ് കമ്മറ്റി അംഗമായും സേവനം അനുഷ്ടിച്ച് അനുഭവ സമ്പത്തുള്ള തോമസ് നല്ലൊരു സംഘാടകൻ കൂടിയാണ്. ഗ്രെയ്റ്റർ അറ്റ്ലാന്റ മലയാളി അസോസിയേഷൻ (ഗാമ) പ്രസിഡന്‍റ് ആയി മൂന്നു തവണ സേവനം അനുഷ്ഠിച്ച തോമസ് ഇപ്പോൾ ഗാമയുടെ ട്രസ്റ്റീ ബോർഡ് അംഗമാണ്. അറ്റ്ലാന്‍റയിലെ മലങ്കര ഓർത്തോഡോക്സ് പള്ളിയിൽ വിവിധ സ്ഥാനങ്ങൾ വഹിച്ചിട്ടുള്ള തോമസ് ഇപ്പോൾ സെന്‍റ് ഗ്രീഗോറിയോസ് ഓർത്തഡോക്സ് പള്ളി ട്രസ്റ്റിയാണ്. അറ്റ്ലാന്‍റയിലെ ഒരു ഐ.ടി. സ്ഥാപനത്തിൽ ഫിനാൻഷ്യൽ അഡ്വൈസർ ആയി പ്രവർത്തിക്കുന്ന അദ്ദേഹത്തിന്റെ പ്രവർത്തന ശൈലികൊണ്ട് സഹപ്രവർത്തകരുടെ അഭിനന്ദനങ്ങൾ ഏറ്റുവാങ്ങിയിട്ടുള്ള വ്യക്തികൂടിയാണ്. തോമസ് കെ ഈപ്പന്‍റെ സേവനം ഫോമയുടെ ഭാവി പുരോഗതിക്കു ഒരു മുതൽക്കൂട്ടായിരിക്കും. ഫോമായുടെ എല്ലാ അംഗ സംഘടനാ പ്രതിനിധികളുടെയും പിന്തുണയാൽ അത് സാധ്യമാകട്ടെ എന്ന്...