താജ്മഹൽ പണിത തൊഴിലാളികളുടെ കൈകൾ വെട്ടിമാറ്റിയപ്പോൾ പ്രധാനമന്ത്രി നരേന്ദ്ര മോദി അയോധ്യയിലെ രാമക്ഷേത്രത്തിൽ പണിയെടുക്കുന്ന നിർമാണ തൊഴിലാളികളെ ആദരിച്ചുവെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഇന്ത്യയുടെ ചരിത്രപരവും ആധുനികവുമായ സന്ദർഭങ്ങളിൽ തൊഴിലാളികളോടുള്ള പെരുമാറ്റം താരതമ്യം ചെയ്യുകയായിരുന്നു അദ്ദേഹം.
“ജനുവരി 22ന് പ്രധാനമന്ത്രി നരേന്ദ്രമോദി രാമക്ഷേത്രം പണിത തൊഴിലാളികളെ ആദരിക്കുന്നതെങ്ങനെയെന്ന് നിങ്ങൾ കണ്ടിട്ടുണ്ടാകും. ഒരു വശത്ത് പ്രധാനമന്ത്രി പുഷ്പങ്ങൾ വർഷിക്കുന്നു, എന്നാൽ മറുവശത്ത് താജ്മഹൽ പണികഴിപ്പിച്ച തൊഴിലാളികളുടെ കൈകൾ വെട്ടിമാറ്റിയ അവസ്ഥയായിരുന്നു മുമ്പ്.” ശനിയാഴ്ച മുംബൈയിൽ നടന്ന ഒരു പരിപാടിയിൽ അദ്ദേഹം പറഞ്ഞു.
ചരിത്രത്തിലെ ഫൈൻ തുണി വ്യവസായത്തിലെ തൊഴിലാളികളും അവരുടെ കൈകൾ വെട്ടിമാറ്റി, ഒരു പാരമ്പര്യത്തെയും പൈതൃകത്തെയും തകർത്തുവെന്നും യുപി മുഖ്യമന്ത്രി പരാമർശിച്ചു.
