ഷിക്കാഗോ: പുതിയ ഇന്ത്യൻ കോണ്സൽ ജനറലായി സ്ഥാനമേറ്റ സോമനാഥ് ഘോഷ് ഐഎഫഎസിനു ഇന്ത്യൻ എൻജിനീയേഴ്സ് അസോസിയേഷൻ (എഎഇഐഒ) ഇന്ത്യൻ കോണ്സുലേറ്റിൽ സ്വീകരണം നൽകുകയും ഒരു മണിക്കൂർ നീണ്ട ചർച്ചകൾ നടത്തുകയും ചെയ്തു.
അസോസിയേഷൻ പ്രസിഡന്റ് ഗ്ലാഡ്സണ് വർഗീസിന്േറയും മറ്റ് ബോർഡ് ഓഫ് ഡയറക്ടേഴ്സിന്േറയും നേതൃത്വത്തിൽ നടന്ന ചർച്ചകളിൽ ഇന്ത്യൻ ഗവണ്മെന്റും, അമേരിക്കയും ചേർന്ന് നടത്തുന്ന വിവിധ ടെക്നോളജി ആൻഡ് ഇന്നവേഷൻ പ്രൊജക്ടുകളിൽ എഎഇഐഒ മുൻകൈ എടുക്കുമെന്നും, ഇന്ത്യയുടെ സ്കിൽ ഡവലപ്മെന്റ് പദ്ധതിയിൽ സഹകരിക്കണമെന്നും കോണ്സൽ ജനറൽ നിർദേശിച്ചു.
ഇന്ത്യൻ ഐടി സഹമന്ത്രി ഡോ. രാജീവ് ചന്ദ്രശേഖറുടെ നേതൃത്വത്തിൽ എഎഇഐഒയുമായി സഹകരിച്ച് ഐടി, ഇലക്ട്രോണിക്സ് ആൻഡ് എന്റർപ്രണർഷിപ്പ് എന്നീ രംഗങ്ങളിൽ വിവിധ പ്രൊജക്ട് പ്ലാനുകൾ തയറാക്കിക്കൊണ്ടിരിക്കുകയാണെന്നും എഎഇഐഒ ഡയറക്ടർ ബോർഡ് അംഗങ്ങൾ അദ്ദേഹത്തെ അറിയിച്ചു.
അസോസിയേഷൻ മിൽവോക്കിയിലെ വിസ്കോണ്സിനിൽ നവംബർ അഞ്ചിന് ആരംഭിക്കുന്ന പുതിയ ചാപ്റ്ററിന്റെ ഉദ്ഘാടനത്തിനായി ഇന്ത്യൻ കോണ്സുൽ ജനറലിനെ ക്ഷണിക്കുകയും അദ്ദേഹം അത് സ്വീകരിക്കുകയും ചെയ്തു.
ഐഐടി കാണ്പൂർ ഗ്രാജ്വേറ്റും, ഐ.എഫ്.എസ് ഓഫീസറുമായ സോമനാഥ് ഘോഷിന് അമേരിക്കയിലെ ഒന്പത് സംസ്ഥാനങ്ങളുടെ ചുമതലയുണ്ട്.
എൻജിനീയേഴ്സ് അസോസിയേഷനുകളുടെ കേന്ദ്ര സംഘടനയായ എഎഇഐഒ ഈ ഒന്പത് സംസ്ഥാനങ്ങളിലും ചാപ്റ്ററുകൾ ആരംഭിക്കണമെന്ന് അദ്ദേഹം നിർദേശിച്ചു.
