ന്യൂയോർക്ക്: ഗ്ലെൻ ഓക്സ് ആസ്ഥാനമായി പ്രവർത്തിക്കുന്ന ബ്രൂക്ക്ലിൻ, ക്വീൻസ്, ലോംഗ് ഐലൻഡ് ഏരിയായിലുള്ള കൗണ്സിൽ ഓഫ് ഇന്ത്യൻ ഓർത്തഡോക്സ് ചർച്ചസ് ഇൻ കോർപറേറ്റ്സിന്റെ ഫാമിലി നൈറ്റ് നവംബർ 6 ഞായറാഴ്ച വൈകുന്നേരം 4.30 മുതൽ 8 വരെ നടക്കും. ലെവിടൗണിലുള്ള സെന്റ് തോമസ് ഓർത്തഡോക്സ് പള്ളിയിലാണ് (110 School Home Road, Levittown, NY-11916) ഡാൻസും മറ്റു കലാപരിപാടികളുമായി ഫാമിലി നൈറ്റ് നടക്കുന്നത്. അഡ്മിഷൻ പാസ് മൂലമായിരിക്കുമെന്ന് ഭാരവാഹികൾ അറിയിച്ചു.
കൗണ്സിൽ ക്വയർ ഗാനങ്ങൾ ആലപിക്കും. ഫാ. ജോണ് തോമസ് ആലുമ്മൂട്ടിൽ പ്രസിഡന്റായ കൗണ്സിലിൽ ഷാബു മാമ്മൻ സെക്രട്ടറി ആയും, ഫിലിപ്പോസ് സാമുവേൽ ട്രഷററായും പ്രവർത്തിക്കുന്നു. ക്വയർ ഡയറക്ടർ ഫാ. ദിലീപ് ചെറിയാൻ, ക്വയർ മാസ്റ്റർ ജോസഫ് പാപ്പൻ, ക്വായർ കോ ഓർഡിനേറ്റർ മിനി കോശി, പ്രോഗ്രാം കോഓർഡിനേറ്റർമാരായ സജി താമരവേലിൽ, ആലീസ് ഈപ്പൻ, എൽസിക്കുട്ടി മാത്യു എന്നിവരും പ്രവർത്തിക്കുന്നു.
വൈസ് പ്രസിഡന്റുമാരായ റവ. ഡോ. വറുഗീസ് പ്ലാന്തോട്ടം കോർ എപ്പിസ്ക്കോപ്പാ, ഫാ. ജോർജ് മാത്യൂ, റവ. ഡോ. സി.കെ. രാജൻ, ഫാ. തോമസ് പോൾ, ഫാ. ഗ്രിഗറി വർഗീസ്, ഫാ. ജോർജ് ചെറിയാൻ, ഫാ. ഏബ്രഹാം ഫിലിപ്പ്, ഫാ. എബി ജോർജ് എന്നിവരും സേവനം അനുഷ്ഠിക്കുന്നു.
