ആറ് വർഷത്തോളം പ്രണയിച്ച ശേഷം വിവാഹിതരായ താര ജോഡികളാണ് സൗത്ത് ഇന്ത്യയിൽ ഏറ്റവും കൂടുതൽ ആരാധകരുള്ള വിഘ്നേഷ് ശിവനും നയൻതാരയും.
ഒന്നര വർഷം മുമ്പ് ചെന്നൈയിൽ വെച്ച് നടന്ന ആഡംബര ചടങ്ങിലൂടെയാണ് ഇരുവരും വിവാഹിതരായത്. അതിന് മുമ്പ് ഏറെക്കാലം ലിവിങ് റിലേഷൻഷിപ്പിലായിരുന്നു. ഇപ്പോഴിതാ ഇരുവരെയും പരസ്പരം അടുപ്പിച്ചത് നടൻ ധനുഷാണെന്ന് വെളിപ്പെടുത്തിയിരിക്കുകയാണ് വിഘ്നേഷ് ശിവൻ.
നാനും റൗഡി താൻ സിനിമയുടെ കഥ നയൻതാരയോട് പറയാനുള്ള ആശയം തന്നത് ധനുഷ് സാറാണ്. അവൾക്കത് ഇഷ്ടപ്പെട്ടു. അവൾ വന്നതോടെയാണ് ആ സിനിമ ചെയ്യാൻ ആദ്യം താത്പര്യമില്ലെന്ന് പറഞ്ഞ വിജയ് സേതുപതിയെയും എനിക്ക് കാസ്റ്റ് ചെയ്യാൻ സാധിച്ചത്.
തിരക്കഥയെ കുറിച്ച് വിജയ് സേതുപതിക്ക് ആദ്യം ബോദ്ധ്യമുണ്ടായിരുന്നില്ല. എന്നാൽ നയൻ പറഞ്ഞതിനുശേഷമാണ് അദ്ദേഹം സമ്മതിച്ചത്. നയനൊപ്പം ഒരുപാട് സമയം ചെലവഴിക്കാൻ ആ സിനിമ എനിക്ക് വഴിയൊരുക്കി. ഒരുവർഷത്തിനുള്ളിൽ ഞങ്ങൾ പങ്കാളികളായി എന്നാണ് വിഘ്നേഷ് ശിവൻ പറഞ്ഞത്.