ഒമാനിലുണ്ടായ അപ്രതീക്ഷ മഴയിലും വെള്ളപ്പൊക്കത്തിലും മലയാളിയടക്കം 12 പേർ മരിച്ചു. കൊല്ലം സ്വദേശി സുനിൽ കുമാർ സദാനന്ദനാണ് മരിച്ച മലയാളി. കെട്ടിടം ഇടിഞ്ഞുവീണാണ് സുനിൽ കുമാർ അപകടത്തിൽപ്പെടുന്നത്. മരിച്ചവരിൽ ഒമ്പത് വിദ്യാർത്ഥികളും രണ്ട് ഒമാനികളും ഒരു പ്രവാസിയും ഉൾപ്പെടുന്നുവെന്ന് നാഷണൽ കമ്മിറ്റി ഫോർ എമർജൻസി മാനേജ്‌മെൻ്റ് അറിയിച്ചു.
ഇപ്പോഴും നിരവധി കുടുംബങ്ങൾ കുടുങ്ങിക്കിടക്കുകയാണ്. കനത്ത മഴയിൽ രാജ്യത്തിൻ്റെ വിവിധ ഭാഗങ്ങളിൽ വെള്ളപ്പൊക്കമുണ്ടായതിനെത്തുടർന്ന് ഏപ്രിൽ 15 തിങ്കളാഴ്ച ഒമാനിലെ സ്കൂളുകളും കോളേജുകളും ഓൺലൈൻ മോഡിൽ പ്രവർത്തിക്കാൻ നിർദ്ദേശം നൽകി.
