പണ്ടുകാലത്ത് നാം പാചകത്തിന് ഉപയോഗിച്ചിരുന്നത് മണ്‍ചട്ടിയും കല്‍ച്ചട്ടിയുമായിരുന്നു. ഇന്ന് ഇത് നോണ്‍സ്റ്റിക് പാത്രങ്ങള്‍ക്കും സെറാമിക് പാത്രങ്ങള്‍ക്കും അലുമിനിയം, സ്റ്റീല്‍ പാത്രങ്ങള്‍ക്കുമെല്ലാമാണ് അടുക്കളയില്‍ സ്ഥാനം. ഇത്തരം ലോഹങ്ങളില്‍ ചിലതെങ്കിലും വേണ്ട രീതിയില്‍ ഉപയോഗിച്ചില്ലെങ്കില്‍ ദോഷങ്ങളുമുണ്ടാകുന്നു. പണ്ടുകാലത്തുണ്ടായിരുന്ന ഒരിനം പാത്രമാണ് കല്ലുകൊണ്ടുണ്ടാക്കിയത്. നാം പൊതുവേ കല്‍ച്ചട്ടി എന്നു പറയും. ഇത് ഇപ്പോഴും പാചകത്തിന് ഉപയോഗിയ്ക്കുന്ന ചിലരെങ്കിലും കാണും. കല്‍ച്ചട്ടി പാചകത്തിന് ഉപയോഗിയ്ക്കുന്നത് നല്‍കുന്ന ഗുണങ്ങള്‍ പലതാണ്.
കല്‍ച്ചട്ടിയെ, കാല്‍പാത്രങ്ങളെ നാച്വറല്‍ നോണ്‍സ്റ്റിക് എന്ന ഗണത്തില്‍ പെടുത്താവുന്നതാണ്. ഇവയില്‍ സിന്തറ്റിക് കോട്ടിംഗുകളോ കെമിക്കലുകളോ ഉപയോഗിയ്ക്കുന്നില്ല. നിരന്തര ഉപയോഗത്തിലൂടെ ഇവ മിനുസപ്പെട്ട പ്രതലത്തിലേയ്ക്ക് മാറി നോണ്‍സ്റ്റിക് ഗുണം നല്‍കുകയാണ് ചെയ്യുന്നത്. ഇതിനാല്‍ സാധാരണ നോണ്‍സ്റ്റിക് പാത്രങ്ങളുടെ കോട്ടിംഗ് പോകുമ്പോഴുണ്ടാകുന്ന ദോഷമൊന്നും ഇവയ്ക്കില്ലെന്ന് മാത്രമല്ല, നോണ്‍സ്റ്റിക് ഗുണം ഇത് നല്‍കുകയും ചെയ്യുന്നു.
പാചകത്തിന് ഇതേറെ സഹായിക്കുന്ന ഒന്നാണ്. ചൂട് എല്ലായിടത്തും ഒരുപോലെയെത്തുന്നു. ഇത് പാചകത്തിന് ഗുണം നല്‍കുന്നു. മാത്രമല്ല, ഏത് തരത്തിലെ പാചകത്തിനും ഉപയോഗിയ്ക്കാവുന്ന ഒന്നാണിത്. ഡീപ് ഫ്രൈ, റോസ്റ്റിംഗ്, ബേക്കിംഗ് തുടങ്ങിയ എല്ലാ പാചകരീതിയ്ക്കും ചേര്‍ന്ന് പാത്രങ്ങളാണ് ഇവ. ഇവയ്ക്ക് ഭക്ഷണവസ്തുക്കള്‍ വരണ്ട് പോകാതെ സൂക്ഷിയ്ക്കാന്‍ സാധിയ്ക്കും. ഇത് ഭക്ഷണത്തില്‍ ഈര്‍പ്പം നില നിര്‍ത്തുന്നു. ഭക്ഷണത്തിന് രുചി വര്‍ദ്ധിപ്പിയ്ക്കാന്‍ ഇത് സഹായിക്കും.
പല പാത്രങ്ങളുടേയും ഭീഷണി ഇവയിലെ ലോഹസാന്നിധ്യം കൊണ്ടുണ്ടാകുന്ന കെമിക്കലുകളാണ്. ഇത്തരമൊരു പ്രശ്‌നം കല്‍പാത്രങ്ങള്‍ക്കില്ല. ഇവ നാച്വറല്‍ കല്ലുകള്‍ കൊണ്ടാണ് നിര്‍മിച്ചിരിയ്ക്കുന്നതെന്നതിനാല്‍ യാതൊരു ദോഷവും വരുത്തുന്നില്ല. മാത്രമല്ല, ഏറെക്കാലം കേടു കൂടാതെ ഇവ ഉപയോഗിയ്ക്കാനും സാധിയ്ക്കും. ഇവ തേഞ്ഞുപോകുകയോ ഇവയില്‍ വിള്ളലുകളോ പൊട്ടലുകളോ ഉണ്ടാകുകോ ചെയ്യുന്നില്ല. മാത്രമല്ല, ഇവ കൈകാര്യം ചെയ്യാനും വൃത്തിയാക്കാനും എളുപ്പവുമാണ്.
പുതുതായി വാങ്ങുന്ന കല്‍പാത്രങ്ങള്‍ സീസണ്‍ ചെയ്‌തെടുക്കേണ്ടതുണ്ട്. അതായത് മയക്കിയെടുക്കണം. പാചകത്തിന് അനുയോജ്യമാക്കി മാററുന്നതിനാണ് ഇങ്ങനെ പറയുന്നത്. ഇതിനായി ഇവ ചെറിയ തീയില്‍ 2 മിനിറ്റ് ചൂടാക്കണം. പിന്നീട് ഒരു കോട്ടന്‍ തുണി കൊണ്ട് ഇതിലെ പൊടി തുടച്ചെടുക്കണം. ഇത് തണുത്ത ശേഷം വീര്യം കുറഞ്ഞ ഡിഷ് വാഷര്‍ ലിക്വിഡ് കൊണ്ട് കഴുകാം. ഇത് തനിയെ ഉണങ്ങണം. പിന്നീട് ഇത് 30 സെക്കന്റ് ചൂടാക്കിയ ശേഷം അല്‍പം എണ്ണയോ വെളിച്ചെണ്ണയോ പുരട്ടിക്കൊടുത്ത് പിന്നീട് ഇത് ഒരു തുണി കൊണ്ട് തുടയ്ക്കാം. ഇത്. ഇത് നനവ് നീക്കി സൂര്യപ്രകാശം അധികം എത്താത്ത ദിക്കില്‍ സൂക്ഷിയ്ക്കാം.
