ഡല്ഹി: സിപിഎം കേന്ദ്ര കമ്മിറ്റി യോഗത്തിന് ഇന്ന് ഡല്ഹിയില് തുടക്കമാകും. മൂന്ന് ദിവസമായി ചേരുന്ന കേന്ദ്ര കമ്മിറ്റിയില് മുഖ്യമന്ത്രി പിണറായി വിജയന്, സംസ്ഥാന സെക്രട്ടറി എം വി ഗോവിന്ദന് ഉള്പ്പെടെയുള്ളവര് പങ്കെടുക്കും. 23-ാം പാര്ട്ടി കോണ്ഗ്രസില് അവതരിപ്പിക്കേണ്ട സംഘടനാ റിപ്പോര്ട്ടും കഴിഞ്ഞ പാര്ട്ടി കോണ്ഗ്രസിനു ശേഷം സംഘടനാ തലത്തിലുണ്ടായ ഉയര്ച്ച താഴ്ചകളും യോഗത്തില് ചര്ച്ചയായേക്കും. സംസ്ഥാന സര്ക്കാരും ഗവര്ണര് ആരിഫ് മുഹമ്മദ് ഖാനും തമ്മിലുള്ള പോരും യോഗത്തില് ചര്ച്ചയാകാന് സാധ്യതയുണ്ട്.
കോടിയേരി ബാലകൃഷ്ണന്റെ വിയോഗത്തിന് ശേഷമുള്ള ആദ്യ കേന്ദ്ര കമ്മിറ്റി യോഗമാണിത്.
അദ്ദേഹത്തിന് പകരം സിപിഎം സംസ്ഥാന സെക്രട്ടറി എം വി ഗോവിന്ദനെ പിബിയിലേക്ക് എടുക്കുന്നതിലും യോഗത്തില് തീരുമാനമുണ്ടാവും.ഹിമാചല് പ്രദേശ്, ഗുജറാത്ത് തിരഞ്ഞെടുപ്പുകള്, നിലവിലെ രാഷ്ട്രീയ സാഹചര്യം എന്നിവയും കേന്ദ്ര കമ്മിറ്റി പരിശോധിക്കും. തൊഴിലാളി സംഘടന റിപോര്ട്ടും കേന്ദ്ര കമ്മിറ്റി ചര്ച്ച ചെയ്യുന്നുണ്ട്.