കോഴിക്കോട്: ശശി തരൂരിനെതിരെ ഫേസ്ബുക്ക് പോസ്റ്റുമായി മുന് കോണ്ഗ്രസ് സംസ്ഥാന അധ്യക്ഷന് മുല്ലപ്പള്ളി രാമചന്ദ്രന്. കഴിഞ്ഞ ദിവസം തരൂരിന് എതിരെ നടത്തിയ പ്രസ്താവനയുടെ വാര്ത്തയാണ് മുല്ലപ്പള്ളി ഫേസ്ബുക്കില് പങ്കുവച്ചത്.
തരൂരിന്റെ രാഷ്ട്രീയ കാഴ്ചപ്പാടുകളില് ഒട്ടും സ്ഥിരതയില്ലെന്ന് മുല്ലപ്പള്ളി മാധ്യമങ്ങളോട് പറഞ്ഞിരുന്നു. ഇതിന് പിന്നാലെയാണ് പ്രസ്താവനയുടെ വാര്ത്ത മുന് സംസ്ഥാന അധ്യക്ഷന് എഫ്ബിയില് ഇട്ടത്.
എന്നാല് കടുത്ത വിമര്ശനമാണ് കോണ്ഗ്രസ് പ്രവര്ത്തകര് കമന്റില് ഉന്നയിക്കുന്നത്. താങ്കളൊരു മുതിര്ന്ന നേതാവാണെന്നും കുറച്ചുകൂടി പക്വത കാണിക്കണമെന്നും മുന് പ്രസിഡന്റിനെ പ്രവര്ത്തകര് ഓര്മിപ്പിച്ചു.
നേരത്ത, കെ-റെയില് വിഷയത്തില് അടക്കം പലപ്പോഴും തരൂരിനെതിരെ പരസ്യ വിമര്ശനം മുല്ലപ്പള്ളി ഉന്നയിച്ചിരുന്നു.