ദുബായ്: യുഎഇയുടെ അന്പതാം ദേശീയ ദിനാഘോഷങ്ങളുടെ ഭാഗമായി 672 തടവുകാര്ക്ക് മോചനം. ദുബായ് ഭരണാധികാരി ശൈഖ് മുഹമ്മദ് ബിന് റാഷിദ് അല് മക്തൂമാണ് ഇത് സംബന്ധിച്ച ഉത്തരവ് പുറപ്പെടുവിച്ചത്. മോചിതരാക്കപ്പെടുന്ന തടവുകാര്ക്ക് സമൂഹവുമായി ഇഴുകിച്ചേരാന് ഇത് അവസരമൊരുക്കും. മാപ്പ് നല്കപ്പെട്ട തടവുകാരുടെ മോചനം സാധ്യമാക്കുന്നതിന് ദുബായ് പോലീസുമായി ചേര്ന്ന് ദുബായ് പ്രോസിക്യൂഷനും നടപടികള് തുടങ്ങിയതായും അറ്റോര്ണി ജനറല് ഇസ്സാം ഇസ്സ അല് ഹുമൈദാന് അറിയിച്ചു.
വിവിധ കുറ്റകൃത്യങ്ങള്ക്ക് ശിക്ഷ അനുഭവിക്കുന്ന 870 തടവുകാരെ മോചിപ്പിക്കാന് യുഎഇ പ്രസിഡന്റ് കഴിഞ്ഞ ദിവസം ഉത്തരവിട്ടിരുന്നു. ദേശീയ ദിനത്തോടനുബന്ധിച്ച് 43 തടവുകാര്ക്ക് ജയില് മോചനം നല്കാന് യുഎഇ സുപ്രീം കൗണ്സില് അംഗവും അജ്മാന് ഭരണാധികാരിയുമായ ശൈഖ് ഹുമൈദ് ബിന് റാഷിദ് അല് നുഐമിയും നിര്ദേശിച്ചിട്ടുണ്ട്.