ഡല്ഹി: ന്യൂനപക്ഷ വിദ്യാഭ്യാസ സ്കോളര്ഷിപ്പുകള് ജനസംഖ്യാനുപാതികമായി വിതരണം ചെയ്യണമെന്ന ഹൈക്കോടതി വിധിക്കെതിരേ കേരളം സുപ്രീം കോടതിയില് അപ്പീല് ഫയല് ചെയ്തു. ന്യൂനപക്ഷ സ്കോളര്ഷിപ്പുകളിലെ 80:20 അനുപാതം റദ്ദാക്കിയ ഹൈക്കോടതി വിധിക്കെതിരേയാണ് സര്ക്കാര് അപ്പീല് നല്കിയത്. ജനസംഖ്യാനുപാതികമായി സ്കോളര്ഷിപ്പ് നല്കിയാല് അനര്ഹര്ക്കും ആനുകൂല്യം ലഭിക്കുമെന്ന് കേരളം സുപ്രീം കോടതിയില് ഫയല് ചെയ്ത ഹര്ജിയില് വ്യക്തമാക്കുന്നു.
മുസ്ലിം സമുദായത്തിലെ പിന്നാക്കാവസ്ഥ സച്ചാര്, പാലോളി കമ്മിറ്റികള് കണ്ടെത്തിയിരുന്നു. അതിനാലാണ് മുസ്ലിങ്ങള്ക്ക് കൂടുതല് സ്കോളര്ഷിപ്പ് അനുവദിച്ചത്. എന്നാല് ക്രിസ്ത്യന് സമുദായത്തിലെ പിന്നാക്കാവസ്ഥ സംബന്ധിച്ച് ഇതുവരെ സര്ക്കാരിന്റെ പക്കല് ആധികാരിക രേഖകള് ഇല്ല.