തിരുവനന്തപുരം: ജില്ലകളിലെ കോവിഡ് പ്രതിരോധം ഉറപ്പുവരുത്താന്‍ കോവിഡ് കണ്‍ട്രോള്‍ സ്പെഷല്‍ ഓഫീസര്‍മാരായി ഐപിഎസ് ഓഫീസര്‍മാരെ നിയോഗിച്ചു. കോവിഡ് പ്രതിരോധം ശക്തമാകാന്‍ പോലീസിന്‍റെ പ്രവര്‍ത്തനങ്ങള്‍ ഏകോപിപ്പിക്കുക എന്ന ലക്ഷ്യത്തോടെ ആണ് ഈ നീക്കം. തിങ്കളാഴ്ച മുതലാണ് ഈ സംവിധാനം നിലവില്‍ വരുന്നത്.
തിരുവനന്തപുരം റൂറല്‍, കൊല്ലം ജില്ലകളുടെ ചുമതല വഹിക്കുന്നത് തിരുവനന്തപുരം റേഞ്ച് ഡിഐജി സഞ്ജയ് കുമാര്‍ ഗുരുദിന്‍ ആണ്. കണ്ണൂര്‍, കാസര്‍ഗോഡ് ജില്ലകളുടെ ചുമതല നല്‍കിയിരിക്കുന്നത് കണ്ണൂര്‍ റേഞ്ച് ഡിഐജി കെ.സേതുരാമനു ആണ് . റേഞ്ച് ഡിഐജി നീരജ് കുമാര്‍ ഗുപ്തയ്ക്കാണ് ആലപ്പുഴ, എറണാകുളം ജില്ലകളുടെ ചുമതല ലഭിച്ചത്.
കോവിഡ് പ്രതിരോധം ശക്തപ്പെടുത്താന്‍ ജില്ലകളുടെ ചുമതല ഐപിഎസ് ഓഫീസര്‍മാര്‍ക്ക്
