ഏഷ്യന് രാജ്യങ്ങളിലെ ഉഷ്ണകാലം സഹിക്കാവുന്നതിലുമപ്പുറമായി മാറിയിരിക്കുകയാണ്. വീടുകളിലും ഒാഫീസുകളിലും കടകളിലും ഫാന് മാത്രം സ്ഥാപിച്ചതുകൊണ്ട് വേനലില് നിന്നും രക്ഷനേടാന് കഴിയാത്ത സാഹചര്യമായതോടെ എയര് കണ്ടീഷ്ണറുകളുടെ വില്പ്പന വര്ധിച്ചു. എന്നാല് അത്യാവശ്യത്തിന് പുറത്തിറങ്ങാമെന്നുവെച്ചാല് എ.സിയുമെടുത്ത് ഇറങ്ങാന് സാധിക്കില്ലല്ലോ… ജപ്പാന് കമ്ബനിയായ സോണി അതും സാധ്യമാക്കിയിരിക്കുകയാണ്.
‘റയോണ് പോക്കറ്റ്’ എന്നാണ് പുതിയ സംഭവത്തിെന്റ പേര്. കേള്ക്കുേമ്ബാള് മണ്ടത്തരമെന്ന് തോന്നും. ‘ധരിച്ചുനടക്കാന് സാധിക്കുന്ന എയര് കണ്ടീഷ്ണര്’ അഥവാ പോക്കറ്റ് എ.സി അവതരിപ്പിച്ചിരിക്കുകയാണ് സോണി. റയോണ് പോക്കറ്റ് എന്ന ധരിക്കാവുന്ന എ.സി സോണി നിര്മിച്ച് അവതരിപ്പിച്ചത് ‘ഫസ്റ്റ് ഫ്ലൈറ്റ്’ എന്ന അവരുടെ ക്രൗഡ് ഫണ്ടിങ് പ്ലാറ്റ്ഫോം വഴിയാണ്. വേനല്ക്കാലത്ത് ഇൗ ഉപകരണം ഉപയോഗിക്കുന്നതിലൂടെ തണുപ്പ് ലഭിക്കുകയും ശരീരത്തെ വിയര്പ്പില്ലാതെ നിലനിര്ത്തുകയും ചെയ്യും.
അതിശൈത്യമുള്ള സമയത്ത് ചൂടേകാനും റയോണ് പോക്കറ്റിന് കഴിയും. വളരെ ഒതുക്കമുള്ള ഇൗ ഉപകരണം കൈയ്യിലൊതുങ്ങുമെന്നതും പ്രത്യേകതയാണ്. ചൂടുകാലത്തും തണുപ്പുകാലത്തും പോക്കറ്റ് എ.സി കയ്യിലുണ്ടെങ്കില് അവയില് നിന്നും രക്ഷനേടാമെന്നര്ഥം. എന്നാല്, റയോണ് പോക്കറ്റിനെ അതിെന്റ പൂര്ണ്ണതയില് ഉപയോഗിക്കണമെങ്കില് കൂടെ ലഭിക്കുന്ന ഇന്നര് ബനിയന് കൂടി ധരിക്കണം.
V-ഷേപ്പ് നെക്കുള്ള ബനിയെന്റ പ്രത്യേക ഭാഗത്ത് സജ്ജീകരിച്ച ചെറിയ പോക്കറ്റില് റയോണ് പോക്കറ്റ് എന്ന ഉപകരണം ഇടണം. ഇന്നര് ബനിയന് ധരിച്ചാല് ഇരു തോളുകള്ക്കും ഇടയിലായിട്ടുള്ള ഭാഗത്തായിരിക്കും പോക്കറ്റ് എ.സി സ്ഥാനം പിടിക്കുക. ശേഷം സോണിയുടെ ആപ്പ് ഡൗണ്ലോഡ് ചെയ്താല് ‘ധരിക്കാവുന്ന എ.സിയെ അതിലൂടെ നിയന്ത്രിക്കാം.
പ്ലേ സ്റ്റോറിലും ആപ്പിളിെന്റ ആപ് സ്റ്റോറിലും ആപ്ലിക്കേഷന് ലഭ്യമാണ്. ബ്ലൂടൂത്ത് വഴി ആപ്പിനെ റയോണ് പോക്കറ്റുമായി കണക്ട് ചെയ്ത് ആവശ്യമുള്ള ലെവലില് ശരീരത്തെ തണുപ്പിക്കാനും ചൂടാക്കാനും സാധിക്കും. നിലവില് ജപ്പാനില് മാത്രം ലഭ്യമായ റയോണ് പോക്കറ്റിന് 9,107 ഇന്ത്യന് രൂപ നല്കേണ്ടിവരും. വൈകാതെ മറ്റ് രാജ്യങ്ങളിലും ധരിക്കാവുന്ന എ.സി അവതരിപ്പിക്കാനുള്ള പുറപ്പാടിലാണ് സോണി.