സൗദിയില് 2,331 പേര്ക്ക് കൂടി കോവിഡ് സ്ഥിരീകരിച്ചു.ഇതുവരെ കോവിഡ് സ്ഥിരീകരിച്ച 2,58,156 രോഗികളില് 2,10,398 പേരും സുഖം പ്രാപിച്ചു. ബുധനാഴ്ച 3,139 പേരാണ് രോഗമുക്തരായത്. രാജ്യത്തെ വിവിധ ആശുപത്രികളിലായി ചികിത്സയില് കഴിയുന്നവരുടെ എണ്ണം 45,157 ആയി കുറഞ്ഞു. ഇതില് 2,143 പേര് ഗുരുതരസ്ഥിതിയില് തീവ്രപരിചരണ വിഭാഗത്തിലാണ്.
24 മണിക്കൂറിനിടെ രാജ്യത്തിന്റെ വിവിധ ഭാഗങ്ങളിലായി 44 പേര് മരിച്ചു. രാജ്യത്ത് ബുധനാഴ്ച 52,180 ടെസ്റ്റുകള് നടത്തി. ഇതോടെ രാജ്യത്താകെ ഇതുവരെ നടന്ന ടെസ്റ്റുകളുടെ എണ്ണം 2,837,054 ആയി. രാജ്യത്തെ ചെറുതും വലുതുമായ 203 പട്ടണങ്ങളാണ് രോഗത്തിന്റെ പിടിയിലായത്.