തിരുവനന്തപുരം: പൊതുജനങ്ങളുമായി നിരന്തരം ഇടപെടുന്നവര്‍ക്ക് കോവിഡ് സ്ഥിരീകരിക്കുന്നത് സംസ്ഥാനത്ത് ആശങ്ക ഉയര്‍ത്തുന്നു. കോവിഡ് റിപ്പോര്‍ട്ട് ചെയ്തതിനെ തുടര്‍ന്ന് സര്‍ക്കാര്‍ സ്ഥാപനങ്ങള്‍ ഉള്‍പ്പെടെ അടച്ചു. ഡ്രൈവര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് തിരുവനന്തപുരം കാട്ടാക്കട കെ.എസ്.ആര്‍.ടി.സി ഡിപ്പോ അടച്ചു. കണ്ണൂര്‍ തളിപ്പറമ്ബ് മത്സ്യമാര്‍ക്കറ്റും കോഴിക്കോട് സെന്‍ട്രല്‍ മാര്‍ക്കറ്റും അടച്ചിടാനാണ് തീരുമാനം. നിയന്ത്രണം പാലിക്കാതെ ആളുകള്‍ കൂട്ടത്തോടെ എത്തുന്നുവെന്ന പരാതി ഉയര്‍ന്നതിനെ തുടര്‍ന്നാണ് തളിപ്പറമ്ബ് മത്സ്യമാര്‍ക്കറ്റ് അടച്ചിടുക. കോഴിക്കോട് കൂടുതല്‍പേര്‍ക്ക് സമ്ബര്‍ക്കത്തിലൂടെ രോഗംസ്ഥിരീകരിക്കുന്ന സാഹചര്യത്തില്‍ സെൻട്രൽ മാർക്കറ്റിൽ മത്സ്യക്കച്ചവടം ആഗസ്റ്റ് രണ്ടുവരെ നിർത്തിവെക്കാനും തീരുമാനം.
കെ.എസ്.ആര്‍.ടി.സി ജീവനക്കാര്‍ക്കും പൊലീസുകാര്‍ക്കും കോവിഡ്; സംസ്ഥാനത്ത് ആശങ്ക
