മോസ്കോ: നൈജീരിയന്‍ വിദേശകാര്യമന്ത്രി ജഫ്രി ഒന്യേമക്ക് കോവിഡ് സ്ഥിരീകരിച്ചു. ഞായറാഴ്ച ഒന്യേമ തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. പ്രസിഡന്‍റ് മുഹമ്മദ് ബുഹാരി മന്ത്രിസഭയില്‍ കോവിഡ് സ്ഥിരീകരിക്കുന്ന ആദ്യ മന്ത്രിയാണ് 65കാരനായ ജഫ്രി ഒന്യേമ. തൊണ്ടക്ക് അസ്വസ്ഥത അനുഭവപ്പെട്ടതിനെ തുടര്‍ന്ന് ആശുപത്രിയിലെത്തി പരിശോധനക്ക് വിധേയനായപ്പോഴാണ് രോഗവിവരം അറിയുന്നത്. ഒനീമിയയുടെ നാലാമത്തെ കോവിഡ് പരിശോധനയായിരുന്നു ഇത്. നേരത്തേ നടത്തിയ മൂന്ന് പരിശോധനകളിലും കോവിഡ് നെഗറ്റീവ് ആയിരുന്നു. ”തൊണ്ടക്ക് അസ്വസ്ഥത ഉണ്ടായതിനെ തുടര്‍ന്ന് ഇന്നലെ എൻെറ നാലാമത്തെ കോവിഡ് പരിശോധന നടത്തി. ദൗർഭാഗ്യവശാൽ ഇത്തവണ പോസിറ്റീവ് ആയി. ഇതാണ് ജീവിതം ! ചിലപ്പോൾ വിജയിക്കും ചിലപ്പോൾ പരാജയപ്പെടും. ഐസൊലേഷനിലേക്ക് പോവുകയാണ്. നല്ലത് വരാൻ പ്രാർഥിക്കുന്നു.’’ – ഒന്യേമ ട്വീറ്റ് ചെയ്തു. …
നൈജീരിയന്‍ വിദേശകാര്യ മന്ത്രിക്ക് കോവിഡ്
