തിരുവനന്തപുരം: സ്വപ്ന സുരേഷ് ജോലി ചെയ്തിരുന്ന കെഎസ്‌ഐടിഐഎല്‍(കേരള സ്‌റ്റേറ്റ് ഇന്‍ഫര്‍മേഷന്‍ ടെക്‌നോളജി ഇന്‍ഫ്രാടെക്ചര്‍ ലിമിറ്റഡ്)ന് കീഴിലുള്ള സ്പേസ് പാര്‍ക്കില്‍ കസ്റ്റംസ് പരിശോധന. ഐടി വകുപ്പിന് കീഴിലുള്ള സ്ഥാപനമാണ് കെഎസ്‌ഐടിഐഎല്‍.
ഓപ്പറേഷന്‍ മാനേജര്‍ എന്ന തസ്തികയിലാണ് സ്വപ്ന ഇവിടെ ജോലി ചെയ്തത്. ഇവിടെ ജോലി ചെയ്ത സമയത്തും സ്വപ്ന ഒാഫീസ് മുറി ഗൂഡാലോചനയ്ക്ക് വേദിയാക്കിയെന്നാണ് കസ്റ്റംസിന്‍റെ നിഗമനം. ഇതേ തുടര്‍ന്നാണ് ഇവിടെ പരിശോധന നടത്തിയത്.
ഒരു മണിക്കൂറിലേറെ സമയം പരിശോധന നീണ്ടു. ഏഴ് അംഗ കസ്റ്റംസ് സംഘം ഫയലുകള്‍ കസ്റ്റഡിയിലെടുത്തു. അതേസമയം ശിവശങ്കറിന്‍റെ ഫ്ളാറ്റിലും പരിശോധന നടക്കുന്നുണ്ട്.
