ജനീവ: കൊവിഡ് വ്യാപനം തീവ്രമാണെങ്കിലും നിയന്ത്രണ വിധേയമാക്കാന് കഴിയുമെന്ന് ലോകാരോഗ്യ സംഘടന തലവന് ട്രെഡോസ് അഥനോം. ഇറ്റലി, സ്പെയിന്, ദക്ഷിണ കൊറിയ എന്നീ രാജ്യങ്ങളും ഏഷ്യയിലെ ഏറ്റവും വലിയ ചേരിയായ ധാരാവിയും പ്രതിരോധ പ്രവര്ത്തനങ്ങളിലൂടെ മഹാമാരിയുടെ വ്യാപനം നിയന്ത്രണ വിധേയമാക്കാന് സാധിക്കുമെന്നതിന്റ ഉദാഹരണമാണെന്നും അദ്ദേഹം പറഞ്ഞു. കഴിഞ്ഞ ആറാഴ്ചക്കുള്ളില് രോഗികളുടെ എണ്ണത്തില് ഇരട്ടിയിലധികം വര്ദ്ധനവുണ്ടായി. എങ്കിലും ഈ രാജ്യങ്ങളും പ്രദേശങ്ങളും കൊവിഡ് പ്രതിരോധത്തില് മികച്ച മാതൃക സൃഷ്ടിച്ചു. അതുപോലെ മറ്റു സ്ഥലങ്ങളിലും കൊവിഡിനെ പ്രതിരോധിക്കാന് കഴിയും -അദ്ദേഹം പറഞ്ഞു.