യുഎഇയില് തൊഴില് നഷ്ട ഇന്ഷുറന്സ് പദ്ധതിയില് ചേരാന് ഇനി ഒരാഴ്ച മാത്രം സമയം. ഒക്ടോബര് ഒന്ന് വരെ ജീവനക്കാര്ക്ക് പദ്ധതിയില് ചേരാം. സമയപരിധിക്ക് ശേഷം പദ്ധതിയില് ചേരാത്തവരില് നിന്ന് 400 ദിര്ഹം പിഴ ഈടാക്കും. പദ്ധതിയില് ചേരാന് വിസമ്മതിക്കരുതെന്ന് അധികൃതര് ജീവനക്കാരോട് നിര്ദ്ദേശിച്ചു.
യുഎഇയില് ജോലി നഷ്ടപ്പെട്ടാല് മൂന്ന് മാസം വരെ അടിസ്ഥാന ശമ്പളത്തിന്റെ 60 ശതമാനം വരെ നല്കുന്ന പദ്ധതിയാണിത്. ഫെഡറല് സര്ക്കാര് മേഖല, സ്വകാര്യമേഖല, ഫ്രീസോണ് എന്നിവിടങ്ങളില് ജോലി ചെയ്യുന്നവരെല്ലാം പദ്ധയുടെ ഭാഗമാകണം. 16,000 ദിര്ഹത്തിന് ചുവടെ ശമ്പളമുള്ളവര്ക്ക് മാസം അഞ്ച് ദിര്ഹം നിരക്കിലും, പതിനാറായിരം ദിര്ഹത്തിന് മുകളില് ശമ്പളമുള്ളവര്ക്ക് മാസം 10 ദിര്ഹം എന്ന നിരക്കിലും പ്രീമിയം അടച്ച് പദ്ധതിയില് അംഗമാകാം. പദ്ധതിയില് അംഗമാകേണ്ട ഉത്തരവാദിത്തം ജീവനക്കാര്ക്കാണ്. അതേ സമയം തൊഴിലുടമക്ക് തന്റെ ജീവനക്കാരെ ഒന്നാകെ പദ്ധതിയുടെ ഭാഗമാക്കി മാറ്റാന് സാധിക്കും. ഇതിനു വേണ്ട ചെലവ് ജീവനക്കാര് തന്നെ വഹിക്കണം.
നേരത്തെ ജൂണ് 30 വരെയായിരുന്നു പദ്ധതിയില് ചേരാന് സമയം. പിന്നീട് പിഴ ഈടാക്കുന്നതിന് ഒക്ടോബര് ഒന്ന് വരെ സാവകാശം അനുവദിച്ചു.
