കണ്ണൂര്: തലശ്ശേരിയില് കാറില് ചാരി നിന്നതിന് യുവാവ് ചവിട്ടിതെറിപ്പിച്ച ആറു വയസുകാരന്റെ ഇടതു വാരിയെല്ലിന് ചതവ്. കുട്ടിയുടെ മുതുകില് നീര്ക്കെട്ടുണ്ടെന്നും ആരോഗ്യനിലയില് പുരോഗതിയുണ്ടെന്നും ഡോക്ടര്മാര് അറിയിച്ചു.
രണ്ട് ദിവസംകൂടി കുട്ടി ആശുപത്രിയില് തുടരുമെന്നാണ് വിവരം. അതേസമയം കുട്ടിയെ ആക്രമിച്ച കേസില് അറസ്റ്റിലായ മുഹമ്മദ് ഷഹ്ഷാദിനെ റിമാന്ഡ് ചെയ്തു. 14 ദിവസത്തേയ്ക്ക് തലശേരി കോടതിയാണ് മുഹമ്മദിനെ റിമാന്ഡ് ചെയ്തത്.
ഇയാള്ക്കെതിരെ വധശ്രമത്തിനാണ് കേസെടുത്തത്. തലശേരിയില് വ്യാഴാഴ്ച രാത്രിയായിരുന്നു സംഭവം.നിര്ത്തിയിട്ടിരുന്ന കാറില്ചിരിനിന്നതിന് യുവാവ് കുട്ടിയെ ചവിട്ടിതെറിപ്പിക്കുന്നതിന്റെ സിസിടിവി ദൃശ്യങ്ങള് പുറത്തുവന്നിരുന്നു.
