വിജയ് മാധവും ദേവിക നമ്പ്യാരും മക്കളും പ്രേക്ഷകര്ക്ക് പരിചിതരാണ്. യൂട്യൂബ് ചാനലും ഇന്സ്റ്റഗ്രാമിലൂടെയായി വിശേഷങ്ങളെല്ലാം പങ്കുവെക്കാറുണ്ട് ഇവര്. ആത്മജയ്ക്ക് രണ്ട് വയസ് പിന്നിടുന്നതിനിടയിലായിരുന്നു മകളുടെ വരവ്. ദൈവം തരുന്നു, ഞങ്ങള് അത് സ്വീകരിക്കുന്നു. പ്ലാന്ഡ് പ്രഗ്നന്സിയായിരുന്നില്ല ഇതെന്നായിരുന്നു രണ്ട് തവണയും ഇരുവരും പറഞ്ഞത്. ഗര്ഭകാലവും, മക്കളുടെ ജനനവും പിന്നീടുള്ള വിശേഷങ്ങളുമെല്ലാം വ്ളോഗിലൂടെ കാണിച്ചിരുന്നു ഇവര്.
രണ്ട് മക്കളെയും ഒന്നിച്ച് ഫീഡ് ചെയ്യുന്നുണ്ട് ഇപ്പോള്. ഡോക്ടറോട് ചോദിച്ചപ്പോള് അതിന് പ്രശ്നമില്ലെന്നാണ് പറഞ്ഞത് എന്ന് ദേവിക പറഞ്ഞിരുന്നു. അടുത്തിടെയായി ഇവര് പുതിയ ഫ്ളാറ്റിലേക്ക് മാറിയിരുന്നു. കുറേക്കാലമായി തീരുമാനിച്ചതായിരുന്നു ഈ മാറ്റം. ഇപ്പോളാണ് എല്ലാം ഒത്തുവന്നത്. സാധനങ്ങളൊക്കെ ഇനിയും മേടിക്കാനുണ്ട്. അവിടേക്ക് പൂര്ണമായും മാറിയിട്ടില്ലെന്നും ഇരുവരും വ്യക്തമാക്കിയിരുന്നു.
മക്കളുടെ കാര്യങ്ങളൊക്കെയായി എപ്പോഴും തിരക്കിലാണ്. ഉറങ്ങാന് പോലും സമയം കിട്ടാറില്ല. ആത്മജ ഉണര്ന്നാല് ഓം ബേബിയെ ഉണര്ത്തും. അതോടെ രണ്ടുപേരും ചേര്ന്ന് മേളം തുടങ്ങും. അതിനിടയിലാണ് ഞങ്ങളും. എങ്ങനെയൊക്കെയോ കാര്യങ്ങളൊക്കെ നടന്ന് പോവുന്നു എന്ന് ഇരുവരും പറഞ്ഞിരുന്നു. ഔട്ടിംഗിന് പോവാനും ട്രിപ്പ് പോവാനുമൊക്കെയായി സമയം കണ്ടെത്താറുണ്ട് ഇവര്. അടുത്തിടെ വാഗമണിലേക്ക് പോയിരുന്നു. ആ വിശേഷങ്ങള് വ്ളോഗിലൂടെ കാണിച്ചിരുന്നു.
ആരെ കണ്ടാലും ഹായ് കാണിക്കും ആത്മജ. പുറത്ത് പോവാനും കുട്ടികളോടൊപ്പം ഇടപടാനുമെല്ലാം ഇഷ്ടമാണ്. റൈഡുകളൊക്കെ കാണുമ്പോള് അവന് പേടിയാണ്. എവിടെയെങ്കിലും വെച്ചാല് കരയും. പുള്ളിക്ക് കുട്ടികളുടെ കാര്യങ്ങളിലൊന്നും താല്പര്യമില്ല. അല്ലു അര്ജുനെ കാണിക്കാനൊക്കെയാണ് ഇഷ്ടം. ഊഞ്ഞാലില് വെച്ചപ്പോഴും എഴുന്നേല്ക്കുകയായിരുന്നു ആത്മജ. എല്ലായിടത്തും പോണം, എന്നാല് പേടിയുമാണ്.
ആത്മജ മൂക്ക് ഇടിച്ചതിനെക്കുറിച്ചും വിജയ് പറഞ്ഞിരുന്നു. എന്നോടുള്ള സ്നേഹം മൂത്ത് എന്റെ മകന് ടിവി റിമോട്ട് വെച്ച് ഒറ്റയടി തന്നതാണ്. നല്ല വേദനയായിരുന്നു. കര്മ്മഫലത്തില് വിശ്വസിക്കുന്നവര്ക്ക് ഇത് പറഞ്ഞാല് മനസിലാവും. കര്മ ബൂമറാംഗാണ്, അത് തിരിച്ചുവരും. ചെറുപ്പത്തില് ഞാന് സ്വിച്ച് ബോര്ഡ് എടുത്ത് അമ്മയുടെ മൂക്കിനിട്ട് എറിഞ്ഞിരുന്നു. കംപ്ലീറ്റ് ചോരയായിരുന്നു. ആ വേദന ഇപ്പോഴും മാറിയില്ലെന്ന് അമ്മ പറയാറുണ്ട്. ടക് എന്നൊരു ശബ്ദവും മാഷിന്റെ ആ സൗണ്ടും കേട്ടപ്പോള് എനിക്ക് ഉറപ്പായിരുന്നു മൂക്കിനിട്ടായിരിക്കും കിട്ടിയത് എന്ന്. വന്ന് നോക്കിയപ്പോള് മാഷ് ചോരയൊലിപ്പിച്ച് നില്ക്കുന്നതാണ്. അപ്പോഴാണ് അമ്മ പറഞ്ഞ കഥ മനസിലേക്ക് വന്നത് എന്നായിരുന്നു ദേവിക പറഞ്ഞത്.
