പ്രസിഡന്റ് പദം ലഭിച്ചാലുള്ള തന്റെ സാമ്പത്തിക പദ്ധതിയെ കുറിച്ച് വ്യക്തമാക്കി മുൻ പ്രസിഡൻ്റ് ഡൊണാൾഡ് ട്രംപ്. വൈറ്റ് ഹൗസിലേക്കുള്ള മത്സരങ്ങൾക്കിടയിൽ തൻ്റെ സംസ്ഥാന റാലിയിൽ ആണ് അദ്ദേഹം ഇക്കാര്യം വ്യക്തമാക്കിയത്.
നോർത്ത് കരോലിനയിലെ ആഷെവില്ലെയിൽ 90 മിനിറ്റ് നീണ്ട പ്രസംഗത്തിൽ, സ്ഥിരമായ നികുതി വെട്ടിക്കുറയ്ക്കൽ, ഊർജ നയ പരിഷ്കരണങ്ങൾ, പരിസ്ഥിതി സംരക്ഷണം എന്നിവയിലൂടെ ഉപഭോക്തൃ വില കുറയ്ക്കുമെന്നും വേതനം വർദ്ധിപ്പിക്കുമെന്നും ട്രംപ് പ്രതിജ്ഞയെടുത്തു.
അതേസമയം കഴിഞ്ഞ രണ്ടാഴ്ചയ്ക്കിടെ ട്രംപിൻ്റെ രണ്ടാമത്തെ റാലിയായിരുന്നു ബുധനാഴ്ച നടന്നത്. ഇപ്പോൾ മുൻ പ്രസിഡൻ്റിൻ്റെ പ്രചാരണം മന്ദഗതിയിലാണ് എന്നാണ് പുറത്തു വരുന്ന റിപ്പോർട്ടുകൾ വ്യക്തമാക്കുന്നത്.
അടുത്തയാഴ്ച നടക്കാനിരിക്കുന്ന ഡെമോക്രാറ്റിക് നാഷണൽ കൺവെൻഷനു മുന്നോടിയായി വൈസ് പ്രസിഡൻ്റ് കമലാ ഹാരിസിനോട് പോരാടാനുള്ള സാഛ്ക്തി വർധിപ്പിക്കുമ്പോൾ ഇതുവരെ ഉണ്ടായ നഷ്ടം നികത്താൻ അദ്ദേഹത്തിൻ്റെ പ്രചാരണം ശ്രമിക്കുന്നതിനിടെയാണ് ഇത് എന്നതാണ് ശ്രദ്ധേയം.
അതേസമയം ട്രംപിൻ്റെ പ്രസംഗം പുതിയ നിർദേശങ്ങളൊന്നും വെളിപ്പെടുത്തിയില്ല. തൻ്റെ രണ്ടാം ടേമിൽ “വില വർധനയുടെ വേഗത കുറയ്ക്കാനും അമേരിക്കയിലെ സാമ്പത്തികസ്ഥിതി താങ്ങാനാവുന്നതാക്കാനും” അദ്ദേഹം പ്രതിജ്ഞയെടുത്തു. ബൈഡൻ-ഹാരിസ് ഭരണകൂടം അമേരിക്കൻ സമ്പദ്വ്യവസ്ഥയെ “തകർത്തു” എന്നും അദ്ദേഹം വാദിച്ചു.
“കമലാ ഹാരിസിൻ്റെയും ജോയുടെയും കീഴിൽ ഇവിടെ ആർക്കെങ്കിലും കൂടുതൽ സമ്പന്നത തോന്നുന്നുണ്ടോ? കമലാ ഹാരിസിൻ്റെയും ജോയുടെയും കീഴിൽ എന്തെങ്കിലും കാര്യത്തിന് ചെലവ് കുറവാണോ?” എന്നും അദ്ദേഹം റാലിയിൽ ജനങ്ങളോട് ചോദ്യം ഉന്നയിച്ചു.
അതേസമയം യുഎസിലെ പണപ്പെരുപ്പം കഴിഞ്ഞ മാസം മൂന്ന് വർഷത്തിനിടയിലെ ഏറ്റവും മന്ദഗതിയിൽ ആണ് ഉയർന്നത്, ഇത് ഉപഭോക്താക്കൾക്ക് ആശ്വാസമായിട്ടുണ്ട്. അതുകൊണ്ട് തന്നെ കമല ഹാരിസ് പ്രചാരണത്തിന് ഇത് അനുഗ്രഹവവുമായി.
ഡ്രില്ലിംഗിനായി കൂടുതൽ ഭൂമി തുറന്നുകൊടുക്കുന്നതിലൂടെ ഊർജ്ജ ചെലവ് കുറയ്ക്കുമെന്ന് ട്രംപ് വാഗ്ദാനം ചെയ്തു. കൂടാതെ പ്രസിഡൻ്റ് ജോ ബൈഡൻ അംഗീകരിച്ച പുനരുപയോഗ ഊർജ, അടിസ്ഥാന സൗകര്യ പദ്ധതികൾ തിരിച്ചെടുക്കുമെന്ന് പ്രതിജ്ഞയെടുത്തു.
ഒബാമകെയർ എന്നറിയപ്പെടുന്ന അഫോർഡബിൾ കെയർ ആക്ട് നിലവിൽ വരുമെന്ന് തൻ്റെ പരാമർശങ്ങളുടെ അവസാനം അദ്ദേഹം പറഞ്ഞു. എന്നാൽ ഈ പരാമർശം ശ്രദ്ധേയമായിരുന്നു, കാരണം അദ്ദേഹം അധികാരത്തിലിരിക്കുമ്പോൾ മുമ്പ് ഇത് ഇല്ലാതാക്കാൻ ശ്രമിച്ചിരുന്നു.
