തമിഴ്നാട്ടിലെ ദിണ്ടിഗൽ ജില്ലയിലെ സ്വകാര്യ ആശുപത്രിയിലുണ്ടായ(Dindigul private hospital) വൻ തീപിടിത്തത്തിൽ ആറ് പേർ മരിച്ചു. കുറഞ്ഞത് 29 രോഗികളെയെങ്കിലും സ്വകാര്യ ആശുപത്രിയിൽ നിന്ന് ദിണ്ടിഗൽ സർക്കാർ ആശുപത്രിയിലേക്ക് മാറ്റി.
രക്ഷാപ്രവർത്തനങ്ങൾ രാത്രി വൈകിയും തുടർന്നു. രക്ഷാപ്രവർത്തനങ്ങൾക്ക് മേൽനോട്ടം വഹിക്കാൻ ജില്ലാ കളക്ടറും മറ്റ് മുതിർന്ന ഉദ്യോഗസ്ഥരും സ്ഥലം സന്ദർശിച്ചു.
“രണ്ട് മണിക്കൂർ മുമ്പ് സ്വകാര്യ ആശുപത്രിയിൽ തീപിടിത്തമുണ്ടായി. ഇവിടെയുള്ള രോഗികളെ രക്ഷപ്പെടുത്തി അടുത്തുള്ള സർക്കാർ, സ്വകാര്യ ആശുപത്രികളിൽ പ്രവേശിപ്പിച്ചു. മരണങ്ങൾ ഉണ്ടാകാം, പക്ഷേ ഡോക്ടർമാരുടെ സ്ഥിരീകരണത്തിന് ശേഷമേ മരണസംഖ്യ സ്ഥിരീകരിക്കൂ.” വാർത്താ ഏജൻസിയായ എഎൻഐയെ ഉദ്ധരിച്ച് ദിണ്ടിഗൽ ജില്ലാ കളക്ടർ എംഎൻ പൂങ്കൊടി പറഞ്ഞു.
