ടാക്സി ഡ്രൈവർമാരെ കൊലപ്പെടുത്തി കാറുകൾ മോഷ്ടിച്ചിരുന്ന അജയ് ലാമ്പയാണ് ഡൽഹി പോലീസിന്റെ പിടിയിലായത്. അജയുടെ രണ്ടു കൂട്ടാളികളെ പോലീസ് നേരത്തെ പിടികൂടിയിരുന്നു. രണ്ടു പതിറ്റാണ്ടിലേറെയായുള്ള ഒളിവ് ജീവിതം. ഈ കാലയളവിൽ രാജ്യത്തിന് പുറത്തും അകത്തുമായി പലയിടങ്ങളിൽ താമസം. ഒടുവിൽ പോലീസിൻ്റെ വലയിലായി. 24 വർഷങ്ങൾ അജയ് ലാമ്പ എന്ന 48 കാരൻ പോലീസിന്റെ പിടിയിൽ നിന്നും മുങ്ങി നടന്നത് അതിവിദഗ്‌ധമായാണ്.
1999 നും 2001 നും ഇടയിൽ നടന്ന നിരവധി ക്രൂരമായ കുറ്റകൃത്യങ്ങളുടെ മുഖ്യസൂത്രധാരൻ ലാംബയാണെന്ന് പോലീസ് പറഞ്ഞു. ടാക്സി ഡ്രൈവർമാരെ ലക്ഷ്യം വയ്ക്കുകയും അവരെ കൊലപ്പെടുത്തുകയും അവരുടെ വാഹനങ്ങൾ കൊള്ളയടിക്കുകയും മൃതദേഹങ്ങൾ ഉത്തരാഖണ്ഡിലെ വിദൂര വനപ്രദേശങ്ങളിൽ ഉപേക്ഷിക്കുകയും ചെയ്തു. “1976 ൽ ജനിച്ച അജയ്, ഡൽഹിയിലെ കൃഷ്ണ നഗറിൽ താമസിക്കുന്നയാളാണ്, ആറാം ക്ലാസിനുശേഷം സ്കൂൾ പഠനം ഉപേക്ഷിച്ച് ചെറുപ്രായത്തിൽ തന്നെ കുറ്റകൃത്യങ്ങളിൽ ഏർപ്പെട്ടു. വികാസ് പുരി പോലീസ് ‘ബൻഷി’ എന്ന അപരനാമത്തിൽ അദ്ദേഹത്തെ മുമ്പ് ‘പിടികിട്ടാപ്പുള്ളി’ ആയി പ്രഖ്യാപിച്ചിരുന്നു. 1996 ൽ, തന്റെ പേര് അജയ് ലാംബ എന്ന് മാറ്റി ഉത്തർപ്രദേശിലെ ബറേലിയിലേക്ക് താമസം മാറി, അവിടെ അദ്ദേഹം കൂട്ടാളികളായ ധീരേന്ദ്ര, ദിലീപ് നേഗി എന്നിവരുമായി ചേർന്നു.” ഡെപ്യൂട്ടി പോലീസ് കമ്മീഷണർ (ക്രൈം) ആദിത്യ ഗൗതം പറഞ്ഞു.
ടാക്സികൾ വാടകയ്‌ക്കെടുത്ത ശേഷം ഡ്രൈവർമാരെ കൊലപ്പെടുതുന്നത് ആരുന്നു രീതി. പിന്നീട് കൊള്ളയടിച്ച വാഹനങ്ങൾ നേപ്പാൾ അതിർത്തിയിൽ വീണ്ടും വിറ്റുവെന്നും അദ്ദേഹം കൂട്ടിച്ചേർത്തു. ഡൽഹിയിൽ നിന്നാണ് ലാംബയെ അറസ്റ്റ് ചെയ്തതെന്ന് പോലീസ് പറഞ്ഞു. 1990 കളിൽ മോഷണം, ആയുധങ്ങൾ കൈവശം വയ്ക്കൽ തുടങ്ങിയ കുറ്റങ്ങളും അദ്ദേഹം നേരിട്ടിരുന്നു. 2008 മുതൽ 2018 വരെ അദ്ദേഹം കുടുംബത്തോടൊപ്പം നേപ്പാളിൽ താമസിച്ചിരുന്നതായും പിന്നീട് ഡെറാഡൂണിലേക്ക് താമസം മാറിയതായും ഡിസിപി പറഞ്ഞു.
2020-ൽ, ഒഡീഷയിൽ നിന്ന് ഡൽഹിയിലേക്കും ഇന്ത്യയുടെ മറ്റ് ഭാഗങ്ങളിലേക്കും കഞ്ചാവ് വിതരണ ശൃംഖലയിൽ പ്രവർത്തിച്ചതായി ആരോപിക്കപ്പെടുന്ന മയക്കുമരുന്ന് കള്ളക്കടത്തിൽ പങ്കാളിയായി. 2021-ൽ സാഗർപൂർ പോലീസ് നാർക്കോട്ടിക് ഡ്രഗ്സ് ആൻഡ് സൈക്കോട്രോപിക് സബ്സ്റ്റൻസസ് (എൻഡിപിഎസ്) ആക്ട് പ്രകാരം ഒരു കേസിലും, 2024-ൽ ഒഡീഷയിലെ ബെർഹാംപൂരിലെ ഒരു ജ്വല്ലറി ഷോപ്പ് കൊള്ളയുമായി ബന്ധപ്പെട്ട് വീണ്ടും ഒരു കേസിലും അദ്ദേഹത്തെ അറസ്റ്റ് ചെയ്തു. എന്നാൽ, രണ്ട് കേസുകളിലും ജാമ്യത്തിൽ പുറത്തിറങ്ങിയ അദ്ദേഹം ആരോടും തന്റെ യഥാർത്ഥ പേര് വെളിപ്പെടുത്തിയില്ല.
