ഫ്രാൻസിസ് പാപ്പയ്ക്ക് ‘പ്രസിഡൻഷ്യൽ മെഡൽ ഓഫ് ഫ്രീഡം’ ബഹുമതി നൽകി ആദരിച്ച് യുഎസ് പ്രസിഡന്റ് ജോ ബൈഡൻ. ജനുവരി 11 ന് പ്രസിഡന്റ് ബൈഡൻ ഫ്രാൻസിസ് മാർപാപ്പയുമായി സംസാരിച്ചുവെന്ന് വൈറ്റ് ഹൗസ് പ്രസ്താവനയിൽ പറഞ്ഞു.
“ഫ്രാൻസിസ് മാർപാപ്പ ജനങ്ങളുടെ മാർപ്പാപ്പയാണ്. ലോകമെമ്പാടും തിളങ്ങുന്ന വിശ്വാസത്തിൻ്റെയും പ്രത്യാശയുടെയും സ്നേഹത്തിൻ്റെയും വെളിച്ചം. മാർപാപ്പയെന്ന നിലയിൽ, പാവപ്പെട്ടവരെ സേവിക്കുകയെന്ന അദ്ദേഹത്തിന്റെ ദൗത്യം ഒരിക്കലും അവസാനിച്ചിട്ടില്ല. സ്നേഹവാനായ നല്ല ഇടയൻ ദൈവത്തെക്കുറിച്ചുള്ള കുട്ടികളുടെ ചോദ്യങ്ങൾക്ക് സന്തോഷത്തോടെ ഉത്തരം നൽകുന്നു. സമാധാനത്തിനായി പോരാടാനും ഭൂമിയെ സംരക്ഷിക്കാനും അദ്ദേഹം നമ്മോട് ആഹ്വാനം ചെയ്യുന്നു.” പ്രസിഡന്റ് ബൈഡൻ വെളിപ്പെടുത്തി.
രാജ്യത്തിൻ്റെ പരമോന്നത ബഹുമതി എന്ന നിലയിൽ ഈ ബഹുമതി അമേരിക്കയുടെ അഭിവൃദ്ധി, മൂല്യങ്ങൾ, സുരക്ഷ, ലോക സമാധാനം, മറ്റ് പ്രധാനപ്പെട്ട സാമൂഹിക, പൊതു, സ്വകാര്യ ശ്രമങ്ങൾ എന്നിവയിൽ മാതൃകാപരമായ സംഭാവനകൾ നൽകിയ വ്യക്തികൾക്കായി സമർപ്പിക്കുന്നുതാണ്.
