കൊല്ലം: കൊല്ലം ചെമ്മാമുക്കില് ഭര്ത്താവ് ഭാര്യയെ തീകൊളുത്തി കൊന്നു. കാറിലെത്തിയ യുവതിയെ മറ്റൊരു കാറില് പിന്തുടരുകയും വണ്ടി നിര്ത്തിച്ച് നടുറോഡില് തീകൊളുത്തി കൊല്ലുകയുമായിരുന്നു. ചെമ്മാമുക്കിലാണ് സംഭവം.
കൊട്ടിയം തഴുത്തല സ്വദേശിനി അനിലയാണ് മരിച്ചത്. ഭര്ത്താവ് പത്മകുമാര് പൊലീസ് കസ്റ്റഡിയിലാണ്. യുവതിക്കൊപ്പമുണ്ടായിരുന്ന യുവാവിനെയും പെട്രോള് ഒഴിച്ച് തീവെച്ചു. സോണിയെന്നയാളാണ് അനിലയ്ക്കൊപ്പം കാറിലുണ്ടായിരുന്നത്.
രാത്രി 9 മണിയോടെയാണ് സംഭവം നടന്നതെന്ന് ദൃക്സാക്ഷികള് പറയുന്നു. ബേക്കറി നടത്തിവരികയാണ് അനില. അതേ ബേക്കറിയിലെ ജീവനക്കാരനാണ് സോണി.
