സംസ്ഥാനത്ത് സ്വർണവില (gold rate) കുറഞ്ഞു. ഇന്ന് ഗ്രാമിന് 25 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണത്തിന് ഇന്ന് 7115 രൂപയാണ് നൽകേണ്ടത്. പവന് 200 രൂപ കുറഞ്ഞ് 56,920 രൂപയിലാണ് വ്യാപാരം നടക്കുന്നത്.
നേരത്തെ രണ്ട് ദിവസം ഒരേ വിലയിൽ തുടർന്ന ശേഷം സ്വർണവില 80 രൂപ കൂടിയിരുന്നു. ഇതോടെ പവന് 57,120 രൂപയിലാണ് സംസ്ഥാനത്ത് സ്വർണ വ്യാപാരം നടന്നിരുന്നത്. ഒരു ഗ്രാം സ്വർണത്തിന് 7140 രൂപയായിരുന്നു നൽകേണ്ടത്. എന്നാൽ വില കുറഞ്ഞിട്ടും 7000ന് മുകളിൽ നിൽക്കുന്നത് ആശ്വസിക്കാൻ വക നൽകുന്നില്ല.
അതേസമയം സംസ്ഥാനത്തെ വെള്ളി വില ഇന്ന് ഗ്രാമിന് 101.10 രൂപയും കിലോഗ്രാമിന് 1,01,100 രൂപയുമാണ്.
