നിയുക്ത പ്രസിഡന്റ് ഡൊണാള്ഡ് ട്രംപിന്റെ പുതിയ സാമ്പത്തിക ശാസ്ത്രത്തെ സംശയത്തോടെ വീക്ഷിച്ച് ജിമ്മി കിമ്മല്. കൂടാതെ ട്രംപിന്റെ തീരുമാനങ്ങളെ രൂക്ഷമായി വിമര്ശിക്കുകയും ചെയ്തു. തന്റെ രാത്രിയിലെ ടിവി ഷോയിലാണ് അദ്ദേഹം ഇത്തരത്തിലൊരു പ്രതികരണം നടത്തിയത്.
ആറു തവണ പാപ്പരത്തം പ്രഖ്യാപിച്ച മെയില്-ഓര്ഡര് സ്റ്റീക്ക് സെയില്സ്മാന് പണത്തിന്റെ കാര്യത്തില് വളരെ മോശമായിരിക്കുമെന്ന് ആരെങ്കിലും ഊഹിച്ചിട്ടുണ്ടാകുമോ എന്ന് ചോദിച്ചുകൊണ്ട് ട്രംപിന്റെ സാമ്പത്തിക കെടുകാര്യസ്ഥതയെ അദ്ദേഹം രൂക്ഷമായി വിമര്ശിച്ചു. ഡോണ് ജൂനിയറിന് ശേഷം കൊണ്ടുവന്ന ഏറ്റവും വലിയ മണ്ടത്തരമാണിതെന്ന് ചിലര് പറയുന്നുവെന്ന് കാനഡയില് നിന്നും മെക്സിക്കോയില് നിന്നുമുള്ള ഇറക്കുമതിക്ക് 25% തീരുവ ചുമത്താനുള്ള ട്രംപിന്റെ തീരുമാനത്തെ പരാമര്ശിച്ച് കിമ്മല് വ്യക്തമാക്കി.
ജനുവരി 20 ന്, എന്റെ ആദ്യത്തെ എക്സിക്യൂട്ടീവ് ഓര്ഡറുകളില് ഒന്നായി, മെക്സിക്കോയ്ക്കും കാനഡയ്ക്കും അമേരിക്കയിലേക്ക് വരുന്ന എല്ലാ ഉല്പ്പന്നങ്ങള്ക്കും തുറന്ന അതിര്ത്തികള്ക്കും 25% താരിഫ് ഈടാക്കുന്നതിന് ആവശ്യമായ എല്ലാ രേഖകളിലും ഞാന് ഒപ്പിടുമെന്ന് ട്രംപ് വ്യക്തമാക്കിയിരുന്നു. മാത്രമല്ല പണപ്പെരുപ്പം തങ്ങളുടെ മേല്ക്കൂരയിലൂടെ കടന്നുപോകുമെന്ന് പറഞ്ഞുകൊണ്ട് അദ്ദേഹം ട്രംപിന്റെ താരിഫ് പദ്ധതികളെ കൂടുതല് വിമര്ശിച്ചു.
ട്രംപിന്റെ ചില ചരക്കുകള് ചൈനയില് ഉല്പ്പാദിപ്പിക്കുന്നതിന്റെ വിരോധാഭാസവും അദ്ദേഹം ചൂണ്ടിക്കാട്ടി. അതിനാല് ഇപ്പോള് നിങ്ങള്ക്ക് ഡൊണാള്ഡ് ജെ. ട്രംപ് ശേഖരത്തില് നിന്ന് ഒരു ടൈ വാങ്ങണമെങ്കില്, അത് ഉടനടി വാങ്ങുന്നതാണ് നല്ലത്. അല്ലെങ്കില് ഇതിന് 10% അധിക ചിലവ് വരുമെന്ന് കിമ്മല് പരിഹസിച്ചു.
ട്രംപിന്റെ ‘God Bless the USA’ ബൈബിളുകള് ചൈനയില് 3 ഡോളറിന് മാത്രം പ്രിന്റ് ചെയ്ത് 59.99 ഡോളറിന് വിറ്റുവെന്നും മുന് പ്രസിഡന്റ് ഒപ്പിട്ടാല് അത് 1000-ന് വില്ക്കുമെന്നും അടുത്തിടെ നടത്തിയ അന്വേഷണത്തില് കണ്ടെത്തിയെന്നും കിമ്മല് പറഞ്ഞു. ഓരോ വില്പനയിലും താന് എത്ര രൂപ നേടുന്നുവെന്ന് വെളിപ്പെടുത്താന് അദ്ദേഹം ഒരിക്കലും തയ്യാറായിട്ടില്ല. ‘മേക്ക് അമേരിക്ക ഗ്രേറ്റ് എഗെയ്ന്’ എന്നത് ‘മേഡ് ഇന് അമേരിക്ക’ എന്ന് ലേബല് ചെയ്തിട്ടുണ്ടെങ്കിലും, മറ്റ് ഉല്പ്പന്നങ്ങളുടെ ഉത്ഭവം ഇപ്പോഴും അവ്യക്തമാണെന്നും അദ്ദേഹം കൂട്ടിച്ചേര്ത്തു.
