കാസര്ഗോഡ്: ട്രെയിന് കടന്നുപോകുന്നതിനിടെ കാറ്റടിച്ചുവീണു പരിക്കേറ്റ ബാലിക മരിച്ചു. ചെങ്കള നാലാംമൈല് തൈവളപ്പിലെ താഹിര് നജാത്ത്-ആസിയ ദമ്പതികളുടെ മകള് മറിയം നവാല് (അഞ്ച്) ആണ് മരിച്ചത്. ഇന്നലെ ഉച്ചയോടെ കാസര്ഗോട്ടെ സ്വകാര്യ ആശുപത്രിയിലായിരുന്നു മരണം.
ഏപ്രില് 18നു വൈകുന്നേരം ആറോടെ മൊഗ്രാല് നാങ്കിയിലായിരുന്നു അപകടം. വല്ല്യമ്മ കാസര്ഗോഡ് അടുക്കത്ത്ബയല് സ്വദേശി നഫീസയ്ക്കൊപ്പം ഒരു മരണവീട്ടില് പോയി റെയില്വേ ട്രാക്കിനു സമീപത്തുകൂടി മടങ്ങിവരുമ്പോഴാണ് അപകടമുണ്ടായത്. നഫീസ ഐസിയുവില് ചികിത്സയിലാണ്. ഇരുവരുടെയും തലയ്ക്കാണ് പരിക്കേറ്റത്.
