കൊച്ചി: അഞ്ചു വയസുകാരന്റെ മരണത്തിനിടയാക്കിയ ലയണ്സ് ജംഗിള് പാര്ക്കിനെതിരെ പ്രതിഷേധം മുറുകുന്ന സാഹചര്യത്തില് പരസ്പരം പഴിചാരി കിഴക്കമ്പലം പഞ്ചായത്ത് സെക്രട്ടറിയും പ്രസിഡന്റും. ലൈസന്സ് ഇല്ലാതെയാണ് പാര്ക്ക് പ്രവര്ത്തിച്ചിരുന്നത്.
പ്രീ സ്കൂള് വിദ്യാര്ഥി മുഹമ്മദ് ആദം മരിച്ച സംഭവത്തില് പഴങ്ങനാട് പ്രവര്ത്തിക്കുന്ന പാര്ക്കിന് പഞ്ചായത്ത് സെക്രട്ടറി സ്റ്റോപ്പ് മെമോ നല്കിയിരുന്നു. പാര്ക്ക് ഉടമകള് ലൈസന്സിന് അപേക്ഷിച്ചിരുന്നെങ്കിലും ലൈസന്സ് വേണ്ടെന്ന് പഞ്ചായത്ത് സെക്രട്ടറി ടി. അജി പറഞ്ഞെന്നും ഉദ്യോഗസ്ഥര്ക്ക് വീഴ്ചയുണ്ടായെന്നുമാണ് പ്രസിഡന്റ് ജിന്സി അജിയുടെ ആരോപണം.
എന്നാല് പാര്ക്ക് ഉടമകള് സമീപിച്ചത് ഓപ്പണ് ജിം ആരംഭിക്കാനായാണ് ഇതിന് ലൈസന്സ് വേണ്ടെന്നുമാണ് സെക്രട്ടറിയുടെ വിശദീകരണം. ചൊവ്വാഴ്ചയാണ് പാലാരിവട്ടം ബിയോണ്ട് ബോണ് പ്രീ സ്കൂള് വിദ്യാര്ഥിയായ മുഹമ്മദ് ആദം പാര്ക്കിന് പിന്നിലെ ചതുപ്പില് വീണു മരിച്ചത്.
പാര്ക്കിലേക്ക് ബുധനാഴ്ച ഡിവൈഎഫ്ഐ പ്രതിഷേധ മാര്ച്ച് നടത്തിയിരുന്നു. ലയണ്സ് ക്ലബ് അല്ല ട്വന്റി 20 പാര്ട്ടി നേതാക്കളുമായുള്ള അടുത്ത ബന്ധമുള്ള ആളുകള് നടത്തുന്നതിനാലാണ് പാര്ക്കിനെതിരെ നടപടി സ്വീകരിക്കാതിരിക്കാത്തത് എന്ന ആരോപണവും ഡിവൈഎഫ്ഐ ഉയര്ത്തിയിരുന്നു.
