Author: George Kakkanatt

ഇറാൻ തലസ്ഥാനമായ തെഹ്‌റാനിലെ പ്രശസ്തമായ ഷരീഫ് യൂണിവേഴ്‌സിറ്റി ഓഫ് ടെക്‌നോളജിക്ക് നേരെ അതിശക്തമായ വ്യോമാക്രമണം നടന്നു. ആക്രമണത്തെത്തുടർന്ന് നഗരത്തിന്റെ വിവിധ ഭാഗങ്ങളിൽ പുകപടലങ്ങൾ ഉയരുന്ന ദൃശ്യങ്ങൾ പുറത്തുവന്നിട്ടുണ്ട്. സർവ്വകലാശാലയിലെ ടെക്‌നോളജി സെന്റർ കെട്ടിടത്തിനും ക്യാമ്പസിലെ പള്ളിക്കും ആക്രമണത്തിൽ കാര്യമായ നാശനഷ്ടങ്ങൾ സംഭവിച്ചതായി അന്താരാഷ്ട്രമാധ്യമങ്ങൾ റിപ്പോർട്ട് ചെയ്തു. സുരക്ഷാ കാരണങ്ങളാലും അറ്റകുറ്റപ്പണികൾക്കുമായി സർവ്വകലാശാല സ്ഥിതി ചെയ്യുന്ന ഡിസ്ട്രിക്റ്റിലെ ഗ്യാസ് വിതരണം താൽക്കാലികമായി നിർത്തിവെച്ചതായി നഗരസഭാ മേധാവി അറിയിച്ചു. ഇതിനകം തന്നെ തെഹ്‌റാൻ യൂണിവേഴ്‌സിറ്റി ഓഫ് സയൻസ് ആൻഡ് ടെക്‌നോളജി, ഷാഹിദ് ബെഹെഷ്തി യൂണിവേഴ്‌സിറ്റി എന്നിവയ്ക്ക് നേരെയും ആക്രമണങ്ങളുണ്ടായിരുന്നു. തലസ്ഥാന നഗരത്തിലെ ജനവാസ മേഖലയിലുണ്ടായ മറ്റൊരു വ്യോമാക്രമണത്തിൽ 13 പേർ കൊല്ലപ്പെട്ടതായാണ് പ്രാഥമിക വിവരം. തെഹ്‌റാനിൽ നിന്ന് 140 കിലോമീറ്റർ തെക്കുള്ള വിശുദ്ധ നഗരമായ ഖോമിലും ജനവാസ കേന്ദ്രത്തിന് നേരെ അമേരിക്കൻ-ഇസ്റാഈൽ സംയുക്ത ആക്രമണമുണ്ടായി. ഇവിടെ ഒരു കെട്ടിടം തകരുകയും അഞ്ച് പേർ കൊല്ലപ്പെടുകയും ചെയ്തു. തകർന്ന അവശിഷ്ടങ്ങൾക്കിടയിൽ നിരവധി പേർ കുടുങ്ങിക്കിടക്കുന്നതായാണ് റിപ്പോർട്ടുകൾ സൂചിപ്പിക്കുന്നത്. സിവിലിയൻ കേന്ദ്രങ്ങളെ ലക്ഷ്യം വെക്കുന്നത് ആവർത്തിച്ചാൽ ഇറാന്റെ തിരിച്ചടി അതിരൂക്ഷവും വ്യാപകവുമായിരിക്കുമെന്ന് ഇറാന്റെ സൈനിക കമാൻഡ് വിഭാഗമായ ഖാത്തം അൽ-അൻബിയ സെൻട്രൽ ഹെഡ്ക്വാർട്ടേഴ്സ് വക്താവ് മുന്നറിയിപ്പ്...

ലെബനനിൽ ഇസ്രായേൽ നടത്തുന്ന വ്യോമാക്രമണങ്ങളിൽ 14 പേർ കൂടി കൊല്ലപ്പെട്ടു. ബെയ്റൂട്ടിലെ ഏറ്റവും വലിയ ആരോഗ്യ കേന്ദ്രമായ റഫീഖ് ഹരീരി ആശുപത്രിക്ക് തൊട്ടടുത്തുള്ള ജ്നാ  മേഖലയിൽ ഞായറാഴ്ച ഉച്ചയ്ക്ക് നടന്ന ബോംബാക്രമണത്തിൽ സ്ത്രീകളടക്കം നാല് പേർ കൊല്ലപ്പെടുകയും 49 പേർക്ക് പരിക്കേൽക്കുകയും ചെയ്തു. ആശുപത്രിക്ക് ഏതാനും മീറ്ററുകൾ മാത്രം അകലെ നടന്ന ഈ ആക്രമണത്തെ ‘ഡോക്ടേഴ്സ് വിത്തൗട്ട് ബോർഡേഴ്സ്’ (MSF) ശക്തമായി അപലപിച്ചു. അവശിഷ്ടങ്ങൾക്കിടയിൽ ഇനിയും ആളുകൾ കുടുങ്ങിക്കിടക്കുന്നതിനാൽ മരണസംഖ്യ ഉയരാൻ സാധ്യതയുണ്ട്. തെക്കൻ ലെബനനിലെ വിവിധ ഇടങ്ങളിലും ഇസ്രായേൽ ആക്രമണം തുടർന്നു. കെഫാറിൽ കാറിന് നേരെ നടന്ന ബോംബാക്രമണത്തിൽ നാല് പേരും, കെഫാർ ഹത്തയിൽ ഒരു വീട് ലക്ഷ്യമാക്കി നടന്ന ആക്രമണത്തിൽ ഒരേ കുടുംബത്തിലെ അഞ്ച് അംഗങ്ങളും കൊല്ലപ്പെട്ടു. ലെബനൻ ആരോഗ്യ മന്ത്രാലയത്തിന്റെ കണക്കുകൾ പ്രകാരം ഇതുവരെ 1,465 പേർ കൊല്ലപ്പെടുകയും 4,400-ലധികം പേർക്ക് പരിക്കേൽക്കുകയും ചെയ്തിട്ടുണ്ട്. കഴിഞ്ഞ നാല് ദിവസത്തിനുള്ളിൽ മാത്രം നൂറിലധികം സിവിലിയന്മാരാണ് കൊല്ലപ്പെട്ടത്. വ്യോമാക്രമണ ഭീഷണിയെത്തുടർന്ന് ലെബനൻ-സിറിയ അതിർത്തിയിലെ മസ്ന ക്രോസിംഗ് അടച്ചുപൂട്ടി. യുദ്ധം രൂക്ഷമായതോടെ ആയിരക്കണക്കിന് ആളുകളാണ് വീടുകൾ ഉപേക്ഷിച്ച് പലായനം...