Author: George Kakkanatt

മുഖ്യമന്ത്രി പിണറായി വിജയൻ മത്സരിച്ച ധർമ്മടം നിയോജകമണ്ഡലത്തിൽ വ്യാപകമായി കള്ളവോട്ടും ഓപ്പൺ വോട്ടും നടന്നതായി എൻഡിഎ സ്ഥാനാർത്ഥി കെ രഞ്ചിത്ത് ആരോപിച്ചു. മണ്ഡലത്തിൽ സിപിഎം തിരഞ്ഞെടുപ്പ് അട്ടിമറിക്കാൻ ശ്രമിച്ചുവെന്നും ബിജെപി ശക്തമായ നിലപാട് എടുത്തതുകൊണ്ടാണ് കൂടുതൽ ക്രമക്കേടുകൾ തടയാനായതെന്നും അദ്ദേഹം പറഞ്ഞു. വെള്ളിയാഴ്ച കണ്ണൂർ മാരാർജി ഭവനിൽ വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. മണ്ഡലത്തിൽ ആകെ 11,000 ഓപ്പൺ വോട്ടുകൾ രേഖപ്പെടുത്തിയതായി റിട്ടേണിംഗ് ഓഫീസർ തന്നെ അറിയിച്ചിട്ടുണ്ടെന്ന് കെ രഞ്ചിത്ത് ചൂണ്ടിക്കാട്ടി. ചില ബൂത്തുകളിൽ 90 ശതമാനം പോളിംഗ് നടന്നു. തൊഴിലുറപ്പ് തൊഴിലാളികളെ പോലും നിർബന്ധിച്ച് ഓപ്പൺ വോട്ട് ചെയ്യിക്കാൻ ശ്രമമുണ്ടായി. മുഖ്യമന്ത്രി വോട്ട് ചെയ്ത ആർ സി അമല ബേസിക് സ്കൂളിലെ ബൂത്തിൽ വരെ കള്ളവോട്ട് നടന്നതായും ക്രമാതീതമായി ഓപ്പൺ വോട്ടുകൾ രേഖപ്പെടുത്തിയതായും അദ്ദേഹം ആരോപിച്ചു. നാട്ടിലില്ലാത്തവരുടെ വോട്ടുകൾ ബന്ധുക്കളെക്കൊണ്ട് ചെയ്യിക്കുന്ന രീതിയാണ് പലയിടത്തും കണ്ടതെന്നും അദ്ദേഹം കൂട്ടിച്ചേർത്തു. തിരഞ്ഞെടുപ്പിന്റെ തുടക്കം മുതൽ ധർമ്മടത്ത് കോൺഗ്രസും സിപിഎമ്മും തമ്മിൽ രഹസ്യ ധാരണയുണ്ടായിരുന്നുവെന്ന് കെ രഞ്ചിത്ത് ആരോപിച്ചു. പറവൂരിൽ പ്രതിപക്ഷ നേതാവ് വിഡി സതീശന് വോട്ട് നൽകിയാൽ ധർമ്മടത്ത് മുഖ്യമന്ത്രിക്ക് വോട്ട് മറിക്കാനാണ് ഡീൽ നടന്നത്.  തളിപ്പറമ്പിൽ മത്സരിക്കാൻ താല്പര്യപ്പെട്ട സ്ഥാനാർത്ഥിയെ ധർമ്മടത്ത് മത്സരിപ്പിച്ചത് ഇതിന്റെ ഭാഗമാണ്. മുഖ്യമന്ത്രിയുടെ നാടായ പിണറായിയിലെ ബൂത്തുകളിൽ ഇരുന്നത് തലശ്ശേരിയിൽ നിന്നുള്ള യുഡിഎഫ് പ്രവർത്തകരാണെന്നും അവർ കള്ളവോട്ടിനെ എതിർത്തില്ലെന്നും അദ്ദേഹം പറഞ്ഞു. വേങ്ങാട് നാട്ടിലില്ലാത്ത യുവാവിന്റെ വോട്ട് ചെയ്യാനെത്തിയ അനുജനെ ബിജെപി ഏജന്റുമാർ പിടികൂടിയിട്ടും പോളിംഗ് ഓഫീസർ നടപടിയെടുത്തില്ല. കള്ളവോട്ട് ചെയ്യാനെത്തുന്നവരെ ഓടി രക്ഷപ്പെടാൻ അനുവദിക്കുന്ന രീതിയാണ് ഉദ്യോഗസ്ഥർ സ്വീകരിച്ചത്. തിരഞ്ഞെടുപ്പ് ഉദ്യോഗസ്ഥരുടെ അനാസ്ഥയ്ക്കെതിരെ ബിജെപി തിരഞ്ഞെടുപ്പ് കമ്മീഷന് പരാതി നൽകും. എൻഡിഎ പ്രവർത്തകർ ആത്മസംയമനം പാലിച്ചത് കൊണ്ടാണ് മണ്ഡലത്തിൽ വലിയ സംഘർഷങ്ങൾ ഒഴിവായതെന്നും രഞ്ചിത്ത് വ്യക്തമാക്കി. മണ്ഡലത്തിൽ മുഖ്യമന്ത്രി പിണറായി വിജയനെതിരെ ശക്തമായ ജനവികാരം നിലനിൽക്കുന്നുണ്ടെന്ന് വാർത്താ സമ്മേളനത്തിൽ പറഞ്ഞു. റോഡ്, കുടിവെള്ളം, ചികിത്സാ സഹായം തുടങ്ങിയ അടിസ്ഥാന പ്രശ്നങ്ങൾ പരിഹരിക്കാൻ എംഎൽഎ എന്ന നിലയിൽ അദ്ദേഹത്തിന് കഴിഞ്ഞില്ല. സ്വന്തം പാർട്ടിക്കാരെ പോലും സിപിഎമ്മിന് വിശ്വാസമില്ലാത്തതിനാലാണ് കമ്മ്യൂണിസ്റ്റ് പ്രവർത്തകരെപ്പോലും ഓപ്പൺ വോട്ട് ചെയ്യിച്ചതെന്നും കെ രഞ്ചിത്ത്...

വോട്ടിങ് മെഷീനുകൾ സൂക്ഷിച്ചിരിക്കുന്ന സ്ട്രോങ് റൂമുകളുടെ സുരക്ഷാ ചുമതലയിൽ രാഷ്ട്രീയ പാർട്ടികളുടെ പ്രതിനിധികൾക്കും പങ്കുചേരാമെന്ന് മുഖ്യ തെരഞ്ഞെടുപ്പ് ഓഫീസർ രത്തൻ ഖേൽക്കർ അറിയിച്ചു. സുരക്ഷാ ക്രമീകരണങ്ങൾ നേരിട്ട് നിരീക്ഷിക്കുന്നതിനായി ഓരോ സ്ഥാനാർഥിക്കും തങ്ങളുടെ പ്രതിനിധികളെ നിയോഗിക്കാവുന്നതാണ്. ഇതുസംബന്ധിച്ച ഔദ്യോഗിക നിർദ്ദേശങ്ങൾ മുഖ്യ തെരഞ്ഞെടുപ്പ് ഓഫീസർ സ്ഥാനാർഥികൾക്ക് കൈമാറി. സ്ട്രോങ് റൂമുകളുടെ ആദ്യ സുരക്ഷാ വലയത്തിന് പുറത്തായിരിക്കും സ്ഥാനാർഥികളുടെ പ്രതിനിധികൾക്ക് കാവൽ നിൽക്കാൻ അനുവാദമുണ്ടാകുക. സ്ട്രോങ് റൂമിന് അകത്തെയും പുറത്തെയും സിസിടിവി ദൃശ്യങ്ങൾ 24 മണിക്കൂറും നിരീക്ഷിക്കാനുള്ള പ്രത്യേക സൗകര്യം ഇവർക്കായി ഏർപ്പെടുത്തും. കൂടാതെ, സ്ട്രോങ് റൂമുകൾക്ക് സമീപം തന്നെ പ്രതിനിധികൾക്ക് ആവശ്യമായ താമസ സൗകര്യങ്ങൾ ഒരുക്കാനും തെരഞ്ഞെടുപ്പ് കമ്മീഷൻ തീരുമാനിച്ചിട്ടുണ്ട്. തെരഞ്ഞെടുപ്പ് പ്രക്രിയ കൂടുതൽ സുതാര്യമാക്കുന്നതിനും വോട്ടിങ് മെഷീനുകളുടെ സുരക്ഷയെക്കുറിച്ചുള്ള രാഷ്ട്രീയ പാർട്ടികളുടെ ആശങ്കകൾ പരിഹരിക്കുന്നതിനുമായാണ് ഈ പുതിയ നടപടി. സ്ട്രോങ് റൂമുകൾ തുറക്കുന്നതുവരെയുള്ള സുരക്ഷാ ക്രമീകരണങ്ങളിൽ പൂർണ്ണമായ വിശ്വാസ്യത ഉറപ്പാക്കാൻ ഈ നീക്കം സഹായിക്കുമെന്ന് കമ്മീഷൻ...

കാങ്കോലിൽ യുഡിഎഫ് സ്വതന്ത്ര സ്ഥാനാർത്ഥി വി കുഞ്ഞികൃഷ്ണന്റെ ഭാര്യയുടെ ഉടമസ്ഥതയിലുള്ള കൃഷിത്തോട്ടത്തിന് നേരെ അക്രമം. കാങ്കോൽ കരിങ്കുഴിയിലുള്ള ഗ്രീൻ ഹൗസിലെ മഴമറ അക്രമികൾ കത്തിച്ചു. കൃഷിത്തോട്ടത്തിന്റെ ചുറ്റുമതിലും തകർത്തിട്ടുണ്ട്. വെള്ളിയാഴ്ച രാത്രി 10 മണിയോടെയായിരുന്നു സംഭവം. സിപിഎം പ്രവർത്തകരാണ് ഇരുട്ടിന്റെ മറവിൽ അക്രമം അഴിച്ചുവിട്ടതെന്ന് പരാതിയിൽ പറയുന്നു. ഗ്രീൻ ഹൗസിന് തീയിട്ട വിവരം അറിഞ്ഞ് പയ്യന്നൂർ പോലീസ് സ്ഥലത്തെത്തിയാണ് തീയണച്ചത്.  തകർക്കപ്പെട്ട ചുറ്റുമതിലിൽ വി കുഞ്ഞികൃഷ്ണന്റെ തിരഞ്ഞെടുപ്പ് പ്രചരണ സാമഗ്രികൾ പതിപ്പിച്ചിരുന്നു. ഇത് ലക്ഷ്യമിട്ടാണ് ആക്രമണം നടന്നതെന്നാണ് പ്രാഥമിക നിഗമനം.  ഈ ആക്രമണത്തിന് പിന്നാലെ 2026 ഏപ്രിൽ 11 ശനിയാഴ്ച പുലർച്ചെ മാതമംഗലം പേരൂലിലും അക്രമം അരങ്ങേറി. എ കെ നാരായണന്റെ വീട്ടിൽ നിർത്തിയിട്ടിരുന്ന കാറിന് നേരെ സ്ഫോടക വസ്തു എറിഞ്ഞു. വി കുഞ്ഞികൃഷ്ണനെ അനുകൂലിച്ച് ഫേസ്ബുക്കിൽ കുറിപ്പുകൾ പ്രസിദ്ധീകരിച്ചതിലുള്ള വൈരാഗ്യമാണ് ആക്രമണത്തിന് പിന്നിലെന്ന് പറയുന്നു. ചപ്പാരപ്പടവ് ഗ്രാമപഞ്ചായത്ത് ജീവനക്കാരനായ നാരായണന്റെ കാർ കത്തിക്കാനും അക്രമികൾ ശ്രമിച്ചിരുന്നു. പയ്യന്നൂർ മേഖലയിൽ കഴിഞ്ഞ ദിവസങ്ങളിലും സമാനമായ രീതിയിൽ വി കുഞ്ഞികൃഷ്ണൻ അനുകൂലികളുടെ വീടുകൾക്കും വാഹനങ്ങൾക്കും നേരെ ആക്രമണമുണ്ടായിരുന്നു. തിരഞ്ഞെടുപ്പ് കഴിഞ്ഞിട്ടും പ്രദേശത്ത് സംഘർഷാവസ്ഥ തുടരുന്നത് വലിയ...