Author: George Kakkanatt

ഫിൻലൻഡിന്റെ തലസ്ഥാനമായ ഹെൽസിങ്കിയിൽ ഗർഭസ്ഥ ശിശുക്കളുടെ അവകാശങ്ങൾക്കായി നടന്ന വേറിട്ട പ്രതിഷേധവും പ്രാർഥനയും ലോകശ്രദ്ധ നേടുന്നു. 2024-ൽ രാജ്യത്ത് നടന്ന ഓരോ ഗർഭഛിദ്രത്തെയും പ്രതിനിധീകരിച്ച് 8,645 മെഴുകുതിരികളാണ് ഫിന്നിഷ് പാർലമെന്റ് പടികളിൽ പ്രകാശം പരത്തിയത്. ‘മുയിസ്റ്റാമെ’ (ഓർമ്മയിൽ) എന്ന് പേരിട്ടിരിക്കുന്ന ഈ പ്രോ-ലൈഫ് ജാഗരണ റാലി സംഘടിപ്പിച്ചത് ഫിന്നിഷ് പ്രോ-ലൈഫ് ഗ്രൂപ്പായ ‘ഒയ്കിയസ് എലാമൻ റൈ’ ആണ്. ഗർഭഛിദ്രം മൂലം നഷ്ടപ്പെട്ട കുഞ്ഞുങ്ങളെ അനുസ്മരിക്കാനും സമൂഹത്തിന്റെ മനസ്സാക്ഷിയെ ഉണർത്താനും ലക്ഷ്യമിട്ടായിരുന്നു ഈ പരിപാടി. തിരഞ്ഞെടുക്കപ്പെട്ട ഏകദേശം നൂറോളം വക്താക്കൾ ചേർന്നാണ് മെഴുകുതിരികൾ തെളിച്ചത്. ഗർഭഛിദ്രം വഴി കുട്ടികൾ നഷ്ടപ്പെട്ടവരായ നിരവധി പേർ ഈ ശുശ്രൂഷയിൽ പങ്കാളികളായി. മെഴുകുതിരികൾ തെളിച്ച ശേഷം, പങ്കെടുത്തവർ ഒരു മിനിറ്റ് മൗനം ആചരിക്കുകയും ആ കുഞ്ഞുങ്ങളുടെ ഓർമ്മയ്ക്കായി പ്രാർഥിക്കുകയും ചെയ്തു. ഗർഭഛിദ്രം എന്നത് വെറുമൊരു സ്ഥിതിവിവരക്കണക്കല്ലെന്നും അത് വലിയൊരു വിഭാഗം ജനങ്ങളുടെ ഹൃദയത്തെ സ്പർശിക്കുന്ന വേദനയാണെന്നും ഈ ദൃശ്യം സമൂഹത്തെ ഓർമ്മിപ്പിച്ചു. ഗർഭഛിദ്രത്തിന് ഇരയാകുന്ന സ്ത്രീകളും കുടുംബങ്ങളും അനുഭവിക്കുന്ന, ലോകം കാണാതെ പോകുന്ന ആഴത്തിലുള്ള മുറിവുകളെ അംഗീകരിക്കുക എന്നതും ഈ കൂട്ടായ്മയുടെ ലക്ഷ്യമായിരുന്നു. വിവിധ ക്രൈസ്തവ വിഭാഗങ്ങളുടെ ഐക്യദാർഢ്യം ഈ പരിപാടിക്ക് കരുത്തേകി. ലൂഥറൻ, പ്രെസ്ബിറ്റീരിയൻ, കത്തോലിക്കാ സഭകളിലെ വൈദികർ സംയുക്തമായി നടത്തിയ പ്രാർഥനായോഗം ഹെൽസിങ്കിയിലെ ലൂഥറൻ പള്ളിയിൽ വച്ചാണ് നടന്നത്. ഹെൽസിങ്കി രൂപതയുടെ വികാരി ജനറൽ ജീൻ ക്ലോഡ് കബേസ കത്തോലിക്കാ സഭയെ പ്രതിനിധീകരിച്ച് പങ്കെടുത്തു. ഗർഭഛിദ്രം കേവലം ഒരു രാഷ്ട്രീയ വിഷയമല്ലെന്നും അത് ആത്മീയവും ധാർമ്മികവുമായ ഒരു പ്രശ്നമാണെന്നും സഭാ നേതൃത്വം വ്യക്തമാക്കി. ഗർഭസ്ഥ ശിശുക്കളുടെ സംരക്ഷണത്തിനായി സഭകൾ ഒന്നിച്ചുനിൽക്കേണ്ടതിന്റെ ആവശ്യകതയും ചടങ്ങിൽ ഊന്നിപ്പറഞ്ഞു. ശക്തമായ സാമൂഹിക ക്ഷേമ സംവിധാനങ്ങളുള്ള ഫിൻലൻഡിൽ പോലും, അപ്രതീക്ഷിത ഗർഭധാരണം നേരിടുന്ന സ്ത്രീകൾ വലിയ ഒറ്റപ്പെടൽ അനുഭവിക്കുന്നുണ്ടെന്ന് സംഘാടകർ ചൂണ്ടിക്കാട്ടി. പലപ്പോഴും ആരോഗ്യസംവിധാനങ്ങൾ ഗർഭഛിദ്രത്തെ ഏക പോംവഴിയായി അവതരിപ്പിക്കുകയും സ്ത്രീകൾക്ക് ശരിയായ പിന്തുണയോ, ചിന്തിക്കാനുള്ള സമയമോ പോലും നൽകുന്നില്ലെന്നും അവർ വിമർശിച്ചു. പ്രോ-ലൈഫ് പ്രസ്ഥാനം ഫിൻലൻഡിൽ വളരുകയാണെന്നും, യുവാക്കൾക്കിടയിൽ ഇത്തരം ബോധവൽക്കരണത്തിന് വലിയ സ്വീകാര്യത ലഭിക്കുന്നുണ്ടെന്നും സംഘാടകർ...

യുദ്ധത്തിന്റെ യുക്തി ഉപേക്ഷിച്ച് സമാധാനത്തിന്റെ മേശയിലേക്ക് എത്തിച്ചേരാൻ ലോകനേതാക്കളോട് ആഹ്വാനം ചെയ്ത് ലെയോ പതിനാലാമൻ മാർപാപ്പ. ലോകസമാധാനത്തിനായി വത്തിക്കാനിൽ സംഘടിപ്പിച്ച പ്രത്യേക പ്രാർഥനാ ജാഗരണത്തിലായിരുന്നു പാപ്പ ഇപ്രകാരം പറഞ്ഞത്. ആയുധങ്ങൾക്കും മരണത്തിനും വേണ്ടിയുള്ള പദ്ധതികൾ ആസൂത്രണം ചെയ്യുന്നത് അവസാനിപ്പിച്ച്, സംഭാഷണത്തിന്റെയും മധ്യസ്ഥതയുടെയും വഴി സ്വീകരിക്കാൻ അദ്ദേഹം ആഹ്വാനം ചെയ്തു. യുദ്ധത്തിനെതിരായ സഭയുടെ നിലപാട് തെറ്റിധാരണകൾക്ക് ഇടയാക്കിയാലും, ഏതൊരു മാനുഷിക അധികാരത്തേക്കാളും ദൈവത്തോടുള്ള അനുസരണത്തിന് മുൻഗണന നൽകിക്കൊണ്ട് സമാധാനത്തിനായി നിലകൊള്ളുമെന്ന് പാപ്പ തറപ്പിച്ചു പറഞ്ഞു. യുദ്ധമേഖലകളിൽ കഴിയുന്ന കുട്ടികളിൽ നിന്ന് തനിക്ക് ലഭിക്കുന്ന കത്തുകളെക്കുറിച്ച് മാർപാപ്പ വികാരാധീനനായി സംസാരിച്ചു. “ചില മുതിർന്നവർ അഭിമാനത്തോടെ നടപ്പിലാക്കുന്ന പ്രവൃത്തികളുടെ ഭീകരത നിഷ്കളങ്കരായ ആ കുട്ടികളുടെ കണ്ണുകളിലൂടെ കാണുമ്പോൾ മാത്രമേ അതിന്റെ മനുഷ്യത്വരഹിതത നമുക്ക് മനസ്സിലാകൂ” എന്ന് പരിശുദ്ധ പിതാവ് പറഞ്ഞു. കുട്ടികളുടെ ശബ്ദത്തിന് ലോകം ചെവികൊടുക്കണമെന്നും മുതിർന്നവരുടെ അധികാരമോഹങ്ങൾക്കിടയിൽ തകർക്കപ്പെടുന്ന അവരുടെ ജീവിതങ്ങളെ ഓർക്കണമെന്നും പാപ്പ ഓർമ്മിപ്പിച്ചു. അതേസമയം, ലോകസമാധാനത്തിനായുള്ള പ്രാർഥനാ ജാഗരണത്തിൽ പങ്കുചേരാനായി സെന്റ് പീറ്റേഴ്‌സ് ബസിലിക്കയിലും പരിസരത്തുമായി പതിനായിരക്കണക്കിന് വിശ്വാസികളാണ് തടിച്ചുകൂടിയത്. സമാധാനത്തിനായുള്ള പ്രാർഥന വെറുമൊരു ചടങ്ങല്ലെന്നും അത് പർവതങ്ങളെപ്പോലും മാറ്റാൻ ശേഷിയുള്ള വിശ്വാസത്തിന്റെ പ്രകടനമാണെന്നും പാപ്പ ഓർമ്മിപ്പിച്ചു. അസീസിയിലെ വി. ഫ്രാൻസിസിന്റെ ശവകുടീരത്തിൽ നിന്ന് കൊണ്ടുവന്ന സമാധാനദീപത്തിൽ നിന്ന് മെഴുകുതിരികൾ തെളിച്ചുകൊണ്ടാണ് വിവിധ ഭൂഖണ്ഡങ്ങളിൽ നിന്നുള്ള വിശ്വാസികൾ പ്രാർഥനയിൽ പങ്കുചേർന്നത്. “പ്രാർഥന എന്നത് ഉത്തരവാദിത്തങ്ങളിൽ നിന്ന് ഒളിച്ചോടാനുള്ള ഇടമോ, അനീതികൾ കണ്ടില്ലെന്ന് നടിക്കാനുള്ള വേദനസംഹാരിയോ അല്ല. മറിച്ച്, മരണത്തിന്റെ സംസ്കാരത്തോടുള്ള ഏറ്റവും നിസ്വാർഥമായ പ്രതികരണമാണത്” – പാപ്പ ഊന്നിപ്പറഞ്ഞു. ജപമാല സമർപ്പണത്തോടൊപ്പം സഭാപിതാക്കന്മാരുടെ ധ്യാനചിന്തകളും പങ്കുവച്ചുകൊണ്ടാണ് പ്രാർഥനാ ജാഗരണം...