Author: George Kakkanatt

കാമറൂണിലെ യൗണ്ടെയിലെ പ്രസിഡൻഷ്യൽ കൊട്ടാരത്തിൽ നടന്ന ചടങ്ങിൽ സമാധാനത്തിനും നീതിക്കും വേണ്ടി സംസാരിച്ച് ലെയോ പതിനാലാമൻ മാർപാപ്പ. സിവിൽ സമൂഹ പ്രതിനിധികളെയും നയതന്ത്രജ്ഞരെയും അഭിസംബോധന ചെയ്ത പാപ്പ, സമാധാനം എന്നത് വെറുമൊരു വാക്കിലോ, മുദ്രാവാക്യത്തിലോ ഒതുങ്ങേണ്ടതല്ലെന്നും അത് ദൈനംദിന ജീവിതത്തിലും ഭരണസംവിധാനങ്ങളിലും പ്രതിഫലിക്കേണ്ട ഒന്നാണെന്നും ഓർമ്മിപ്പിച്ചു. കാമറൂണിലെ സാംസ്കാരികവും പ്രകൃതിദത്തവുമായ വൈവിധ്യത്തെ ‘ചെറിയ ആഫ്രിക്ക’ എന്ന് വിശേഷിപ്പിച്ച പാപ്പ, ഈ വൈവിധ്യം രാജ്യത്തിന്റെ ബലഹീനതയല്ല, മറിച്ച് ഐക്യത്തിന്റെ വലിയൊരു നിധിയാണെന്ന് ചൂണ്ടിക്കാട്ടി. അതേസമയം, ലോകമെമ്പാടും നിരാശ പടരുന്ന ഈ കാലഘട്ടത്തിൽ സംവാദത്തിന്റെയും സാഹോദര്യത്തിന്റെയും ഇടയനായിട്ടാണ് പരിശുദ്ധ പിതാവ് എത്തിയിരിക്കുന്നത്. പ്രത്യേകിച്ച് യുവാക്കൾക്കിടയിൽ വർധിച്ചുവരുന്ന നിരാശയെക്കുറിച്ചും മാർപാപ്പ ആശങ്ക പ്രകടിപ്പിച്ചു. നീതിക്കു വേണ്ടിയുള്ള വിശപ്പും ദാഹവും മുറുകെപ്പിടിച്ച് കൂടുതൽ നീതിയുക്തമായ ഒരു സമൂഹത്തെ കെട്ടിപ്പടുക്കാൻ യുവാക്കൾ സജീവമായി മുന്നോട്ടുവരണമെന്ന് ആഹ്വാനം ചെയ്ത പാപ്പ, മനുഷ്യാന്തസ്സിനെയും മതസ്വാതന്ത്ര്യത്തെയും മാനിച്ചുകൊണ്ട് കാമറൂണിന്റെ വികസനത്തിന് പരിശുദ്ധ സിംഹാസനം എന്നും കൂടെയുണ്ടാകുമെന്ന് ഉറപ്പുനൽകി. ഭരണാധികാരം എന്നത് ആധിപത്യം സ്ഥാപിക്കാനല്ല, മറിച്ച് താഴ്മയോടെയുള്ള സേവനത്തിനുള്ളതാണെന്ന് വി. അഗസ്റ്റിന്റെ വാക്കുകൾ ഉദ്ധരിച്ചുകൊണ്ട് മാർപാപ്പ ഓർമ്മിപ്പിച്ചു. ന്യൂനപക്ഷങ്ങൾ ഉൾപ്പെടെയുള്ള എല്ലാവരുടെയും നന്മ ലക്ഷ്യമിട്ടുള്ള സുതാര്യമായ ഭരണമായിരിക്കണം നേതാക്കൾ കാഴ്ചവയ്‌ക്കേണ്ടത്. ഭരണരംഗത്തെ അഴിമതിയെ കടുത്ത ഭാഷയിൽ വിമർശിച്ച പരിശുദ്ധ പിതാവ്, അത് അധികാരത്തിന്റെ വിശ്വാസ്യത തകർക്കുമെന്നും ലാഭത്തോടുള്ള അമിത താൽപര്യം വെടിഞ്ഞ് മനുഷ്യവികസനത്തിനായി നിലകൊള്ളണമെന്നും ആവശ്യപ്പെട്ടു. കാമറൂണിലെ വടക്കുപടിഞ്ഞാറൻ മേഖലകളിലും മറ്റും നിലനിൽക്കുന്ന സംഘർഷങ്ങളെയും തന്മൂലം ജനങ്ങൾ അനുഭവിക്കുന്ന കഷ്ടപ്പാടുകളെയും മാർപാപ്പ വേദനയോടെ അനുസ്മരിച്ചു. യുദ്ധത്തിന്റെയും അക്രമത്തിന്റെയും യുക്തി ഉപേക്ഷിച്ച് സ്‌നേഹത്തിലും നീതിയിലും അധിഷ്ഠിതമായ സമാധാനത്തിന്റെ വഴി സ്വീകരിക്കാൻ പാപ്പ ആവശ്യപ്പെട്ടു. സമാധാന നിർമ്മാണത്തിൽ സ്ത്രീകളുടെ പങ്ക് വിലമതിക്കാനാവാത്തതാണെന്നു പറഞ്ഞ പാപ്പ, തീരുമാനങ്ങൾ എടുക്കുന്ന പ്രക്രിയയിൽ സ്ത്രീകൾക്ക് കൂടുതൽ പ്രാധാന്യം നൽകണമെന്നും വ്യക്തമാക്കി. വിദ്യാഭ്യാസത്തിലും ആരോഗ്യമേഖലയിലും കത്തോലിക്കാ സഭ നൽകിവരുന്ന സേവനങ്ങൾ തുടരുമെന്നും എല്ലാ മതനേതാക്കളും സംവാദത്തിലൂടെ സമാധാനം പുനഃസ്ഥാപിക്കാൻ ഒത്തുചേരണമെന്നും പാപ്പ ആവശ്യപ്പെട്ടു. യുവാക്കളുടെ തൊഴിലില്ലായ്മയും മയക്കുമരുന്ന് ഉപയോഗവും തടയുന്നതിന് അവർക്കായി തൊഴിലവസരങ്ങളും മികച്ച വിദ്യാഭ്യാസവും ഒരുക്കേണ്ടത് അത്യന്താപേക്ഷിതമാണെന്നും പാപ്പ പറഞ്ഞു. കാമറൂണിന് ദൈവാനുഗ്രഹം നേർന്നുകൊണ്ട്, നീതിയും സമാധാനവും നിറഞ്ഞ ഒരു ഭാവി കെട്ടിപ്പടുക്കാൻ എല്ലാവർക്കും സാധിക്കട്ടെ എന്ന് ആശംസിച്ചുകൊണ്ടാണ് പരിശുദ്ധ പിതാവ് പ്രസംഗം...

ആഫ്രിക്കൻ പര്യടനത്തിന്റെ രണ്ടാം ഘട്ടത്തിനായി കാമറൂണിലേക്ക് തിരിക്കും മുൻപ്, അൾജീരിയയിലെ കുരുന്നുകളോടുള്ള തന്റെ സ്നേഹവും വാത്സല്യവും പങ്കുവച്ച് ലെയോ പതിനാലാമൻ മാർപാപ്പ. അൾജിയേഴ്സിൽ മിഷനറീസ് ഓഫ് ചാരിറ്റി നടത്തുന്ന ‘നോട്രെ ഡാം ഡി’അഫ്രിക്ക്’ ചിൽഡ്രൻസ് സെന്റർ സന്ദർശിച്ചാണ് പാപ്പ തന്റെ മടക്കയാത്രയ്ക്ക് തുടക്കം കുറിച്ചത്. അങ്ങേയറ്റം ദാരിദ്ര്യം അനുഭവിക്കുന്ന മുസ്ലീം കുടുംബങ്ങളിൽ നിന്നുള്ള കുട്ടികളാണ് ഈ കേന്ദ്രത്തിൽ കഴിയുന്നവരിലധികവും. അൾജീരിയയിലെ അപ്പസ്തോലിക് ന്യൂൺഷിയേച്ചറിൽ നിന്ന് വിമാനത്താവളത്തിലേക്കുള്ള യാത്രയ്ക്കിടെയാണ് പാപ്പ ഈ സന്ദർശനം നടത്തിയത്. ആഫ്രിക്കൻ മാതാവിന്റെ ബസിലിക്കയ്ക്കു സമീപം സ്ഥിതിചെയ്യുന്ന കേന്ദ്രത്തിൽ ലളിതവും എന്നാൽ ആവേശഭരിതവുമായ സ്വീകരണമാണ് പാപ്പയ്ക്ക് ലഭിച്ചത്. കുട്ടികൾ തങ്ങൾ പഠിച്ചെടുത്ത ചെറിയ കലാപ്രകടനങ്ങൾ മാർപാപ്പയ്ക്കായി അവതരിപ്പിച്ചു. ഏറെ താൽപര്യത്തോടെ പ്രകടനങ്ങൾ വീക്ഷിച്ച പരിശുദ്ധ പിതാവ് കുട്ടികളെയും അവിടെ സേവനമനുഷ്ഠിക്കുന്ന സന്യാസിനിമാരെയും അഭിവാദ്യം ചെയ്യുകയും അവരുടെ കൂടെ സമയം ചെലവഴിക്കുകയും ചെയ്തു. കൽക്കട്ടയിലെ വി. മദർ തെരേസയുടെ പാത പിന്തുടർന്ന് മിഷനറീസ് ഓഫ് ചാരിറ്റി നടത്തുന്ന ഈ കേന്ദ്രം അൾജിയേഴ്സിലെ ദരിദ്രമായ സ്ഥലങ്ങളിൽ വലിയ വിദ്യാഭ്യാസ-സാമൂഹിക സേവനങ്ങളാണ് കാഴ്ചവയ്ക്കുന്നത്. ഏറ്റവും ദുർബലരായ ജനവിഭാഗങ്ങൾക്ക് നൽകുന്ന നിശ്ശബ്ദവും നിരന്തരവുമായ സേവനത്തിന് പാപ്പ സന്യാസിനിമാർക്ക് നന്ദി അറിയിച്ചു. കേവലം വിദ്യാഭ്യാസം നൽകുക എന്നതിലുപരി, വ്യത്യസ്ത മതവിഭാഗങ്ങൾക്കിടയിൽ ബഹുമാനവും സഹവർത്തിത്വവും വളർത്തുന്നതിൽ ഈ കേന്ദ്രം വഹിക്കുന്ന പങ്കും പാപ്പ എടുത്തുപറഞ്ഞു. ഈ ഹ്രസ്വ കൂടിക്കാഴ്ചയ്ക്കു ശേഷമാണ് പാപ്പ കാമറൂണിലേക്ക് തിരിക്കുന്നതിനായി വിമാനത്താവളത്തിലേക്ക്...

നാസിപ്പടയുടെ ക്രൂരതകളിൽ നിന്ന് രക്ഷപ്പെട്ട് എട്ടു പതിറ്റാണ്ടുകൾക്ക് ശേഷം, തന്റെ 86-ാം വയസ്സിൽ ഇസ്രായേൽ എന്ന സ്വപ്നഭൂമിയിൽ എത്തിയ പെനിന സെയ്‌ചിക് എന്ന വൃദ്ധയുടെ ജീവിതം ആരെയും അദ്ഭുതപ്പെടുത്തുന്നതാണ്. ലോകം കണ്ട ഏറ്റവും വലിയ വംശഹത്യയിൽ നിന്ന് തലനാരിഴയ്ക്ക് രക്ഷപ്പെട്ട പെനിനയുടെ ജീവിതം സഹനത്തിന്റെയും അതിജീവനത്തിന്റെയും വലിയൊരു പാഠമാണ്. ആദ്യ പലായനം പെനിനയ്ക്ക് വെറും മൂന്ന് വയസ്സുള്ളപ്പോഴാണ് നാസികൾ അവളുടെ ഗ്രാമമായ ലൂബീസോവിലേക്ക് അടുത്തത്. ഉടനെ മടങ്ങിവരാമെന്ന പ്രതീക്ഷയിൽ, അടുപ്പിൽ പാകം ചെയ്തുകൊണ്ടിരുന്ന ഭക്ഷണം നോക്കണമെന്ന് അമ്മൂമ്മയോട് പറഞ്ഞ് ഏൽപിച്ചിട്ടാണ് പെനിനയുടെ കുടുംബം അന്ന് ആ വീട് വിട്ടിറങ്ങിയത്. എന്നാൽ, പിന്നീട് ഒരിക്കലും അവർക്ക് ആ വീട്ടിലേക്കോ അമ്മൂമ്മയുടെ അടുത്തേക്കോ മടങ്ങിച്ചെല്ലാൻ സാധിച്ചില്ല. എല്ലാം നാസികൾ തകർത്തെറിഞ്ഞിരുന്നു. പട്ടിണിയും കഷ്ടപ്പാടും നിറഞ്ഞ നാളുകൾ നാസികളെ പേടിച്ച് ഉസ്ബെക്കിസ്ഥാനിലേക്ക് പലായനം ചെയ്ത പെനിനയും കുടുംബവും അവിടെ അനുഭവിച്ചത് കടുത്ത പട്ടിണിയാണ്. ഒരു കഷണം അപ്പത്തിനായി രാത്രി മുഴുവൻ വരി നിൽക്കേണ്ടി വന്നിരുന്നു പലപ്പോഴും. വിശപ്പും രോഗങ്ങളും മൂലം തന്റെ പ്രിയപ്പെട്ടവർ ഓരോരുത്തരായി മരിക്കുന്നത് പെനിനയ്ക്ക് കണ്ടുനിൽക്കേണ്ടി വന്നു. എങ്കിലും പ്രതീക്ഷ കൈവിടാതെ അവർ മുന്നോട്ട് നീങ്ങി. ഇസ്രായേൽ എന്ന സ്വപ്നം യുദ്ധത്തിന് ശേഷം ജർമ്മനിയിലെ അഭയാർഥി ക്യാമ്പുകളിൽ കഴിയുമ്പോഴാണ് ഇസ്രായേലിലേക്ക് പോകണമെന്ന ആഗ്രഹം പെനിനയിൽ ശക്തമായത്. എന്നാൽ ചില സാഹചര്യങ്ങൾ മൂലം അവർക്ക് അമേരിക്കയിലേക്ക് പോകേണ്ടി വന്നു. അവിടെ ഒരു അധ്യാപികയായി ജോലി ചെയ്യുമ്പോഴും, തന്റെ മണ്ണിലേക്ക് മടങ്ങണമെന്ന ആഗ്രഹം അവരിൽ ബാക്കിയുണ്ടായിരുന്നു. ഒടുവിൽ 2026 ഫെബ്രുവരി 18-ന് തന്റെ 86-ാം വയസ്സിൽ അവർ ആ സ്വപ്നം യാഥാർത്ഥ്യമാക്കി. മനോഹരമായ പ്രതികാരം ഇന്ന് ഇസ്രായേലിൽ തന്റെ മക്കൾക്കും പേരക്കുട്ടികൾക്കും ഒപ്പമിരുന്ന് പെനിന പഴയ കാര്യങ്ങൾ ഓർത്തെടുക്കുകയാണ്. നാസികൾ തന്റെ കുടുംബത്തെ ഇല്ലാതാക്കാൻ ശ്രമിച്ചെങ്കിലും, ഇന്ന് തന്റെ വലിയ കുടുംബത്തോടൊപ്പം സ്വന്തം രാജ്യത്ത് ജീവിക്കുന്നതാണ് ഏറ്റവും വലിയ ‘മധുരപ്രതികാരം’ എന്ന് അവർ വിശ്വസിക്കുന്നു. യുദ്ധം വിതച്ച നാശനഷ്ടങ്ങൾക്കിടയിലും തളരാതെ നിന്ന ആ മനക്കരുത്ത് ഇന്നും ലോകത്തിന് മാതൃകയാണ്. പെനിന സെയ്‌ചിക്കിന്റെ ജീവിതം വെറുമൊരു കഥയല്ല, അത് ലോകമെമ്പാടുമുള്ള മനുഷ്യർക്ക് നൽകുന്ന വലിയൊരു സന്ദേശമാണ്. എത്ര വലിയ കഷ്ടപ്പാടുകൾ ഉണ്ടായാലും പ്രത്യാശയോടെ കാത്തിരുന്നാൽ സ്വപ്നങ്ങൾ യാഥാർത്ഥ്യമാകുമെന്ന് ഈ 86-കാരി തെളിയിക്കുന്നു. സ്വന്തം മണ്ണിൽ, സ്വന്തം കുടുംബത്തോടൊപ്പം സമാധാനമായി ജീവിക്കുന്നതിലും വലിയൊരു വിജയം മറ്റൊന്നുമില്ലെന്ന് പെനിനയുടെ ജീവിതം നമ്മെ...