21കാരിയായ അർച്ചനയാണ് മരിച്ചത്. ഭർത്താവ് ഷാരോണിനെതിരെ ഗുരുതര ആരോപണങ്ങളാണ് യുവതിയുടെ ബന്ധുക്കള്‍ ആരോപിക്കുന്നത്. ഇരുവരുടെയും പ്രണയവിവാഹമായിരുന്നു. ഷാരോണ്‍ അർച്ചനയെ കൊന്നതാണെന്ന് അർച്ചനയുടെ പിതാവ് ഹരിദാസ് പറയുന്നത്.
സംശയരോഗിയായിരുന്ന ഷാരോണ്‍ അർച്ചനയെ ക്രൂരമായി മർദിച്ചിരുന്നു. ആറുമാസമായി ഫോണ്‍ ചെയ്യാൻ പോലും അനുവദിച്ചിരുന്നില്ലെന്നും പിതാവ് പറഞ്ഞു. ‘ഷാരോണിന്റെ അമ്മയും ബന്ധുക്കളും മകളെ ഉപദ്രവിച്ചിരുന്നു. മകള്‍ക്ക് അവരെ പേടിയായിരുന്നു. അർച്ചന കോളേജില്‍ പോയതിന് ഷാരോണ്‍ റോഡിലിട്ട് തല്ലിയിരുന്നു. അതിന് പൊലീസില്‍ പരാതി നല്‍കിയിട്ടുണ്ട്. ബുദ്ധിമുട്ടുണ്ടെങ്കില്‍ വീട്ടിലേക്ക് തിരിച്ചുവരാൻ മകളോട് പറഞ്ഞതാണ്. അവൻ ഒരുസ്ഥലത്തും മകളെ ഒറ്റയ്ക്ക് വിടില്ലായിരുന്നു’- ഹരിദാസ് പറഞ്ഞു. ഷാരോണിനെ കഴിഞ്ഞ ദിവസം തന്നെ പൊലീസ് കസ്റ്റഡിയിലെടുത്തിരുന്നു
