ബിഗ് ബോസ് മലയാളം ഏഴാം സീസണിലെ ഒട്ടേറെ മത്സരാർഥികൾ ഇതിനോടകം മലയാളികളുടെ ശ്രദ്ധ നേടിയിട്ടുണ്ട്. സ്വന്തം വസ്ത്രങ്ങള് പോലും ധരിക്കാനുള്ള അവസരം ഇത്തവണ മത്സരാര്ത്ഥികള്ക്ക് ലഭിച്ചിട്ടില്ല. വസ്ത്രം, മേക്കപ്പ് സാധനങ്ങള് എന്നിവയൊന്നും തന്നെ കയ്യില് ബാഡ്ജ് ഇല്ലാത്തവര്ക്ക് ഉപയോഗിക്കാനാകില്ല. ഇപ്പോഴിതാ വീട്ടിലെ കാര്യങ്ങൾ തുറന്നു പറഞ്ഞു കൊണ്ടുള്ള ഈ ആഴ്ച പുറത്തായ ആർജെ ബിൻസിയുടെ വാക്കുകൾ ശ്രദ്ധ നേടുകയാണ്. പുറത്തായതിന് ശേഷം ഏഷ്യാനെറ്റിന് നൽകിയ പ്രത്യേക ഇൻ്റർവ്യൂവിലാണ് ബിൻസിയുടെ തുറന്നു പറച്ചിൽ.
ബിഗ് ബോസ് ഹൗസിലെ ഏറ്റവും വലിയ ഫേക്ക് അനീഷെന്ന് ബിൻസി പറയുന്നു. അനീഷിന് താൻ സ്റ്റാർ കൊടുത്തില്ലെന്ന് ബിൻസി പറഞ്ഞു. എല്ലാവരും ചിന്തിക്കുന്നത് പല രീതിയിലാണ്. താൻ കാണുന്ന കാഴ്ചയല്ല, പലരും കാണുന്നത്. അതായിരിക്കും അവരുടെ ശരി. പക്ഷേ, തനിക്ക് അനീഷ് ചില സമയങ്ങളിൽ നമ്മളോട് സംസാരിക്കുമ്പോ വേറൊരാള് പുറത്തുവരുന്നത് പോലെ തോന്നിയിട്ടുണ്ട്.
ഒരു കാര്യം തന്നെ പലതവണ ആവർത്തിച്ച് അങ്ങോട്ടുമിങ്ങോട്ടും നടക്കുന്ന ഒരു അനീഷ് അല്ലാതെ സ്നേഹമുള്ള ഒരു അനീഷുണ്ട്. ചിലപ്പോൾ അത് അനീഷിൻ്റെ സ്ട്രാറ്റജി ആയിരിക്കാം. ജെനുവിനായി തോന്നിയ പ്ലയർ അപ്പാനി ശരതാണ്. ചേട്ടൻ ദേഷ്യം വന്നാൽ ദേഷ്യപ്പെടും. പിണക്കമുണ്ടെങ്കിൽ പിണങ്ങും. അതൊക്കെ കഴിഞ്ഞ് പുള്ളി സോൾവ് ചെയ്യാൻ പോകുന്നതും കണ്ടിട്ടുണ്ട് എന്നും ആർജെ ബിൻസി പറഞ്ഞു.
