വനിതാ പരിശീലകക്കെതിരെ ലൈംഗിക പീഡന പരാതിയുമായി ദേശീയ ബോക്സിങ് താരമായ 17കാരി. കേന്ദ്ര കായിക മന്ത്രാലയത്തിനു കീഴിലുള്ള ദേശീയ ബോക്സിങ് അക്കാദമിയിലെ പരിശീലകക്കെതിരെയാണ് 17കാരി പരാതി നല്കിയത്. പരിശീലക ശാരീരികമായും മാനസികമായും പീഡിപ്പിച്ചതായും മകള് ഡിപ്രഷനിലായെന്നും കുട്ടിയുടെ മാതാപിതാക്കള് ആരോപിച്ചു.
പരാതിയില് റോത്തക് പൊലീസ് എഫ്ഐആര് രജിസ്റ്റര് ചെയ്തിട്ടുണ്ട്. പരിശീലക നിര്ബന്ധിച്ച് വസ്ത്രങ്ങള് അഴിപ്പിച്ചതായും പല തവണ മര്ദ്ദിച്ചതായും കരിയര് ഇല്ലാതാക്കുമെന്നു ഭീഷണിപ്പെടുത്തിയെന്നും പരാതിയിലുണ്ട്. പരിശീലകക്കെതിരെ ലൈംഗികമായി ഉപദ്രവിച്ചതിനടക്കമുള്ള വകുപ്പുകള് ചേര്ത്താണ് പൊലീസ് കേസ് രജിസ്റ്റര് ചെയ്തിരിക്കുന്നത്.
